Jeremi 33:24 - Sră Goh 2018

²⁴ “Ngan mê ò ai tồr iat làng bol do đơs ơ? Bol khai đơs: ‘Bàr jơi bơtiàn Yàng Jehôwa neh sac rwah, gen Kơnràñ neh sang lòi rau.’ Behơ̆, bol khai sền òsơp làng bol Añ jê, sền làng bol do ò di la dô nơm lơgar tai!

Jeremi 33:24 Mawu Ofanana

Đơs Crih 71:11

Mơ lah: “Yàng Tom Trồ neh sang khai; Ting jat tĕ mơ kup khai, bơh ò gơs cau lơi dong tă khai.”

Đơs Crih 83:4

Bol khai đơs lah: “Tus tĕ tơnroh bol khai bơh di ală làng bol, Tồ sơnđan Israel ò gam geh cau kah tai.”

Đơs Crih 83:5

Ngan, bol khai bơyai bal dô nùs, Bol khai bơtào bơta ho bal sòdră di Yàng:

Đơs Crih 94:14

Bơh Yàng Jehôwa rơp ò sang lòi làng bol Kơnràñ dê, Kung ò sang sre brê Kơnràñ dê sơl.

Esai 11:13

Bơta ƀoah gơjrañ Epraim dê rơp roh thit, cau sò tơm di Juda rơp kong tơnroh; Epraim rơp ò ƀoah gơjrañ di Juda, Juda kung ò gơjrañ kơuềng gơwèt mơ Epraim tai.

Esai 7:17

Yàng Jehôwa rơp tơndùh hơđang mê mơ hơđang làng bol mê dê, mơ hơđang hìu bèp mê dê ală tŭ tơngai be do, òhềt tŭ lơi tus bơh di ngai Epraim cah is bơh Juda, mơ bơtau Asiri.”

Jeremi 3:7

Mơ Añ neh kơlôi lah: ‘Tơnơ̆ mơ tŭ khai neh lơh jơh ală bơta hơ̆, gen khai rơp rê wơl mơ Añ.’ Mơya khai ò rê wơl. Oh ùr lac lèo khai dê la Juda neh gŏ bơta hơ̆.

Jeremi 3:8

Khai neh gŏ lah jơh ală cau Israel neh tìs glài rềs àr bơrnàn bơh ò dòn song, Añ neh sang lòi khai mơ neh lơh sră tòmlòi bau, mơya oh ùr rềs àr bơrnàn khai dê la Juda ò duh rngòt, mơya khai kư̆ sơlo lòt lơh dri tơlàr.

Jeremi 30:17

Yàng Jehôwa đơs: ‘Añ rơp ai wơl bơta pràn mê in, Mơ tềl sồt mê dê Añ rơp sơm, Bơh bol khai neh sơnđan mê la cau kong sang lòi: “Hơ̆ la Siôn, ò gơs cau lơi wèt sền tai!”’

Jeremi 31:36

“Dilah gơnoar sồr hơ̆ Roh thit di đap Añ, Gen tŭ hơ̆ jơi bơtiàn Israel rơp ò gam la dô nơm lơgar ơm sùm di đap Añ tai.” Yàng Jehôwa đơs behơ̆.

Jeremi 31:37

Yàng Jehôwa đơs be do: “Dilah hơđang rgơi was sơnoa ală tap trồ, Hala hơđơm rgơi was sơnoa kơnàng plai ù; Gen kung behơ̆, Añ rơp sang lòi jơh jơi bơtiàn Israel Tài bơh ală bơta bol khai neh lơh.” Yàng Jehôwa đơs behơ̆.

Jeremi 33:23

Gơs jơnau Yàng Jehôwa đơs tai mơ Jeremi be do:

Jeremi 33:26

gen kung behơ̆, Añ rơp sang lòi jơi bơtiàn Jakôp mơ jơi bơtiàn Dabit dĭ gơna Añ jê, tian gơs Añ rơp ò sac rwah dô nă tòm ală kòn sau khai dê lơh gơs cau at bồ jơi bơtiàn Abraham, Isak, mơ Jakôp dê. Bơh Añ rơp bơtào wơl sre brê bol khai dê, mơ rơp nđàc sơngit di bol khai.’”

Jeremi 51:5

Israel mơ Juda ò kòl sang lòi, Bơh Yàng Tom Trồ bol khai, la Yàng Jehôwa Gơnap Gơnoar; Bulah lơgar bol khai bềng tồi glài iơh bơsak, di đap Bơtau Sàng Goh Israel dê.

Ñìm Rac 4:15

Cau driau dờng di bol khai lah: “Lik tĕ ngài, ò goh!” “Lik tĕ ngài! Lik tĕ ngài! Bañ ƀư!” Behơ̆ bol khai gơlik gơs cau dô pleh mơ lòt nrah nring, làng bol tòm ală lơgar driau lah: “Bol khai rơp ò ơm tơn tềng do tai.”

Ejekiel 25:3

Đơs tĕ mơ cau Ammôn lah: ‘Iat tĕ jơnau Jehôwa Yàng Tom Trồ dê. Jehôwa Yàng Tom Trồ đơs be do: Tài bơh mê neh đơs lah: “Ha ha!” bơh tiah sàng goh Añ jê, tòm tŭ gơ neh gơkòl sền òsơp, mơ hơđang lơgar Israel tòm tŭ gơ kong lơh gơs tiah sang lòi srau gòi, mơ bơh cau Juda tòm tŭ khai neh kòl kup cèng pơrdô,

Ejekiel 26:2

“Ơ kòn mơnus, tài bơh Tirơ neh đơs bơh Jerusalem lah: ‘Ha ha! Mpồng dờng ală làng bol dê neh tơrlah rau! Ală mpồng gơ dê neh pò añ in; tŭ do gơ neh kòl tơnroh jơh hir mơ añ rơp geh gơbơtơl tai.’

Ejekiel 36:2

Jehôwa Yàng Tom Trồ đơs be do: Tài bơh ală cau sò tơm neh đơs bơh bol mê lah: ‘Aha! Ală dòr jơnhoa rài yau neh gơlik gơs phan tòm bol he dê!’”

Ejekiel 36:20

Mơya tòm tŭ bol khai neh tus hơ ală làng bol, bol khai neh lơh cau in sền òsơp di sơnđan sàng goh Añ jê, bơh bơta hơ̆ cau neh đơs bơh bol khai lah: ‘Do la làng bol Yàng Jehôwa dê bulah behơ̆ bol khai pal lik lòt bơh di lơgar Kơnràñ dê!’

Ejekiel 37:11

Gen Kơnràñ đơs mơ añ lah: “Ơ kòn mơnus, ală ntìng do la jơh dô nơm hìu Israel. Bol khai đơs lah: ‘Ntìng bol hi dê neh ro rañ, bơta gơn kơnòm bol hi dê neh roh, bol hi neh kong tơnroh jơh!’

Ejekiel 37:22

Añ rơp lơh bol khai in gơlik gơs mìng dô làng bol tòm lơgar, hơđang ală mơnơm Israel dê; dô nă bơtau rơp la bơtau hơđang jơh tơl nă bol khai. Bol khai rơp ò tŭ lơi gơs bàr nơm làng bol tai hala gơkòl cah is tòm bàr nơm lơgar.