Jeremi 34:22 - Sră Goh 2018

²² Yàng Jehôwa đơs: ‘Añ rơp ai gơnoar sồr mơ lơh bol khai in rê wơl hơ ƀòn do; bol khai rơp lơh, rơp tòmpìt ai, mơ ai ồs chu pơrguc gơ. Añ rơp lơh ală ƀòn Juda gơlik gơs tiah sang lòi ngềt ngơt, ò gơs làng bol ơm.’”

Jeremi 34:22 Mawu Ofanana

II Samuel 16:11

Dabit đơs mơ Abisai mơ jơh ală cau dĭ gơna khai dê lah: “Kòn klau añ la poac mhàm tòm añ mơ kòñ tơnchơt añ, tơ ài lah cau Benjamin do! Lòi tĕ khai, mơ lòi khai srat rma; bơh Yàng Jehôwa neh sồr khai lơh behơ̆.

II Ală Bơtau 25:6

Mpồl ling Kalde kup bơtau Jedekia, lam tus hơ bơtau Babilôn ơm tòm Ripla; bol khai lơh nền glài bơtau.

II Ală Bơtau 25:9

Khai chu hìu duh khoai Yàng Jehôwa, gơlang bơtau dê, mơ ală hìu tòm ƀòn dờng Jerusalem; chu pơrguc jơh ală hìu dờng.

II Yal Yau 36:17

Gen tàng Kơnràñ cèng bơtau Babilôn guh tòmdră mơ bol khai, khai ai đào sreh tơnchơt ală cau pơnu bol khai dê, tòm hìu sàng goh bol khai dê, mơ ò nđàc sơngit di cau pơnu hala cau ơruh, cau kra hala cau ryŭ ryơm; mơ Kơnràñ jào jơh ală phan hơ̆ tòm tê Nebukatnessar.

Esai 13:3

Añ, să tòm Añ neh ai jơnau gơnoar sồr ală cau sàng goh Añ jê; Añ neh hòi pơjum ală cau ling tòmlơh Añ jê, cau hòn să Añ jê, nàng lơh gơlik gơs bơta gơjrañ dờng Añ jê.

Esai 24:12

Ƀòn dờng mìng gam rhàng srau gòi, mpồng ƀòn dờng neh tơrlơm lề lac;

Esai 37:26

Mê òhềt kơno ơ? Añ neh lơh nền bơta hơ̆ bơh jŏ rau, Añ neh rơndap bơta hơ̆ bơh rài yau òr; tŭ do Añ neh lơh gơlik gơs, la mê neh lơh ală ƀòn dờng kơ̆ cê gơlik gơs ală gơnru lề lac ngềt ngơt.

Esai 6:11

Gen añ đơs lah: “Khoai Yàng Jehôwa, jơl tus di tŭ lơi taih?” Mơ Kơnràñ ho lah: “Jơl tus di tŭ ală ƀòn dờng sang srau gòi, ò gơs cau ơm, mơ ală hìu ò gơs cau ơm, mơ ù tiah gơlik ngềt ngơt;

Esai 64:10

Ală ƀòn dờng sàng goh Kơnràñ dê neh gơlik gơs dô nơm ƀlàng bràs; Siôn neh gơlik gơs la dô nơm ƀlàng ngềt ngơt, Jerusalem la tiah sang lòi srau gòi.

Jeremi 2:15

Ală klìu triă neh ơluh ơhùm tòmdră mơ khai, Bol gơ ơluh ơhùm dờng ngan, Mơ gơlơh ù tiah khai dê gơlik gơs ngềt ngơt. Ală ƀòn dờng khai gơkòl tơnroh gơprah, ò gơs cau ơm.

Jeremi 32:29

Ală cau Kalde tòmlơh mơ ƀòn do rơp tus, ơn ồs mơ chu gơ, chu tơn ală hìu mơ cau neh ơn kơlhô Baal in hơđang rkàng hìu, mơ ơn phan pơdơng ñô ală yàng ndai, nàng bơrcek Añ gơjrañ.

Jeremi 33:10

Yàng Jehôwa đơs be do: ‘Tòm tiah do bol mê neh đơs: “Hơ̆ la dô bă tiah srau gòi; ò gam gơs cau ơm, kung ò gơs phan poan jơng;” tòm ală ƀòn cau Juda, mơ ală gùng ƀòn dờng Jerusalem dê, hơ̆ la ală tiah neh kong sang lòi ngềt ngơt, ò gơs cau ơm, ò gơs làng bol ơm, kung ò gơs phan poan jơng,

Jeremi 34:2

Jehôwa Yàng Tom Trồ Israel dê, đơs be do: “Lòt yal tĕ mơ Jedekia, bơtau Juda lah: Yàng Jehôwa đơs lah: ‘Do, Añ rơp phi ƀòn do tòm tê bơtau Babilôn, khai rơp ai ồs chu gơ.

Jeremi 38:23

Jơh ală bau ùr, bau cồng, kòn klau kòn ùr bơtau dê rơp kong cèng tus hơ cau Kalde; ai să tòm bơtau, rơp ò klàs bơh tê bol khai, mơya rơp kong tê bơtau Babilôn kup, mơ ƀòn do rơp kong chu mơ ồs.”

Jeremi 39:8

Cau Kalde ngui ồs chu gơlang bơtau mơ hìu làng bol dê, phà tơrlah dơrñang ƀòn Jerusalem.

Jeremi 4:7

Klìu triă neh lik bơh dơr brê, Cau tơnroh ală lơgar neh lik lòt, khai neh lik bơh tiah khai dê, Nàng lơh ù tiah mê gơlik tiah srau gòi; Ală ƀòn dờng mê dê gơlik tiah sang ngềt ngơt, Mơ ò gơs cau ơm.

Jeremi 44:22

Yàng Jehôwa ò jai kong tai, bơh broă lơh iơh rmơh bol mê dê mơ bơta cù kìr mơ bol mê neh tìs, gen tàng lơgar bol mê neh gơlik gơs tiah lòi srau, ngềt ngơt mơ dô bơta srat sơntơm, ò gơs làng bol ơm jơl tus di ngai do.

Jeremi 50:13

Bơh bơta gơjrañ dờng Yàng Jehôwa dê, gơ rơp ò gơs cau ơm tai, Mìng gơlik gơs tiah lòi srau lơm; Ală cau lòt gan rềp Babilôn rơp rngòt rngơt, Mơ dơñŏ tơnhial bơh ală bơta sồt rmàñ gơ dê.

Jeremi 52:13

Khai chu hìu Yàng Jehôwa, gơlang bơtau, mơ jơh ală hìu ơm tòm Jerusalem. Ală hìu dờng cau màng ryŭ dê khai chu jơh.

Jeremi 52:7

Dơrñang ƀòn kong phà tơrlah, jơh ală ling jak tòmlơh dô lik jơh bơh ƀòn tòm trồ mang, bơh di mpồng ơm digùl bàr nơm dơrñang, rềp di suơn bơtau; tòm tŭ cau Kalde ơm gơrwàng ƀòn, gen bol khai ntoat dô wèt hơ Araba.

Jeremi 9:11

“Añ rơp lơh Jerusalem in gơlik gơs dô gơnru tơrlah tơrlơm, Trồm ơm so rhau dê; Mơ lơh ală ƀòn dờng Juda dê gơlik gơs tiah lòi srau, ò gơs cau ơm.”

Ñìm Rac 1:1

Mbe ƀòn dờng ơm nggui is dô nă, hơ̆ la ƀòn bơh lài òr neh gơs bềng cau! Mbe khai gơlơh be dô nă cau ùr bơnrau, Yau òr khai la dờng digùl ală làng bol! Yau òr khai la kwang at bồ digùl ală kơnhwàl lơgar, tŭ do khai gơlik gơs dô nă cau duh broă cau ndai in!

Ejekiel 13:22

Tài bơh bol ai neh ai bơta đơs blac lơh gơplơ̆ nùs cau song ring tòm tŭ Añ ò lơh bol khai in moat jrùng, mơ tài bơh bol ai chồl nùs cau iơh bơsak nàng bol khai ò rê wơl bơh di ală gùng iơh bol khai dê tồ dong klàs bơta kis bol khai dê,

Amôs 3:6

Dô nơm kơlwòk uh tòm ƀòn dờng, gen làng bol ò rngòt ơ? Tòm tŭ bơta rung rài gơdùh tòm dô nơm ƀòn dờng, mìng la Yàng Jehôwa neh lơh gơlik gơs ò ơ?

Mice 7:13

Mơya plai ù rơp gơlik gơs tiah sang lòi ngềt ngơt tài bơh ală cau ơm tòm hơ̆, mơ bơh cồng nha broă lơh bol khai dê.

Sacari 1:12

Gen cau gơnrơh Yàng Jehôwa dê đơs lah: “Ơ Yàng Jehôwa Gơnap Gơnoar Dờng Làm Jơh! Nđò jŏ tai Kơnràñ gam ò nđàc sơngit di Jerusalem mơ ală ƀòn dờng Juda dê mơ Kơnràñ neh gơhào gơjrañ tòm poh jơt sơnam taih?”

Sacari 7:14

Mơ Añ neh rsìh bol khai bơh dô nơm càl wac brồng digùl ală lơgar mơ bol khai òhềt tŭ lơi git. Ù tiah bol khai lòi wơl rơp gơkòl sang lòi ngềt ngơt tian gơs ò gơs cau lơi rgơi lòt rê, mơ dô nơm lơgar niam mơnĕ neh gơlik gơs lơgar sang lòi ngềt ngơt.”

Mathiơ 22:7

Cau bơtau gơhào gơjrañ, gen sồr ală cau ling lòt tơnroh ală cau tơnchơt cau hơ̆, mơ chu ƀòn dờng bol khai dê.