Jeremi 33:8 - Sră Goh 2018

⁸ Añ rơp lơh goh jơh ală bơta iơh bơsak bol khai neh tìs glài tòmdră mơ Añ; Añ rơp toh jơh ală bơta iơh bơsak bol khai neh tìs glài mơ Añ mơ tòmdră mơ Añ.

Jeremi 33:8 Mawu Ofanana

Đơs Crih 130:4

Mơya Yàng gơs nùs toh glài, Nàng cau in duh rngòt dê Kơnràñ.

Đơs Crih 130:8

Kơnràñ rơp tơwài Israel bơh di jơh ală bơta tồi glài iơh bơsak bol khai dê.

Đơs Crih 51:2

Dan rào añ in goh jơh hir bơta iơh bơsak añ jê, Mơ lơh añ in gơs goh bơh di bơta tồi glài añ jê.

Đơs Crih 65:3

Tòm tŭ ală tồi glài iơh bơsak bol hi dê pha rlau mơ bol hi, Gen Kơnràñ toh glài bol hi in.

Esai 4:2

Tòm ngai hơ̆, ntê Yàng Jehôwa dê rơp hàng mơnĕ mơ gơklŏ, plai đo ù tiah dê rơp lơh gơs bơta jòng să mơ bơta gơklŏ ală cau in gam kis tòm Israel dê.

Esai 44:22

Añ neh jùt sang bơta tìs glài mê dê kung be mhwal lơut, tồi glài mê dê kung be dà tŭ. Rê wơl tĕ mơ Añ, bơh Añ neh dong tơwài mê.

Esai 56:7

Gen Añ rơp cèng ală cau hơ̆ guh hơđang mơnơm sàng goh Añ jê, mơ lơh bol khai in bềng bơta hòn chò tòm hìu hòi dan Añ jê. Ală phan ơn chu pơrguc mơ ală phan ơn pơdơng duh khoai bol khai dê rơp geh dòp hơđang cơnòng duh khoai Añ jê; bơh hìu Añ rơp geh sơnđan la dô nơm hìu hòi dan jơh ală làng bol in.”

Jeremi 31:34

Bol khai kòp nă rơp ò bơto cau gơp ƀòn he hala oh mi he, mơ lah: ‘Đal git tĕ Yàng Jehôwa!’ Tài bơh bol khai jơh tơl nă rơp đal git Añ, cau dềt kung be cau dờng.” Yàng Jehôwa đơs: “Añ rơp toh bơta iơh bơsak bol khai dê, mơ ò kah bơta tìs bol khai tai.”

Jeremi 50:20

Yàng Jehôwa đơs: “Tòm ală ngai hơ̆ mơ tòm tŭ hơ̆, cau rơp jòi bơta iơh Israel dê, mơ rơp ò gơs dô nơm glài tai; jòi tồi glài Juda dê, mơ rơp ò gŏ dô nơm glài lơi tai ò; bơh Añ rơp toh glài ală cau tòm mpồl bol khai mơ Añ neh lòi wơl.”

Ñìm Rac 4:22

Ơ kòn ùr Siôn, bơta lơh glài ai neh tơl, Kơnràñ rơp ò phi ai kong kup cèng gơs dĭ tai! Ơ kòn ùr Edôm, Kơnràñ rơp lơh glài ai; Kơnràñ rơp ràng tơlik tồi glài ai dê!

Ejekiel 36:25

Añ rơp rsìh dà sàng goh hơđang bol mê; mơ bol mê rơp geh sàng goh; Añ rơp lơh bol mê in goh jơh bơh di ală bơta ƀơ̆ ƀơl bol mê dê mơ bơh di jơh ală rùp ràk bol mê dê.

Ejekiel 36:33

Jehôwa Yàng Tom Trồ đơs be do: ‘Tòm ngai mơ Añ lơh goh bol mê bơh di jơh ală tồi glài bol mê dê, Añ rơp lơh ƀòn dờng gơs cau ơm, mơ ală tiah srau gòi rơp geh bơt bơtào wơl.

Jôel 3:21

Añ rơp sal wơl mhàm bol khai dê, mơ Añ rơp ò jùt glài iơh bơsak bol khai dê. Bơh Yàng Jehôwa ơm sùm tòm Siôn!

Lebi 16:30

tài bơh tòm ngai hơ̆ bơta tơwài glài rơp lơh gơs bol mê in nàng lơh bol mê in geh goh. Behơ̆ tàng, di đap Yàng Jehôwa, bol mê rơp geh goh bơh jơh ală bơta tồi glài bol mê dê.

Sacari 13:1

Tòm ngai hơ̆ rơp gơs dô nơm croh dà gơ pò hìu Dabit mơ làng bol Jerusalem in, nàng rào goh bol khai bơh tồi glài mơ bơta ƀơ̆ ƀơl.

Yal Tơlik 1:5

mơ tus bơh Yàng Jesu Krist la Bơtau lơh cơng dòn song, Bơtau sơnròp kis wơl bơh bơta chơt mơ la Bơtau at bồ ală bơtau tòm plai ù. Kơnràñ kòñ gơboh di bol he, tian gơs phi să kong chơt nàng hồ toh bol he klàs bơh di tồi glài,