Jeremi 33:9 - Sră Goh 2018

⁹ Gen ƀòn dờng do rơp gơlik gơs dô sơnđan chò hòp, jòng ro, gơklŏ Añ in ơm di đap ală làng bol tòm dunnia; ală làng bol hơ̆ rơp kơno bơh ală bơta niam Añ neh lơh bol khai in, gen rngòt rngơt mơ rơm să, tài bơh ală bơta lơngai lơngò bal mơ bơta bơtoah bơtoài mơ Añ neh ai làng bol Añ in.’

Jeremi 33:9 Mawu Ofanana

II Yal Yau 20:29

Bơta rngòt rngơt Yàng Tom Trồ dê mù hơđang làm jơh ală lơgar, tòm tŭ bol khai kơno lah Yàng Jehôwa neh tòmlơh tòmdră mơ ală cau sò tơm Israel dê.

Nehemi 6:16

Dơ̆ ală cau sò tơm bol hi dê kơno bơta hơ̆, gen jơh ală làng bol gùt dar bol hi rngòt mơ gơplơ̆ nùs; tài bơh bol khai git lah broă do neh geh bơtào kơ̆ bơh bơta dong kòl Yàng Tom Trồ bol hi dê.

Este 8:17

Tòm kòp kơnhwàl lơgar mơ tòm kòp ƀòn dờng, tiah lơi neh tus jơnau gơnoar sồr cau bơtau dê gen gơs bơta hòn chò hừh hơh digùl cau Juda, bal mơ bơta ñô sa dờng mơ ngai ơm rlô pơjum chò hòp. Mơ gơs oă cau tòm ală làng bol ndai neh gơlik gơs làng bol Israel tài bơh bol khai rngòt rngơt ngan di làng bol Israel.

Đơs Crih 130:4

Mơya Yàng gơs nùs toh glài, Nàng cau in duh rngòt dê Kơnràñ.

Đơs Crih 40:3

Kơnràñ ơn di bơr añ dô bơta đơs chò pa, Hơ̆ la bơta jòng ro Yàng Tom Trồ bol hi dê. Oă cau rơp gŏ bơta hơ̆ mơ rngòt, Gen dòn kơnòm di Yàng Jehôwa.

Esai 43:21

Hơ̆ la làng bol mơ Añ neh mòn gơs să tòm Añ in nàng bol khai rơp yal tơlik bơta jòng ro Añ.

Esai 55:13

Chi nho rề rơp hòn ala rlau lò, mơ chi bơñàng rơp hòn ala ală lò. Bơta hơ̆ rơp lơh pơnro sơnđan Yàng Jehôwa, lơh gơs dô nơm tềl gam sùm sùm ò tŭ lơi kòl tơnroh.”

Esai 60:5

Gen mê rơp sền gŏ mơ gơs muh mat àng lơr, nùs mê rơp rơm ngòt mơ bơta hòn chò; tài bơh bơta tơngkah tơngkañ ală dàlềng dê rơp geh cèng tus hơ mê, bơta pas gơs ală lơgar dê rơp tus hơ mê.

Esai 62:1

Tài bơh Siôn Añ rơp ò ơm mŏ mŏ, tài bơh Jerusalem Añ rơp ò ơm rlô, jơl tus di tŭ bơta dong tò gơ dê sòl pơnđàng be tòm tŭ àng drim, mơ bơta dong klàs gơ dê be dô nơm sơmpòl ồs.

Esai 62:12

Bol khai rơp geh sơnđan la “Làng bol Sàng Goh,” la “Ală Cau geh Dong Tơwài Yàng Jehôwa dê”; mơ ai rơp geh sơnđan la “Ƀòn Dờng Cau Jòi Bàn la Dô nơm Ƀòn Dờng Ò Kòl Sang Lòi tai.”

Esai 62:4

Cau rơp ò tai sơnđan ai la Cau kong sang lòi, mơ ù tiah ai dê ò gam lòi srau gòi tai. Mơya ai rơp geh sơnđan la cau Añ kòñ gơboh, mơ ù tiah ai dê la cau gơs bau klau; bơh Yàng Jehôwa rơp kòñ gơboh di ai, mơ ù tiah ai dê rơp geh bau.

Esai 62:7

Bañ lòi Kơnràñ ơm rlô jơl tus di tŭ Kơnràñ neh bơt bơtào wơl Jerusalem mơ lơh gơ in gơlik gơs bơta tiơng pơnro làm plai ù.

Esai 64:2

Kung be tòm tŭ ồs sa ală rlau lò, mơ ồs lơh dà in khuh, nàng lơh ală cau sò tơm Kơnràñ dê git sơnđan Kơnràñ, mơ lơh ală làng bol rơm să di đap Kơnràñ!

Jeremi 13:11

Yàng Jehôwa đơs: “Kung be dô nơm che but gơđềt di but cau, gen Añ lơh jơh hìu Israel mơ jơh hìu Juda gơđềt mơ Añ kung behơ̆, nàng bol khai lơh gơs dô làng bol Añ, dô sơnđan, dô bơta jòng ro, mơ dô bơta gơklŏ Añ in, mơya bol khai ò bài iat.

Jeremi 16:19

Ơ Yàng Jehôwa, Kơnràñ la bơta pràn kơldang añ, theng kơ̆ cê añ, La tiah kìng crŭ añ jê tòm ngai bòl glar! Bơh tiah lồi plai ù Ală lơgar rơp tus hơ Kơnràñ, mơ đơs lah: “Ồng pàng bol he ò dòp ală phan lơi mìng jơnau ma blac, bơta roh lơm mơ ală phan ò kwơ dô êt lơi.

Jeremi 24:6

Añ rơp ơn mat Añ hơđang bol khai sùm, mơ Añ rơp cèng bol khai rê wơl tòm lơgar do, bơtào gơs mơ ò phà tai, tam wơl mơ ò dus sang tai.

Jeremi 26:6

gen Añ rơp lơh hìu do gơlik gơs kung be Silô, mơ rơp lơh ƀòn do gơlik gơs bơta srat rma jơh ală lơgar hơđang plai ù in.’”

Jeremi 29:1

Do la ală jơnau tòm sră pơyoa cau gơnoar hwơr Jeremi dê bơh ƀòn Jerusalem, pơyoa ală cau kwang kra kòl kup cèng lơh dĭ in, bal mơ ală cau gơnoar ơn phan duh khoai, ală cau gơnoar hwơr, bal mơ jơh ală làng bol mơ bơtau Nebukatnessar neh kup cèng bơh Jerusalem rê hơ Babilôn,

Jeremi 3:17

Tòm rài hơ̆ cau rơp sơnđan Jerusalem la sơbàn Yàng Jehôwa dê, mơ jơh ală lơgar gen pơjum wơl tòm Jerusalem, bơh sơnđan Yàng Jehôwa; mơ ò cơnđòa jat bơta kră kơldang nùs iơh bơsak he dê tai.

Jeremi 3:19

Añ neh kơlôi lah: ‘Añ rơp ơn mê digùl ală kòn sau Añ jê, Añ rơp ai mê in dô bă tiah ù niam, Phan jơtài hàng mơnĕ rlau jơh tòm ală lơgar Añ neh kơlôi: Mê rơp hòi di Añ la “Bèp Añ jê!” Mơ ò pơrlac sang bơh bơta lòt jat Añ.

Jeremi 31:14

Añ rơp ai ală cau gơnoar ơn phan duh khoai bol khai dê geh bềng lìu phan sa dơngi, Mơ làng bol Añ jê rơp geh hừh hơh bơh bơta tơngkah tơngkañ Añ jê,” Yàng Jehôwa đơs behơ̆.

Jeremi 31:4

Ơ kòn ơruh Israel dê! Añ rơp bơtào wơl bol ai, gen bol ai rơp geh bơtào, Bol ai rơp at wơl sơnggơr dềt ai dê, Lòt bal mơ ală cau tòmya chò hòp.

Jeremi 32:42

Yàng Jehôwa đơs: ‘Kung be Añ neh cèng bơta rung rài dờng hơđang làng bol do kàr lơi, gen Añ kung rơp dùh ală bơta lơngai lơngò Añ neh ho mơ bol khai.

Jeremi 33:14

Yàng Jehôwa đơs tai: ‘Ală ngai nền cê ngan rơp tus, tŭ hơ̆ Añ rơp lơh wil tơl jơnau Añ neh ho mơ hìu Israel mơ hìu Juda.

Jeremi 4:2

Mơ dilah mê srat să ‘Kung be Yàng Jehôwa kis sùm!’ Tòm jơnau song, tòm bơta song ring, mơ song ngan, Gen ală lơgar rơp geh lơngai bơh Kơnràñ, Mơ bơh Kơnràñ bol khai jòng să.”

Jeremi 44:8

Ñchi bơh tài bol mê bơrcek Añ gơjrañ bơh ală broă tê bol mê lơh, chu kơlhô ală yàng ndai in tòm lơgar Ejiptơ, la tiah bol mê pa tus ơm; tian gơs bol mê toès wơl bơta tơnroh he in, cèng he lơh gơs kai srat rma sền òsơp digùl ală làng bol dunnia.

Jeremi 49:25

Ngan, ƀòn tiơng pơnro neh kong sang lòi, La ƀòn gơs bơta chò hòp Añ in.

Ejekiel 26:20

gen Añ rơp tơmù mê bal mơ ală cau mù tòm brong jrô, tus mơ làng bol yau òr. Añ rơp lơh mê in ơm sùm tòm tiah liah hơđơm ù, kung be ală tiah kong tơnroh bơh yau òr, bal mơ ală cau mù tòm brong jrô, mơ mê ò geh rê wơl ơm tòm ù tiah cau kis dê.

Ejekiel 36:35

Bol khai rơp đơs lah: “Ù tiah lòi srau do neh gơlik gơs kung be suơn Eden; ală ƀòn dờng tơrlah tơrlơm, sang lòi ngềt ngơt, mơ gơkòl tơnroh, tŭ do neh geh bơtào kơ̆ mơ gơs làng bol ơm!”

Ejekiel 39:13

Jơh làng bol tòm lơgar rơp tơp ƀồc bol khai; mơ gơ rơp cèng bol khai in bơta màng ryŭ tòm ngai mơ Añ ràng tơlik bơta gơklŏ Añ jê, Jehôwa Yàng Tom Trồ đơs behơ̆.

Sră Ôse 3:5

Tơnơ̆ mơ hơ̆, làng bol Israel rơp rê wơl jòi jat Jehôwa la Yàng Tom Trồ bol khai dê, mơ Dabit la cau bơtau bol khai dê. Tòm ală ngai lồi dut bol khai rơp rngòt rơm să mơ rê wơl hơ Yàng Jehôwa, mơ dòp geh bơta lơngai lơngò Kơnràñ dê.

Sacari 1:17

Bơto yal tĕ oă rlau tai lah: Yàng Jehôwa Gơnap Gơnoar Dờng Làm Jơh đơs be do: ‘Ală ƀòn dờng Añ jê rơp geh bềng lìu pas gơs, mơ Yàng Jehôwa rơp dô dơ̆ tai pơndòm pơniang Siôn mơ sac rwah Jerusalem wơl.’”

Sacari 12:2

“Añ rơp lơh Jerusalem in gơlik gơs dô nơm mơngàn gơlơh ală làng bol gùt dar in sơwing bồ. Añ rơp tòmdră mơ Juda, kung behơ̆ sơl, Jerusalem rơp kòl cau sò tơm gơrwàng gùt dar.

Yal Wơl 30:5

Kơnràñ rơp cèng bol mê tus hơ lơgar gơrê bal mơ ală ồng pàng bol mê dê, mơ bol mê rơp dòp geh lơgar hơ̆ lơh gơs sre brê; Kơnràñ rơp lơh bol mê in geh pas gơs mơ rơ̆sơmpài ràipơjềng rlau mơ ală ồng pàng bol mê dê.