Jeremi 33:2 - Sră Goh 2018

² “Yàng Jehôwa la Bơtau lơh gơs bơta do, Yàng Jehôwa la Bơtau bơt bơtào lơh gơ in kơ̆, Jehôwa la sơnđan Kơnràñ, đơs be do:

Jeremi 33:2 Mawu Ofanana

Đơs Crih 102:16

Tòm tŭ Yàng Jehôwa rơp bơt bơtào Siôn, Gen Kơnràñ rơp tơlik mat tòm bơta gơklŏ Kơnràñ dê.

Đơs Crih 87:5

Cau rơp đơs bơh Siôn lah: “Cau do mơ cau ne neh deh tềng hơ̆.” Bơh să tòm Bơtau Hơđang Rlau Jơh rơp bơtào kơ̆ Siôn.

Lik Ejiptơ 15:3

Yàng Jehôwa la dô nă cau ling tòmlơh; Sơnđan Kơnràñ la Jehôwa.

Lik Ejiptơ 6:3

Añ neh tơlik mat mơ Abraham, mơ Isak bal mơ Jakôp, yal tơlik să tòm Añ la Yàng Tom Trồ Gơnap Gơnoar Dờng; mơya bơh sơnđan Añ la Jehôwa gen Añ òhềt yal tơlik bol khai in git.

Esai 14:32

Ñchi jơnau rơp ho wơl mơ ală cau kong sồr tus bơh làng bol hơ̆ taih? Ho tĕ lah: “Yàng Jehôwa neh bơtào Siôn, ală cau siơ̆u siar tòm làng bol Kơnràñ dê rơp jòi bàn tiah kìng crŭ tòm hơ̆.”

Esai 37:26

Mê òhềt kơno ơ? Añ neh lơh nền bơta hơ̆ bơh jŏ rau, Añ neh rơndap bơta hơ̆ bơh rài yau òr; tŭ do Añ neh lơh gơlik gơs, la mê neh lơh ală ƀòn dờng kơ̆ cê gơlik gơs ală gơnru lề lac ngềt ngơt.

Esai 42:8

Añ la Yàng Jehôwa; hơ̆ la sơnđan Añ! Añ ò lòi bơta gơklŏ Añ jê cau ndai in, kung ò ai bơta jòng ro Añ jê ală rùp ràk in.

Esai 43:1

Mơya tŭ do, Yàng Jehôwa đơs be do: ơ Jakôp! Yàng Jehôwa la Bơtau neh crơng gơs mê! Ơ Israel, Bơtau neh mòn gơs mê, đơs be do: “Bañ rngòt, bơh Añ neh tơwài mê; Añ neh ai sơnđan mê mơ hòi mê; mê gơrê bal mơ Añ.

Esai 43:21

Hơ̆ la làng bol mơ Añ neh mòn gơs să tòm Añ in nàng bol khai rơp yal tơlik bơta jòng ro Añ.

Esai 62:7

Bañ lòi Kơnràñ ơm rlô jơl tus di tŭ Kơnràñ neh bơt bơtào wơl Jerusalem mơ lơh gơ in gơlik gơs bơta tiơng pơnro làm plai ù.

Jeremi 10:16

Ò di be Yàng Jehôwa la pơnah sre brê Jakôp dê, Tài bơh Kơnràñ neh crơng gơs jơh ală phan, mơ Israel la jơi bơtiàn sre brê Kơnràñ dê. Sơnđan Kơnràñ la Yàng Jehôwa Gơnap Gơnoar.”

Jeremi 16:21

“Behơ̆ gen, ngan Añ rơp ai bol khai in git, dơ̆ do, Añ rơp ai bol khai in git bơta pràn kơldang mơ gơnap gơnoar Añ jê; Mơ bol khai rơp git Sơnđan Añ la Yàng Jehôwa.”

Jeremi 32:18

Kơnràñ ràng tơlik bơta kòñ gơboh kơ̆ dơn gơwèt hơ rbô rài, mơya lơh glài bơh bơta tồi glài ồng pàng dê hơđang kòn sau tòm rài tơnơ̆. Khoai Yàng Tom Trồ dờng mơ gơs gơnap gơnoar làm jơh, sơnđan Kơnràñ la Yàng Jehôwa Gơnap Gơnoar Dờng Làm Jơh.

Jeremi 51:19

Mơya sre brê Jakôp dê gen ò di be bol khai, Bơh să tòm Kơnràñ la Bơtau neh crơng gơs ală phan, Ai Israel la jơi bơtiàn sre brê Kơnràñ dê. Sơnđan Kơnràñ la Yàng Jehôwa Mpồl Ling.”

Amôs 5:8

Jòi jat tĕ Bơtau neh crơng gơs ală sơmañ Jơgơu mơ sơmañ Ngal, tòmgơl bơta klam jơngo gơlik gơs àng drim, mơ lơh trồ ngai gơlik trồ mang, la Bơtau hòi dà tòm dàlềng mơ tuh gơ hơđang ù; Sơnđan Kơnràñ la Yàng Jehôwa.

Amôs 9:6

Kơnràñ la Bơtau neh bơt bơtào tiah ơm Kơnràñ dê hơđang ală tap trồ, mơ neh bơt dơwàng wil Kơnràñ dê hơđang plai ù, la Bơtau neh hòi ală dà tòm dàlềng, mơ tuh gơ hơđang ù; Sơnđan Kơnràñ la Yàng Jehôwa.

Hebrơ 11:10

Bơh khai kơp gơn dô nơm ƀòn dờng gơs ală mơnàng kơ̆ nền, mơ Yàng Tom Trồ la Bơtau rcang lài mơ bơt bơtào ƀòn hơ̆.

Hebrơ 11:16

Mơya tŭ do bol khai jơh nùs kơp kòñ dô nơm lơgar niam rlau, hơ̆ la lơgar hơđang trồ; gen tàng Yàng Tom Trồ ò ƀàssìl geh sơnđan la Yàng Tom Trồ bol khai dê, bơh Kơnràñ neh rcang sir bol khai in dô nơm ƀòn dờng.

Yal Tơlik 21:10

Añ gơs rngoh rngac bơh Yàng Hwềng, mơ cau gơnrơh cèng añ tus hơ dô nơm mơnơm dờng mơ jơnhoa, sơnio añ in gŏ ƀòn dờng sàng goh la Jerusalem mù bơh đang trồ bơh dê Yàng Tom Trồ.

Yal Tơlik 21:2

Añ gŏ ƀòn dờng sàng goh la Jerusalem pa, mù bơh đang trồ bơh dê Yàng Tom Trồ; gơ neh rcang sir be dô nă bau ùr pa neh bơka să ơm gơn bau klau khai dê.