Jeremi 36:3 - Sră Goh 2018

³ Tồ cau Juda rơp git ală bơta rung rài lơh nền dùh hơđang bol khai, nàng kòp nă rê wơl sang gùng iơh he, tồ Añ in rgơi toh bơta iơh bơsak mơ tồi glài bol khai dê.”

Jeremi 36:3 Mawu Ofanana

Nehemi 1:9

Mơya dilah bol mê rê wơl hơ Añ mơ prap gàr ală bơta sồr lam Añ jê, mơ lơh jat; bulah bol mê kòl sơrbì hơ jơng trồ ngài rlau jơh, gen Añ rơp tơrgòm bol khai bơh tềng hơ̆, mơ lam bol khai rê tus hơ tiah Añ neh sac rwah nàng bơtào kơ̆ sơnđan Añ jê.’

Đơs Crih 139:24

Dan sơwì sền tòm añ gơs gùng dà iơh lơi hala ò? Dan tề lam añ tòm gùng gam sùm sùm.

Esai 6:10

Lơh tĕ nùs làng bol do kră kơldang, lơh tồr bol khai tĭ, mơ lơh mat bol khai gơ tơñềm. Nàng mat bol khai ò rgơi sền mơ tồr bol khai ò rgơi kơno, mơ nùs bol khai dê rgơi git wă, bol khai rê wơl mơ geh sơmbòi.”

Jeremi 18:11

Behơ̆ tàng tŭ do, yal tĕ mơ cau Juda mơ làng bol Jerusalem: ‘Yàng Jehôwa đơs be do: Do, Añ rcang bơta rung rài tòmdră mơ bol mê, mơ bơtào kai gơrmơ̆i tòmdră mơ bol mê. Tŭ do, jơh tơl nă bol mê pơrlac sang tĕ gùng iơh bol mê dê, mơ lơh niam wơl gùng dà mơ ală broă lơh bol mê dê!’

Jeremi 18:8

dilah lơgar mơ Añ đơs hơ̆ pơrlac sang bơta iơh gơ dê, gen Añ rơp tòmgơl nùs ò tơndùh bơta rung rài Añ lơh nền hơđang bol khai.

Jeremi 23:14

Mơya, tòm mpồl cau gơnoar hwơr tòm Jerusalem, Añ gŏ dô bơta cù kìr rlau tai; Bol khai tìs glài rềs àr bơrnàn, cơnđòa jat bơta ma blac; Bol khai lơh pràn kơldang tê cau lơh iơh in, Tian gơs ò gơs cau lơi pơrlac sang bơta iơh. Añ sền jơh ală bol khai gơlik kung be Sôdôm, Mơ làng bol gơ dê kung be Gômôrơ.”

Jeremi 24:7

Añ rơp ai bol khai in nùs đal git Añ la Yàng Jehôwa. Bol khai rơp lơh gơs làng bol Añ, mơ Añ rơp lơh gơs Yàng Tom Trồ bol khai; bơh bol khai rơp jơh nùs rê wơl mơ Añ.’

Jeremi 26:3

Digơlan bol khai rơp iat mê, mơ kòp nă rơp sang gùng iơh bol khai dê; tồ Añ in rơp tòmgơl nùs bơh bơta rung rài mơ Añ neh lơh nền tuh hơđang bol khai, bơh broă iơh bol khai neh lơh.

Jeremi 35:15

Añ kung neh sồr jơh ală dĭ gơna Añ jê, hơ̆ la ală cau gơnoar hwơr lòt tus đơs mơ bol mê: “Kòp nă tòm bol mê sang tĕ gùng iơh bơsak, mơ lơh niam wơl broă lơh bol mê dê. Bañ lòt jat nàng duh broă ală yàng ndai, gen bol mê rơp ơm tòm ù tiah mơ Añ neh ai bol mê mơ ồng pàng bol mê in.” Mơya bol mê ò ai tồr nàng iat, mơ ò bài dòn bơr Añ.

Jeremi 36:7

Digơlan bol khai rơp hòi dan Yàng Jehôwa, mơ pleh bơh gùng iơh he; bơh bơta gơjrañ mơ bơta gơjrañ dờng Yàng Jehôwa neh yal tòmdră mơ làng bol do.”

Ejekiel 12:3

Behơ̆ gen, ơ kòn mơnus, mê rcang tĕ phan mơna ơn tòm kơldung nàng kong kup cèng mơ digùl ngai di đap bol khai, mê lik tĕ mơ lòt bơh di tiah mê ơm tus hơ dô bă tiah ndai di đap mat bol khai. Digơlan bol khai rơp git wă bulah bol khai la dô nơm làng bol jak tòmdră.

Ejekiel 18:23

Jehôwa Yàng Tom Trồ đơs lah: ‘Añ rơp niam nùs bơh bơta chơt cau iơh bơsak dê, sơl ơ? Gơsơlơ̆u wơl, ò di la Añ niam nùs tòm tŭ bol khai pơrlac wơl bơh di ală gùng dà bol khai dê mơ geh kis ò ơ?

Sôphôni 2:3

Ơ ală bol mê la cau pơndêt să tòm ù, la cau lơh jat gơnoar sồr lam Kơnràñ dê; Jòi jat tĕ Yàng Jehôwa, Jòi jat tĕ bơta song ring, jòi jat bơta tơnliah să; digơlan bol mê rơp geh pồn ndơp tòm ngai gơjrañ dờng Yàng Jehôwa dê.

Mathiơ 13:15

Bơh nùs làng bol do neh kră kơldang; Tồr bol khai neh tĭ, Mat bol khai neh ñềm; Rngòt mat bol khai geh gŏ, Tồr bol khai geh kơno, Nùs bol khai geh git wă, bol khai rê wơl, Mơ Añ sơm bol khai in bòi mòn.’

Jơnau Niam Jat Mak 4:12

Tồ bol khai in: sền gen gŏ mơya ò git đal, iat gen kơno mơya ò git wă. Behơ̆ gen bol khai rê wơl mơ geh toh glài mòn.”

Luka 20:13

Chòp cau tòm suơn ño đơs lah: ‘Ñchi añ pal lơh taih? Añ rơp sồr kòn klau kòñ gơboh añ jê; digơlan bol khai rơp ki ngàm di khai.’

Broă 26:18

nàng pò mat bol khai, tơrwơl bol khai bơh di klam jơngo tus hơ bơta àng, mơ bơh di gơnap gơnoar cà Satan dê tus hơ Yàng Tom Trồ, behơ̆ kơnòm di bơta dòn di Añ, tồi glài bol khai dê geh toh, mơ dòp geh sre brê bal mơ ală cau geh sac rwah Yàng Tom Trồ dê.’

Broă 26:20

Mơya sơnròp ngan tòm Damas, tòm Jerusalem mơ làm jơh lơgar Jude, lồc behơ̆ tus di ală làng bol bơdìh, añ neh bơto yal lah pal gơjrañ sang glài mơ rê wơl hơ Yàng Tom Trồ, mơ lơh broă di pal mơ bơta gơjrañ sang glài.

Broă 28:27

Bơh nùs làng bol do neh kră kơldang, Tồr bol khai neh tĭ, Mat bol khai neh ñềm, Rngòt mat bol khai geh gŏ, Tồr bol khai geh kơno, Nùs bol khai geh git wă, Mơ bol khai rê wơl Mơ Añ sơm bol khai in bòi mòn.’

Broă 3:19

Behơ̆, dilah ală oh mi gơjrañ sang glài mơ rê wơl hơ Yàng Tom Trồ, gen tồi glài bol mê geh toh jơh,

Yal Wơl 30:2

mơ rê wơl hơ Jehôwa Yàng Tom Trồ bol mê dê, bol mê mơ ală kòn sau bol mê dê dòn bơr Kơnràñ jơh nùs jơh hwềng soàn, jat be kòp bơta añ neh sồr bol mê tòm ngai do,

Yal Wơl 30:8

Bol mê rơp dòn bơr Yàng Jehôwa tai, mơ lơh jat jơh ală jơnau sồr Kơnràñ dê mơ añ ai bol mê in tòm ngai do,

Yal Wơl 5:29

Dilah làng bol do gơs nùs duh rngòt di Añ sùm, mơ òs prap gàr jơh ală jơnau sồr Añ jê, behơ̆ sồng khai mơ kòn sau bol khai rơp geh lơngai sùm sùm!

II Pier 3:9

Yàng ò di òbat bơh jơnau ho pơgon Kơnràñ dê be ală cau ne kơlôi la òbat, mơya Kơnràñ kong ơt gơwèt mơ oh mi, ò kòñ dô nă cau lơi roh rui, mơya kòñ jơh tơl nă git gơjrañ sang glài.

I Samuel 7:3

Samuel đơs mơ jơh hìu Israel lah: “Dilah ală bol mê jơh nùs rê wơl hơ Yàng Jehôwa, gen sang tĕ ală yàng lơgar bơdìh mơ Astarte bơh digùl bol mê, ơn tĕ song nùs bol mê dê Yàng Jehôwa in, mơ mìng duh broă Kơnràñ lơm, gen Kơnràñ rơp dong tă bol mê bơh di tê cau Philistin.”