Jeremi 33:21 - Sră Goh 2018

²¹ gen sồng rgơi tơnroh bơta ho bal Añ jê mơ Dabit, dĭ gơna Añ, mơ khai rơp ò gơs kòn sau at bồ hơđang sơbàn khai tai, mơ tơnroh bơta ho bal Añ jê bal mơ ală cau gơnoar ơn phan duh khoai, hơ̆ la cau Lebi, cau duh broă Añ.

Jeremi 33:21 Mawu Ofanana

II Samuel 23:5

Hìu añ ò di behơ̆ di đap Yàng Tom Trồ ò ơ? Bơh Kơnràñ neh bơt bơtào dô bơta ho bal gam sùm sùm mơ añ, Jơh ală bơta neh geh rơndap mơ sền gàr. Kơnràñ rơp ò lơh gơlik cồng nha bơta dong kòl añ jê, mơ jơh ală bơta kơp kòñ añ jê ò ơ?

II Yal Yau 21:7

Bulah behơ̆, Yàng Jehôwa ò kòñ tơnroh hìu Dabit, tài bơh bơta ho pơgon Kơnràñ neh bơtào mơ Dabit, mơ bơh di tŭ hơ̆ Kơnràñ neh ho ai dô nơm ồs đèng Dabit in mơ ală kòn sau khai in gam sùm sùm.

II Yal Yau 7:18

gen Añ rơp bơtào kơ̆ sơbàn bơtau mê dê kung be Añ neh ho bal mơ Dabit bèp mê dê tòm tŭ Añ đơs lah: ‘Mê rơp ò tŭ lơi siơ̆u dô nă cau at bồ hơđang Israel.’

Đơs Crih 132:17

Tềng hơ̆ Añ rơp lơh ngke Dabit dê gơhòn dờng; Añ neh rcang dô nơm ồs đèng cau geh bong mơñà Añ jê.

Đơs Crih 89:34

Añ rơp ò tòmdră mơ bơta ho bal Añ jê, Kung ò tòmgơl jơnau neh lik bơh bơr Añ jê.

Đơs Crih 89:36

Jơi bơtiàn khai dê rơp gam gơs sùm sùm, Mơ sơbàn khai dê rơp gam jŏ jòng di đap Añ be mattơngai.

Esai 55:3

Ơn tồr iat mơ tus tĕ hơ Añ; iat tĕ Añ gen bol mê rơp geh kis. Añ rơp lơh dô bơta ho bal gam sùm sùm mơ bol mê, la bơta kòñ gơboh kơ̆ dơn nền cê neh ho pơgon mơ Dabit.

Esai 66:22

Yàng Jehôwa đơs lah: “Kung be ală tap trồ pa mơ plai ù pa, mơ Añ rơp lơh gơs kư̆ gam sùm di đap Añ, gen sơnđan mơ jơi bơtiàn bol mê dê kung rơp kư̆ gam sùm behơ̆ sơl.”

Jeremi 33:18

ală cau gơnoar ơn phan duh khoai, hơ̆ la cau Lebi, rơp kung ò siơ̆u dô nă cau di đap Añ nàng ơn phan ơn chu, phan ơn mơ kòi mbo, mơ ơn phan pơdơng kòp ngai.’”

Daniel 7:14

Kơnràñ geh Bơtau Yau Òr jào gơnoar, bơta gơklŏ mơ gơnoar at bồ lơgar tồ jơh ală làng bol, ală lơgar, mơ ală jơnau đơs pal duh khoai Kơnràñ. Gơnoar at bồ Kơnràñ dê kơ̆ nền gam sùm sùm, gơnoar hơ̆ ò tŭ lơi lồi jơh, mơ lơgar Kơnràñ at bồ ò gơs tŭ lơi gơkòl tơnroh.”

Mathiơ 24:35

Trồ tiah rơp roh mơya jơnau đơs Añ jê ò gơs tŭ lơi roh ò.”

Yal Tơlik 5:10

Mơ Kơnràñ neh lơh ală cau hơ̆ in gơlik gơs lơgar bơtau dê mơ cau gơnoar ơn phan duh khoai Yàng Tom Trồ bol he dê; mơ bol khai rơp at bồ tòm plai ù.”