Jeremi 34:11 - Sră Goh 2018

¹¹ Mơya tơnơ̆ mơ hơ̆ bol khai tòmgơl nùs; kup wơl ală dĭ klau dĭ ùr mơ he neh hồ toh, rê wơl duh broă gơs dĭ he be òs.

Jeremi 34:11 Mawu Ofanana

Đơs Crih 125:5

Ai ală cau lòt jat gùng rkwet rkwe, Gen Yàng Jehôwa rơp lam bol khai lik ngài bal mơ cau lơh bơta iơh bơsak. Dan Israel in geh bơta lơngap lơngai!

Đơs Crih 36:3

Khai đơs ală jơnau iơh bơsak mơ blac pơrlồm; Khai neh sang bơta lơh lòt jak chài mơ sang lơh bơta niam.

Lik Ejiptơ 8:15

Mơya tòm tŭ Pharaôn gŏ khai neh geh ơm lơngai rau, gen kơldang nùs, ò iat jơnau Môise mơ Arôn dê, tòm toh jat be jơnau Yàng Jehôwa neh đơs.

Lik Ejiptơ 8:8

Pharaôn hòi Môise mơ Arôn tus mơ đơs lah: “Hòi dan tĕ mơ Yàng Jehôwa, nàng Kơnràñ tă sang kit ngài bơh di añ mơ làng bol añ jê; gen añ rơp lòi làng bol mê dê lik lòt ơn phan duh khoai Yàng Jehôwa in.”

Lik Ejiptơ 9:28

Hòi dan tĕ mơ Yàng Jehôwa, bol hi neh kong ò jai ntơr kơnàs mơ mìu piar. Añ rơp lòi bol mê in lik lòt, bol mê ò càng ơm jŏ dô êt lơi tai.”

Jơnau Pơnđik 26:11

Cau tùl gơla lơh wơl bơta bơrngơl gơla he, ò gơkrơi be dô nơm so neh hă, gen liap wơl.

Cau Bơto 8:11

Tài bơh ò lơh nền glài tòmdră mo mơ ală broă iơh, gen tàng nùs kòn mơnus jak lơh bơta iơh.

Jeremi 34:10

Mơ bol khai dòn bơr, jơh ală kwang at bồ mơ jơh làng bol neh gơs pơnah tòm bơta ho bal hơ̆, hồ toh cau dĭ klau he, cau dĭ ùr he in khat gơboh, ò gam prap wơl gơs dĭ gơna tai. Bol khai lơh jat mơ hồ toh bol hơ̆ in geh khat gơboh.

Jeremi 34:12

Tŭ hơ̆ gơs jơnau Yàng Jehôwa đơs mơ Jeremi lah:

Jeremi 34:16

Mơya bol mê neh tòmgơl nùs, neh lơh ƀơ̆ iơh sơnđan Añ; bol mê neh kup wơl ală cau dĭ klau dĭ ùr mơ he neh hồ toh geh khat gơboh rê wơl, mơ bơklơn pal lơh gơs dĭ he kung be lài.

Jeremi 34:21

Añ kung rơp phi Jedekia, bơtau Juda, bal mơ ală kwang at bồ khai dê, tòm tê cau sò tơm mơ cau kơp mòc bơta kis bol khai, hơ̆ la tòm tê mpồl ling bơtau Babilôn neh lik klàs bơh bol mê.’

Jeremi 37:5

Mpồl ling Pharaôn dê neh lik bơh lơgar Ejiptơ; ală cau Kalde ơm gơrwàng ƀòn Jerusalem kơno behơ̆, gen tơlik mpồl ling bơh Jerusalem.

Sră Ôse 6:4

Yàng Jehôwa đơs: Ñchi Añ kòñ lơh mơ mê, ơ Epraim? Ñchi Añ kòñ lơh mê in, ơ Juda? Bơta kòñ gơboh bol mê dê Añ in la kung be dà tŭ àng drim, tòm toh kung be dà mơryuh roh thit tòm tŭ rìng àng.

Sră Ôse 7:16

Bol khai wèt hơ ală bơta ò gơs kwơ; bol khai kung be dô nơm àtak ò gam niam. Ală cau kwang at bồ bol khai dê rơp gơpừ bơh đào, tài bơh ală jơnau gơjrañ mañ bơh lơmpiat bol khai dê. Bol khai gơlik gơs bơta dơñŏ tơnhial tòm ù tiah Ejiptơ.

Sôphôni 1:6

Mơ ală cau wèt ngkòi ò lòt jat Yàng Jehôwa, la ală cau ò jòi jat Yàng Jehôwa hala hòi lùp Kơnràñ.

I Samuel 24:19

Bơh cau lơi neh bàn cau sò tơm khai dê mơ sồr cau sò tơm hơ̆ in lòt lơngap lơngai sơl ơ? Dan Yàng Jehôwa ai bơta niam mê in bơh mê neh lơh niam gơwèt mơ añ tòm ngai do.

I Samuel 26:21

Gen Sol đơs lah: “Añ neh lơh tìs. Ơ Dabit kòn añ, rê wơl tĕ. Añ rơp ò lơh iơh di mê tai, tài bơh bơta kis añ jê geh sền dờng màng di đap mê tòm ngai do; añ neh lơh dô bơta bơrngơl gơla, mơ añ neh lơh dô bơta tìs dờng ngan.”