Jeremi 33:6 - Sră Goh 2018

⁶ Mơya, Añ rơp ai pràn, mơ sơmbòi gơ in; Añ rơp sơm bol khai mơ ai bol khai in gŏ bơta tơngkah tơngkañ bơta lơngap lơngai mơ dong tă.

Jeremi 33:6 Mawu Ofanana

Đơs Crih 147:3

Kơnràñ sơmbòi cau gơs nùs jê sồt moat jrùng, Mơ pùt tiah sồt bol khai dê.

Đơs Crih 37:11

Mơya cau niam lơnhơn rơp dòp geh lơgar, Mơ geh hừh hơh tòm bơta lơngap lơngai wil tơl.

Đơs Crih 67:2

Nàng cau dunnia in rgơi git gùng dà Kơnràñ dê, Mơ ală làng bol rgơi git gơnap gơnoar bơta dong klàs Kơnràñ dê.

Đơs Crih 72:7

Tòm rài bơtau hơ̆ dê, dan ai bơta song ring sơlo geh pò ơnàng, Mơ bơta ring lơngai geh tơngkah tơngkañ, jơl tus di mat kơnhai ò gam tai.

Lik Ejiptơ 34:6

Mơ Kơnràñ lòt gan di đap Môise, mơ yal lah: “Jehôwa! Jehôwa! La Yàng Tom Trồ nđàc sơngit mơ kòñ nđàc, òbat gơhào gơjrañ, tơngkah tơngkañ nùs kòñ gơboh kơ̆ dơn mơ dòn song,

Cau Bơto 3:3

Gơs tŭ tơnchơt, mơ gơs tŭ sơmbòi; gơs tŭ phà tơrlah, mơ gơs tŭ bơt bơtào;

Esai 2:4

Kơnràñ rơp cahrña digùl ală làng bol mơ rơp pơnring bơta tòmyă digùl oă làng bol, bol khai rơp ai đào bol khai dê mơ tiar gơs sề ngal, mơ ai tà bol khai dê tiar gơs mơ̆. Làng bol do rơp ò tă đào tòmlơh mơ làng bol ne, bol khai rơp ò gam bơto bơta tòmlơh tai.

Esai 30:26

Mat kơnhai rơp àng kung be mattơngai, mơ bơta àng mattơngai dê rơp àng poh dơ̆ rlau, be bơta àng poh ngai wil tơl, tòm ngai Yàng Jehôwa pùt ală tiah sồt làng bol Kơnràñ dê mơ sơmbòi tềl sồt mơ Kơnràñ neh lơh di bol khai bơh nhơm khồm Kơnràñ dê.

Esai 39:8

Ejekia ho wơl Esai lah: “Jơnau đơs Yàng Jehôwa dê mơ ồng pa yal wơl añ in iat hơ̆ la niam,” bơh bơtau kơlôi lah: “Rơp geh ring lơngai mơ ring niam tòm rài añ jê.”

Esai 54:13

Jơh ală kòn klau ai dê rơp geh Yàng Jehôwa bơto sồr, mơ bơta lơngap lơngai pas gơs kòn sau ai dê rơp dờng ngan.

Esai 55:7

Lòi tĕ cau iơh bơsak sang lòi gùng dà khai dê, mơ lòi tĕ ală cau kơlôi sơnơng ală bơta ò song ring rê wơl hơ Yàng Jehôwa, Kơnràñ rơp nđàc sơngit di bol khai, mơ rê wơl hơ Yàng Tom Trồ bol he dê, bơh Kơnràñ rơp toh glài dờng ơnàng.

Esai 57:18

Añ neh sền gŏ ală gùng dà bol khai dê, mơya Añ rơp sơmbòi bol khai; Añ rơp tề lam bol khai mơ tơm wơl bol khai in mơ bơta pơndòm pơniang, tơnggơs bơta jòng ro di sơndồi ală cau ñìm ƀồc.

Esai 57:19

Yàng Jehôwa đơs lah: ‘Lơngap lơngai, lơngap lơngai ală cau in ơm ngài mơ ơm rềp, mơ Añ rơp sơmbòi bol khai in.’

Esai 58:8

Gen bơta àng bol mê dê rơp pơnđàng sòl kung be rìng àng drim, mơ ală tềl sồt bol mê dê rơp geh sơmbòi mhar; gen cau dong tò bol mê dê rơp lòt di đap bol mê, mơ bơta gơklŏ Yàng Jehôwa dê rơp ê gàr đah ngkòi bol mê.

Esai 66:12

Bơh Yàng Jehôwa đơs be do: “Añ rơp ai gơ in bơta pas gơs lơngai lơngò tus hơ khai kung be dô nơm hiòng dà, mơ bơta pas sơm ală làng bol dê kung be dà hòr pràn; bol mê rơp geh tơmpô, geh kơnđơt kơnđu tòm tơwòr tê khai dê, mơ rơnggô hơđang gơltang khai dê.

Jeremi 17:14

Khoai Yàng Jehôwa! Dan Kơnràñ sơm añ gen añ rơp geh bòi; Dan Kơnràñ dong añ gen añ rơp geh dong klàs; Bơh Kơnràñ la bơta jòng ro añ jê.

Jeremi 29:11

Yàng Jehôwa đơs: “Bơh Añ git bơta kơlôi sơnơng Añ jê gơwèt mơ bol mê, la bơta kơlôi sơnơng lơngap lơngai, ò di la rung rài, nàng bol mê in geh bơta gơn kơnòm tòm ngai tơnơ̆ bol mê dê.

Jeremi 3:22

“Ơ kòn sau pơrlơ̆ dră, rê wơl tĕ! Añ rơp sơm bơta ò dòn song bol mê dê.” Bol mê đơs lah: “Do, bol hi rê wơl mơ Kơnràñ, Bơh Kơnràñ la Jehôwa Yàng Tom Trồ bol hi dê.

Sră Ôse 6:1

“Tus tĕ, bol he rê wơl hơ Yàng Jehôwa, bơh Kơnràñ neh crè bol he, mơ Kơnràñ rơp sơmbòi bol he; Kơnràñ neh lơh bol he, mơya Kơnràñ rơp pồt wơl bol he.

Sră Ôse 7:1

Tŭ lơi Añ kòñ sơmbòi Israel, gen ală bơta tồi glài Epraim dê mơ ală broă lơh iơh bơsak Samari dê gơkòl ràng tơlik. Bơh bol khai lơh bơta ma blac, ală cau ntung kơñau mut tòm dơlam, ală cau phà kơñau tòmpìt đah bơdìh.

Mice 4:3

Kơnràñ rơp cahrña digùl oă làng bol, mơ rơp cahrña pơnring digùl ală lơgar pràn bơh tiah ngài. Bol khai rơp ai đào tiar gơs sề ngal, ai tà tiar gơs mơ̆. Lơgar do ò tă đào tòmdră mơ lơgar ndai, mơ kung ò gam bơto bơta lơh kơlìn tai.

Mice 7:20

Kơnràñ rơp yal tơlik bơta dòn song mơ Jakôp, mơ yal tơlik bơta song ngan mơ Abraham, jat be Kơnràñ neh ho pơgon mơ ồng pàng bol he dê, bơh tòm ală ngai yau òr.

Malaci 4:2

Mơya đah pơnah bol mê la cau duh rngòt di sơnđan Añ, mattơngai bơta song ring dê rơp guh, mơ bơta sơmbòi kòp jê ơm tòm ală pơnđar gơ dê. Bol mê rơp lik lòt mơ sơnđoh kung be kơnrồ me lik bơh wàng gơ dê.

Jang 10:10

Cau kơñau mìng tus nàng kơñau, hàl mơ tơnroh; ai Añ neh tus tồ belàt in geh bơta kis mơ bơta kis tơngkah tơngkañ.

Ephesô 6:23

Dan oh mi in geh bơta lơngap lơngai, bơta kòñ gơboh bal mơ bơta dòn bơh Yàng Tom Trồ la Bèp mơ bơh Yàng Jesu Krist.

Yal Wơl 32:39

Sền tĕ tŭ do, Añ la Bơtau hơ̆! Ò gơs yàng lơi ndai rlau mơ Añ. Añ tơnchơt mơ lơh kis wơl, Añ lơh sồt jê mơ rơp sơmbòi wơl; ò gơs cau lơi rgơi dong tă bơh di tê Añ.

I Pier 1:3

Jòng ro Yàng Tom Trồ, Bèp Yàng Jesu Krist la Yàng bol he dê. Bơh bơta kòñ nđàc tơngkah tơngkañ Kơnràñ dê mơ bol he geh deh wơl pa, tồ gơs bơta gơn kơnòm kis, kơnòm di bơta kis wơl bơh bơta chơt Yàng Jesu Krist dê,