Jeremi 34:5 - Sră Goh 2018

⁵ Mê rơp chơt tòm lơngap lơngai. Cau rơp chu sơnơm ƀô bơlhu mê in be neh chu ồng pàng mê in, hơ̆ la ală bơtau lài mơ mê, mơ rơp ñìm ƀồc mê in. Să tòm Añ neh đơs jơnau do, Yàng Jehôwa đơs behơ̆.’”

Jeremi 34:5 Mawu Ofanana

II Ală Bơtau 22:20

Gen tàng, Añ rơp tơrgòm mê rê bal mơ ală ồng pàng mê; mơ mê rơp geh tơp tòm bơtô mê dô bă lơngap lơngai, mơ mat mê rơp ò gŏ ală bơta rung rài mơ Añ rơp cèng tus hơđang tiah do.” Gen bol khai yal wơl bơtau in ală jơnau hơ̆.

II Yal Yau 16:14

Mơ cau tơp khai tòm bơtô mơ khai neh tò să tòm khai in tòm ƀòn dờng Dabit. Cau ơn khai hơđang dô nơm phan tùng ƀồc neh bong tơl ală sơnơm ƀô bơlhu neh bơcă bơh cau chài bơcă mơñà ƀô bơlhu; mơ bol khai sing dô gơnru ồs dờng nàng ñìm ƀồc khai.

II Yal Yau 34:28

Tŭ do Añ rơp cèng tơrgòm mê rê bal mơ ală ồng pàng mê dê, mơ mê rơp geh tơp lơngap lơngai. Mat mê rơp ò gŏ jơh ală bơta rung rài mơ Añ rơp dùh hơđang tiah do mơ ală cau ơm tềng do.’” Behơ̆ bol khai rê yal wơl mơ cau bơtau jơnau ho wơl cau gơnoar hwơr ùr dê.

Jeremi 22:18

Gen tàng, bơh Jehôyakim, kòn klau Jôsia, bơtau Juda dê, Yàng Jehôwa đơs be do: “Cau rơp ò ñìm khai in lah: ‘Ơ oh mi añ!’ hala ‘Ơ ruh añ!’ Kung rơp ò pơt wòl khai lah: ‘Ơ hơh! Ơ yàng añ’ hala ‘Ơ hơh! Bơta gơklŏ kơnràñ dê!’

Jeremi 34:4

Bulah behơ̆, ơ Jedekia, bơtau Juda, iat tĕ jơnau Yàng Jehôwa! Bơh mê, Yàng Jehôwa đơs be do: ‘Mê rơp ò chơt bơh đào ò.

Ñìm Rac 4:20

Cau kong bong mơñà Yàng Jehôwa dê, hơ̆ la nhơm tă bơta kis bol hi dê, neh kong yar tòm dă bol khai dê rau, Bơh ñcau, bol he òs đơs lah: “Hơđơm mƀur Kơnràñ dê bol hi rơp ơm kis digùl ală lơgar.”

Ejekiel 17:16

Jehôwa Yàng Tom Trồ đơs lah: ‘Di ngan kung be Añ kis, khai rơp chơt tòm Babilôn, tòm lơgar gơrê mơ cau bơtau neh ơn khai hơđang sơbàn, la cau bơtau mơ khai neh sền òsơp di jơnau srat să ho nền mơ gơltac bơta ho bal.

Daniel 2:46

Gen bơtau Nebukatnessar tơmbic să blup mat tòm ù khoai Daniel. Bơtau sồr ơn phan ơn khai in mơ chu phan ƀô bơlhu di đap khai.

I Samuel 31:12

gen jơh ală cau khin cha bol khai dê ñă lòt mang àng tus hơ Betsan. Bol khai tơmù ƀồc Sol mơ ƀồc ală kòn klau khai dê bơh di dơrñang Betsan; gen bol khai rê hơ Jabes mơ chu ală ƀồc hơ̆ tềng hơ̆.