Jeremi 34:14 - Sră Goh 2018

¹⁴ ‘Tŭ neh jơh poh sơnam, tòm ală bol mê kòp nă pal hồ toh oh mi he, la cau Hebrơ, neh tac bol mê in mơ neh duh broă bol mê prau sơnam rau, mê pal hồ tơlik khai nàng geh khat gơboh.’ Mơya ồng pàng bol mê dê ò bài iat Añ, kung ò ơn tồr kơlôi sơnơng.

Jeremi 34:14 Mawu Ofanana

I Ală Bơtau 21:25

(Ngan, ò gơs cau lơi be Ahap, la cau neh tac să nàng lơh bơta iơh di đap Yàng Jehôwa, mơ khai kòl chồl bơtrut bơh bau ùr khai la Jesebel.

I Ală Bơtau 9:22

Mơya Salômôn ò kup làng bol Israel lơh dĭ; bol khai la ală cau ling, bol khai la cau kwang duh broă khai dê, cau kwang at bồ, cau kwang ling at bồ mpồl ling, kwang at bồ ală cau at rơndeh, mơ kwang at bồ cau ling hào ơseh khai dê.

II Yal Yau 28:10

Mơ tŭ do bol mê kòñ kup ală cau klau mơ cau ùr Juda mơ Jerusalem lơh be dĭ bol mê dê. Mơya ñchi bol mê neh tìs glài tòmdră mơ Jehôwa Yàng Tom Trồ bol mê dê taih?

II Yal Yau 36:16

Mơya bol khai ñŏ tơnhial di ală cau kong sồr Kơnràñ dê, sền òsơp di ală jơnau Kơnràñ dê, mơ bơtat bơtròh ală cau gơnoar hwơr Kơnràñ dê, tian gơs bơta gơjrañ dờng Yàng Jehôwa dê gơhào khuh dờng ngan tòmdră mơ làng bol Kơnràñ dê mơ ò gơs gùng lơi rgơi dong.

Nehemi 9:30

Kơnràñ kong bol khai tòm oă nam, mơ hwềng Kơnràñ dê ơm hơđang ală cau gơnoar hwơr nàng lah pơrhơng bol khai; mơya bol khai ò bài wèt tồr iat. Gen tàng Kơnràñ neh jào bol khai tòm tê ală làng bol gùt dar dê.

Esai 50:1

Yàng Jehôwa đơs be do: “Ntềng đah sră cơng tàng lòi bau mơ Añ neh lơh nàng sang lòi mè mê dê taih? Hala sră mơ Añ neh tac bol mê mơ cau tòm dồs taih? Tài bơh tồi glài bol mê dê tàng bol mê gơkòl tac; tài bơh bơta tìs glài mè bol mê dê tàng kong sang lòi.

Esai 58:6

Hơ̆ la bơta mơ bol mê sơnđan la bơta ơt sa, la dô ngai geh Yàng Jehôwa niam nùs dòp rò, sơl ơ? Hơ̆ ò di la bơta ơt sa mơ Añ neh sac rwah: Nàng hồ ală che sreng ò song ring, hồ ală che kơt di yô, nàng lòi ală cau kong rồn bơklơn lòt khat gơboh, mơ dơrpă kòp nơm yô ò ơ?

Jeremi 11:7

Añ neh kràñ cê bơto tơngkah ồng pàng bol mê, tòm tŭ Añ cèng bol khai lik bơh lơgar Ejiptơ jơl tus ngai do. Añ neh kơ̆ nùs bơto tơngkah bol khai lah: ‘Lơh jat tĕ jơnau Añ!’

Jeremi 32:30

Mơ tai, kòn sau Israel mơ kòn sau Juda, bơh tŭ gam kơnòm să, mìng lơh bơta iơh bơsak di đap Añ; bơh kòn sau Israel mìng ai broă lơh tê he mơ bơrcek Añ gơjrañ, Yàng Jehôwa đơs behơ̆.

Jeremi 35:15

Añ kung neh sồr jơh ală dĭ gơna Añ jê, hơ̆ la ală cau gơnoar hwơr lòt tus đơs mơ bol mê: “Kòp nă tòm bol mê sang tĕ gùng iơh bơsak, mơ lơh niam wơl broă lơh bol mê dê. Bañ lòt jat nàng duh broă ală yàng ndai, gen bol mê rơp ơm tòm ù tiah mơ Añ neh ai bol mê mơ ồng pàng bol mê in.” Mơya bol mê ò ai tồr nàng iat, mơ ò bài dòn bơr Añ.

Ejekiel 20:4

Ơ kòn mơnus, mê rơp cahrña bol khai, mê rơp cahrña bol khai ơ? Yal tĕ bol khai in git ală bơta cù kìr ồng pàng bol khai dê,

Ejekiel 20:8

Mơya bol khai tòmdră mơ Añ, ò bài iat jơnau Añ; kung ò sang lòi ală rùp ràk Ejiptơ dê. Behơ̆ Añ đơs lah Añ rơp tuh bơta gơjrañ dờng Añ jê hơđang bol khai, mơ lơh wil tơl bơta gơjrañ mañ Añ jê tòmdră mơ bol khai tòm lơgar Ejiptơ.

Lebi 25:10

Ơn is sàng goh nam dơ̆ pram jơt mơ yal tơnggit bơta khat gơboh jơh làng bol in tòm làm lơgar. Nam hơ̆ rơp la Nam Hòn Chò bol mê in; kòp nă tòm bol mê rơp rê wơl hơ sre brê hìu nhă he dê mơ kòp nă rê wơl hơ mpồl hìu nhă he dê.

Amôs 2:6

Yàng Jehôwa đơs be do: “Bơh tồi glài Israel dê, oă rlau mơ pe, poan dơ̆. Añ ò jùt sang bơta lơh glài bơh gơ, tài bơh bol khai tac cau song ring nàng ai priă, tac cau rƀah nàng ai dô yô gơltau jă.

Amôs 8:6

blơi cau rƀah mơ priă, mơ ai dô yô gơltau jă blơi cau siơ̆u siar, mơ tac kòi mi nsiap.”

Rôma 7:24

Bòl glar ngan añ in! Ñcau rơp dong tă añ lik klàs bơh să jan chơt do tiah?

Yal Wơl 15:1

“Tòm tŭ lồi kòp poh nam gen bol mê pal toh ală dồs cau in.

Yal Wơl 15:12

“Dilah dô nă oh mi cau Hebrơ, cau klau hala cau ùr, tac să tòm khai dê bol mê in mơ duh broă bol mê tòm prau nam, tòm nam dơ̆ poh bol mê pal hồ toh khai in geh khat gơboh.

Yal Wơl 15:9

Kơrhia tĕ bañ prap bơta kơlôi sơnơng iơh do: ‘Nam dơ̆ poh la nam toh jơh ală dồs rơp tus rềp,’ mơ bol mê ò yal tơlik nùs iơh gơwèt hơ oh mi siơ̆u siar bol mê dê mơ ò dong bol khai phan lơi. Bol khai rơp hòi lùp Yàng Jehôwa tòmdră mơ bol mê mơ bol mê rơp gơkòl àñ glài.