Jeremi 34:17 - Sră Goh 2018

¹⁷ Behơ̆ gen, Yàng Jehôwa đơs be do: ‘Bol mê neh ò iat Añ, kòp nă yal oh mi he in, cau gơp ƀòn he geh khat gơboh.’ Yàng Jehôwa đơs: ‘Do, Añ yal bơta khat gơboh bol mê in, hơ̆ la lòi bol mê in khat gơboh tòm pềs tà, pluh plàng, jơgloh rung, lòi bol mê kong rngòt rngơt digùl ală lơgar tòm dunnia.

Jeremi 34:17 Mawu Ofanana

Este 7:10

Cau bơtau đơs lah: “Yồng tĕ ngko khai hơđang hơ̆!” Behơ̆ bol khai yồng Haman hơđang jrong yồng cau mơ khai neh rcang nàng yồng Mordike. Gen bơta gơjrañ bơtau dê geh rài.

Jeremi 15:2

Dilah bol khai lùp mê lah: ‘Ntềng đah bol hi rơp lòt taih?’ gen đơs tĕ mơ bol khai lah: Yàng Jehôwa đơs be do: ‘Ală cau neh rcang lòi pluh plàng in, pal kong pluh plàng; Ală cau neh kong pềs tà in, pal kong pềs tà; Ală cau neh rcang lòi jơgloh rung in, pal kong jơgloh rung; Ală cau neh rcang lòi kong kup cèng pơrdô ngài, pal kong kup cèng pơrdô.’”

Jeremi 15:4

Tài bơh Manase, kòn klau Ejekia, bơtau Juda, mơ bơh ală broă khai neh lơh tòm Jerusalem, Añ rơp lơh bol khai in gơlik bơta rngòt rngơt tòm ală lơgar dunnia dê.

Jeremi 21:7

Yàng Jehôwa đơs: ‘Tơnơ̆ mơ hơ̆, Añ rơp jào Jedekia, bơtau Juda, dĭ gơna mơ làng bol khai dê, hơ̆ la ală cau gam wơl tòm ƀòn dờng, neh klàs bơh pluh plàng, pềs tà, jơgloh rung, Añ rơp phi bol khai tòm tê Nebukatnessar, bơtau Babilôn, tòm tê ală cau sò tơm bol khai dê mơ ală cau kòñ jòi bơta kis bol khai dê. Nebukatnessar rơp tơnchơt bol khai mơ đào, ò pơlai, ò kòñ nđàc, ò git nđàc sơngit.’

Jeremi 29:17

Behơ̆, do la jơnau Yàng Jehôwa Gơnap Gơnoar đơs: “Ngan, Añ rơp sồr pềs tà, jơgloh rung, mơ pluh plàng tus hơđang bol khai, rơp lơh bol khai in tòm toh be ală plai chi ƀal ồm, tian gơs cau ò rgơi sa.

Jeremi 29:18

Añ rơp ai pềs tà, jơgloh rung mơ pluh plàng ting jat bol khai, rơp lơh bol khai in gơlik dô bơta rngòt rngơt digùl ală lơgar tòm dunnia, lơh gơs bơta srat sơntơm, cù kìr, dơñŏ tơnhial, ƀàssìl ƀàsso digùl ală làng bol mơ Añ neh bơtrơh bol khai tus.”

Jeremi 32:24

Ne, ală theng gơrwàng kơ̆ cê neh geh bơt gùt dar ƀòn nàng tòmpìt ai gơ. Tài bơh pềs tà, jơgloh rung, pluh plàng, gen tàng ƀòn kong phi tòm tê cau Kalde tòmlơh mơ bol khai. Bơta Kơnràñ đơs neh gơlik gơs, be Kơnràñ neh gŏ!

Jeremi 32:25

Ơ Yàng Jehôwa, Kơnràñ neh đơs mơ añ lah: “Ai tĕ khà priă blơi sre do, mơ jà ală cau lơh cơng.” Mơ ne, ƀòn dờng neh kong phi tòm tê cau Babilôn!’”

Jeremi 32:36

Gen tàng tŭ do, bơh ƀòn dờng do, mơ bol mê đơs lah gơ neh phi tòm tê bơtau Babilôn bơh pềs tà, jơgloh rung, pluh plàng, gen Jehôwa, Yàng Tom Trồ Israel dê, đơs be do:

Jeremi 34:8

Gơs jơnau Yàng Jehôwa đơs Jeremi, tơnơ̆ mơ tŭ bơtau Jedekia neh bơtào bơta ho bal mơ jơh làng bol tòm Jerusalem, nàng yal bơta khat gơboh làng bol hơ̆ in,

Jeremi 38:2

“Yàng Jehôwa đơs be do: ‘Cau lơi ơm wơl tòm ƀòn gen kong chơt bơh pềs tà, jơgloh rung, hala pluh plàng; mơya cau lơi lik jào să cau Kalde in gen rơp geh kis, khai rơp geh klàs bơh bơta chơt be phan pà, khai rơp kis.’

Ñìm Rac 1:8

Jerusalem neh tìs glài dờng ngan, behơ̆ tàng khai gơlik gơs dô bơta dơñŏ tơnhial. Jơh ală cau sền dờng màng di khai sền òsơp khai wơl, bơh bol khai neh sền gŏ bơta ơm kuh lòi rồ khai dê. Ai să tòm khai gen rơnđơh mơ wèt muh mat khai dê hơ tiah ngài.

Daniel 6:24

Jat jơnau sồr bơtau dê gen cau cèng tus ală cau neh yă Daniel, mơ sơrbì bol khai bal mơ bau kòn bol khai dê tòm wàng klìu triă. Tòm tŭ bol khai òhềt dùh tus di kơnàng wàng dê, gen ală klìu triă neh brồ kap mơ crè ntìng jơh tơl nă.

Mathiơ 7:2

Bơh bol mê cahrña cau ndai be lơi, gen cau kung rơp cahrña di bol mê behơ̆ sơl; mơ bol mê was cau in mơ rnoas lơi, gen cau kung was wơl bol mê in mơ rnoas hơ̆.

Galati 6:7

Bañ pơrlồm să he; Yàng Tom Trồ ò lòi cau sền òsơp di Yàng ò, bơh cau sih gar lơi, gen toès wơl gar hơ̆.

Yal Wơl 19:19

gen lơh tĕ di khai tòm toh be khai kòñ lơh di oh mi khai dê. Bol mê pal tă sang bơta iơh bơsak bơh digùl bol mê.

Yal Wơl 28:25

Yàng Jehôwa rơp lòi bol mê kong alah di đap ală cau sò tơm bol mê dê. Bol mê rơp bơh dô đah brồ lơh bol khai mơya rơp ntoat dô tòm poh đah, mơ bol mê rơp gơlik gơs dô nơm phan cù kìr di đap jơh ală lơgar hơđang ù.

Yal Wơl 28:64

Gen Yàng Jehôwa rơp rsìh bol mê digùl jơh ală làng bol, bơh jơng trồ do tus hơ jơng trồ ne. Tềng hơ̆ bol mê rơp duh khoai ală yàng ndai, la ală yàng mơ chi mơ lŭ mơ bol mê hala ală ồng pàng bol mê dê kung ò tŭ lơi git.

Jakơ 2:13

Bơh bơta cahrña ò kòñ nđàc di cau ò gơs bơta kòñ nđàc, mơya bơta kòñ nđàc pha rlau mơ bơta cahrña.

Yal Tơlik 16:6

Bơh bol khai neh lơh gơhòr mhàm ală cau sàng goh mơ ală cau gơnoar hwơr dê, gen Kơnràñ neh ai bol khai in hùc mhàm, la di pal ngan!”