Jeremi 35:6 - Sră Goh 2018

⁶ Mơya bol khai ho lah: “Bol hi ò ñô tơrnòm ò; tài bơh ồng pàng bol hi dê la Jônadap, kòn klau Rekap, neh ai gơnoar sồr bol hi lah: ‘Bol mê jơl tus di kòn sau bol mê dê sùm sùm bañ tŭ lơi ñô tơrnòm.

Jeremi 35:6 Mawu Ofanana

Sơnròp Gơlik Gơs 25:27

Tŭ bàr nă kòn klau do dờng rau gen Esau la dô nă cau jak mòc, òs ơm tòm ƀlàng sre, ai Jakôp la cau ring ngềt, kư̆ ơm tòm sàl.

Sơnròp Gơlik Gơs 36:7

Tài bơh bàr nă oh mi khai dê gơs oă phan mơna, oă mpồl phan poan jơng, mơ lơgar bol khai dê ơm ing ò tơl tiah nàng ròng gơ, gen ơm bal mơ gơp ò diơng.

II Ală Bơtau 10:15

Lòt bơh tềng hơ̆, Jehu tìp Jehônadap, kòn klau Rekap, lòt tus rò khai. Khai lùp còp Jehônadap, mơ đơs lah: “Nùs mê dòn song mơ añ, be nùs añ neh dòn song mơ mê sơl?” Jehônadap ho lah: “Ngan behơ̆.” Jehu đơs: “Behơ̆ gen, dilah dòn song, pò tĕ tê mê añ in.” Gen Jehônadap pò tê khai in. Jehu sồr khai hào rơndeh bal mơ khai,

II Ală Bơtau 10:23

Gen Jehu mut tòm hìu duh khoai Baal bal mơ Jehônadap, kòn klau Rekap, đơs mơ ală cau duh broă Baal lah: “Jòi sền nề nề tĕ, tềng do ò gơs dĭ gơna lơi Yàng Jehôwa dê, mìng ală dĭ gơna Baal dê lơm.”

I Yal Yau 16:19

Tòm tŭ ntum khà bol khai dê mìng la dô êt lơm, ngan la êt lơm, mơ la cau crih mat tòm lơgar hơ̆,

I Yal Yau 2:55

Ală hìu nhă ală cau cih sră ơm tòm Jabes la: mpồl Terathit, mpồl Simeathit, mơ mpồl Sekathit. Do la làng bol Kenit tơnggơs bơh Hammat la ồng pàng hìu Rekap dê.

Đơs Crih 105:12

Tŭ hơ̆ bol khai mìng la dô mpồl dềt lơm, Ò gơs dờng màng, mơ la cau nac crih tòm lơgar.

Lik Ejiptơ 20:12

Dòn duh tĕ mè bèp bol mê dê, tồ bol mê in geh kis jŏ jòng tòm lơgar mơ Jehôwa Yàng Tom Trồ bol mê dê ai bol mê in.

Jeremi 35:10

mơya kư̆ ơm tòm sàl. Bol hi neh dòn bơr ồng pàng bol hi dê la Jônadap behơ̆, mơ lơh jat jơh ală bơta khai neh nting sồr bol hi.

Jeremi 35:14

Jơnau Jônadap, kòn klau Rekap, neh bơto sồr kòn sau khai lah bañ ñô tơrnòm, gen gơlik gơs di ngan; bol khai ò ñô tơrnòm jơl tus di ngai do, bơh neh dòn jat gơnoar sồr pàng he dê. Ai Añ, neh kong ơt đơs mơ bol mê, mơ bol mê ò bài iat Añ.

Lebi 10:9

“Mê mơ ală kòn klau mê dê bañ ñô tơrnòm hala phan ñô lơi ndai gơs kañ tŭ lơi mut tòm Sàl Tòm Mat, rngòt bol mê rơp chơt. Hơ̆ la dô jơnau sồr gam sùm sùm bơh rài do tus hơ rài ne.

Luka 1:15

Bơh khai rơp la dờng màng di đap Yàng, ò gơs ñô tơrnòm hala alak, mơ geh bềng lìu Yàng Hwềng Goh bơh tòm kơndul mè.

I Pier 2:11

Ơ ală cau kòñ gơboh, oh mi be cau nac crih mơ be cau ơm ing, añ bơto tơngkah oh mi pal ơt tĕ ală bơta hàm kòñ is poac să dê, la ală bơta gơtòmlơh mơ hwềng soàn.

Ală Kwang Cahrña 13:14

Khai ò geh sa phan lơi tus bơh tòm ño, kung ò geh ñô tơrnòm hala alak, hala sa phan lơi ò goh; khai pal lơh jat jơh ală bơta añ neh sồr khai.”

Ală Kwang Cahrña 13:7

Mơya khai neh đơs mơ añ lah: ‘Ai rơp bun mơ deh dô nă kòn klau, gen tàng bañ ñô tơrnòm hala alak, mơ kung bañ sa phan lơi ò goh, bơh kòn dềt hơ̆ rơp gơs dô nă cau Najire Yàng Tom Trồ in, bơh di ngai deh tus di ngai chơt khai dê.’”