Jeremi 34:2 - Sră Goh 2018

² Jehôwa Yàng Tom Trồ Israel dê, đơs be do: “Lòt yal tĕ mơ Jedekia, bơtau Juda lah: Yàng Jehôwa đơs lah: ‘Do, Añ rơp phi ƀòn do tòm tê bơtau Babilôn, khai rơp ai ồs chu gơ.

Jeremi 34:2 Mawu Ofanana

II Ală Bơtau 25:1

Tòm nam dơ̆ sin rài Jedekia, ngai jơt kơnhai jơt, bơtau Nebukatnessar, Babilôn dê, bal mơ jơh mpồl ling khai dê, tus tòmlơh mơ Jerusalem; mơ khai sơntơp sàl di đap ƀòn, mơ bơt dơrñang gơrwàng gùt dar ƀòn.

II Ală Bơtau 25:9

Khai chu hìu duh khoai Yàng Jehôwa, gơlang bơtau dê, mơ ală hìu tòm ƀòn dờng Jerusalem; chu pơrguc jơh ală hìu dờng.

Jeremi 21:10

Yàng Jehôwa đơs: ‘Bơh Añ ơn mat Añ tòmdră mơ ƀòn dờng do, bơta iơh ò di la bơta niam; gơ rơp kong phi tòm tê bơtau Babilôn, mơ khai rơp chu gơ mơ ồs.’

Jeremi 21:4

‘Jehôwa Yàng Tom Trồ Israel dê, đơs be do: Añ rơp tơrwơl ală phan tòmlơh tòm tê bol mê at nàng tòmdră mơ bơtau Babilôn mơ cau Kalde ơm gơrwàng bol mê đah bơdìh dơrñang, gen Añ rơp cèng tơrgòm gơtơmut digùl ƀòn dờng do.

Jeremi 27:22

‘Ală phan hơ̆ rơp kòl cèng hơ lơgar Babilôn, geh lòi tềng hơ̆ jơl tus di ngai Añ wèt sền bol khai; tŭ hơ̆ Añ rơp cèng ală phan hơ̆ rê wơl, ơn wơl tòm tiah do,’ Yàng Jehôwa đơs behơ̆.”

Jeremi 32:3

Bơh Jedekia, bơtau Juda neh jàm khai, đơs lah: “Ñchi bơh tài mê đơs hwơr lah: Yàng Jehôwa đơs be do: ‘Do, Añ rơp phi ƀòn dờng do tòm tê bơtau Babilôn, khai rơp tòmpìt ai;

Jeremi 34:22

Yàng Jehôwa đơs: ‘Añ rơp ai gơnoar sồr mơ lơh bol khai in rê wơl hơ ƀòn do; bol khai rơp lơh, rơp tòmpìt ai, mơ ai ồs chu pơrguc gơ. Añ rơp lơh ală ƀòn Juda gơlik gơs tiah sang lòi ngềt ngơt, ò gơs làng bol ơm.’”

Jeremi 38:23

Jơh ală bau ùr, bau cồng, kòn klau kòn ùr bơtau dê rơp kong cèng tus hơ cau Kalde; ai să tòm bơtau, rơp ò klàs bơh tê bol khai, mơya rơp kong tê bơtau Babilôn kup, mơ ƀòn do rơp kong chu mơ ồs.”

Jeremi 39:8

Cau Kalde ngui ồs chu gơlang bơtau mơ hìu làng bol dê, phà tơrlah dơrñang ƀòn Jerusalem.