Jeremi 33:16 - Sră Goh 2018

¹⁶ Tòm ală ngai hơ̆, Juda rơp geh dong klàs; Jerusalem rơp ơm lơngap lơngai; gơ geh sơnđan lah: “Yàng Jehôwa, bơta song ring bol he dê.”’

Jeremi 33:16 Mawu Ofanana

Esai 45:17

Mơya Israel rơp geh Yàng Jehôwa dong klàs, mơ bơta dong klàs gam sùm sùm ò lồi; Mê rơp ò tŭ lơi gơkòl tòm bơta ƀàssìl hala gơkòl sền òsơp jơl tus jơh ală rài.

Esai 45:22

Ơ jơh ală cau ơm tòm jơh ală tiah lồi dut plai ù dê, rê wơl tĕ mơ Añ rơp geh dong klàs! Bơh Añ la Yàng Tom Trồ, ò gơs yàng lơi ndai tai.

Jeremi 23:5

Yàng Jehôwa đơs: “Ală ngai rơp tus nền cê, Tŭ hơ̆ Añ rơp bơtào Dabit in dô Ntê Song Ring. Kơnràñ rơp lơh gơs bơtau ai bơta jak chài at bồ, Lơh bơta song ngan mơ song ring hơđang ù.

Jeremi 23:6

Tòm rài bơtau hơ̆, Juda rơp geh dong klàs; Israel rơp ơm lơngap lơngai, Mơ cau rơp sơnđan Bơtau hơ̆ lah: ‘Yàng Jehôwa bơta song ring bol he dê!’”

Jeremi 30:10

Yàng Jehôwa đơs: ‘Ơ Jakôp, mê la dĭ gơna Añ, bañ rngòt. Ơ Israel, bañ rngòt rngơt! Añ rơp dong klàs mê bơh tiah ngài, Mơ jơi bơtiàn mê bơh lơgar kong kup cèng gơs dĭ. Jakôp rơp rê wơl geh ring lơngai mơ lơngap lơngai, Ò gơs cau lơi lơh khai in rngòt rngơt.’

Jeremi 32:37

‘Añ rơp pơjum tơrgòm bol khai wơl bơh ală lơgar mơ Añ neh bơtrơh bol khai tài bơh gơhào gơjrañ, mơ gơjrañ dờng; Añ rơp cèng bol khai rê wơl tòm tiah do, lòi bol khai in ơm lơngap lơngai.

Jeremi 50:7

Jơh ală cau lơi tìp bol gơ, gen sa loan bol gơ; ală cau sò tơm bol gơ đơs lah: ‘Bol he ò gơkòl glài, bơh bol khai neh tìs glài tòmdră mơ Yàng Jehôwa, la ƀlàng ñhơt ngan, Yàng Jehôwa la bơta gơn kơnòm ală ồng pàng bol khai dê.’

Ejekiel 28:26

Bol khai rơp ơm ring lơngai tòm hơ̆, rơp bơt hìu mơ tam suơn ño; bol khai rơp ơm tòm bơta ring lơngai, tòm tŭ Añ lơh gơlik gơs bơta cahrña hơđang ală làng bol ơm rềp di bol khai, la ală làng bol neh sền òsơp di bol khai. Gen bol khai rơp git lah Añ la Jehôwa Yàng Tom Trồ bol khai dê.”

Ejekiel 38:8

Tơnơ̆ mơ oă ngai, mê rơp geh hòi mut tòm mpồl ling. Tòm ală nam rơp tus mê rơp tòmpìt ai dô nơm lơgar pa geh bơt bơtào wơl tơnơ̆ mơ bơta tòmlơh, làng bol gơ dê neh geh pơjum tơrgòm bơh digùl oă làng bol tus hơđang ală mơnơm Israel dê, la tiah neh jŏ rau sang lòi ngềt ngơt. Bol khai neh geh cèng lik bơh di ală làng bol, mơ tŭ do jơh tơl nă bol khai ơm lơngap lơngai.

Ejekiel 48:35

Jơh gùt dar ƀòn dờng rơp la jơt phàm rbô tal. Mơ sơnđan ƀòn dờng bơh di tŭ hơ̆ rơp la: “YÀNG JEHÔWA ƠM TỀNG HƠ̆.”

Daniel 9:7

Ơ Yàng, Kơnràñ la song ring, ai bol hi pal kong bơta ƀàssìl kung be tòm ngai do; bol hi la cau Juda, làng bol Jerusalem mơ jơh ală cau Israel ơm rềp ơm ngài, bal mơ jơh ală cau gơkòl nrah nring tòm jơh ală lơgar pal kong bơta hơ̆ tài bơh bol hi ò dòn song mơ Kơnràñ.

Rôma 11:26

behơ̆ gen jơh làng bol Israel rơp geh dong klàs, be neh cih lah: “Bơtau Dong Tă rơp tus bơh Siôn, Tă sang bơta ò duh rngòt bơh di Jakôp;”

I Kôrintô 1:30

Kơnràñ la tòm ryas bơta kis tòm Yàng Krist Jesu, Kơnràñ neh gơlik gơs bơta jak chài bol he in bơh Yàng Tom Trồ, mơ bơta song ring, bơta gơlik gơs sàng goh mơ bơta tơwài glài.

II Kôrintô 5:21

Yàng Tom Trồ neh lơh Bơtau ò git tồi glài gơlik gơs tồi glài bơh bol he, tồ ơm tòm Kơnràñ bol he geh gơlik gơs bơta song ring Yàng Tom Trồ dê.

Yal Wơl 33:12

Bơh Benjamin khai neh đơs lah: “Dan lòi cau kòñ gơboh di Yàng Jehôwa ơm rlô ring lơngai, Yàng Tom Trồ Hơđang Rlau Jơh jơm gòm khai jơh ngai mang, cau kòñ gơboh geh rlô digùl pơnì Kơnràñ dê.”

Yal Wơl 33:28

Behơ̆ Israel rơp kis tòm bơta lơngap lơngai, Jakôp kis tòm bơta lơngap lơngai tòm lơgar gơs kòi mbo mơ tơrnòm, la tiah ală tap trồ dùh dà mơryuh.

Philip 3:9

mơ geh ơm tòm Kơnràñ, ò di kơnòm di bơta song ring is añ jê bơh bơta boh lam mơ tus, mơya bơh bơta dòn di Bơtau Krist mơ geh, hơ̆ la bơta song ring tus bơh Yàng Tom Trồ bơh bơta dòn mơ geh;

II Pier 1:1

Simôn Pier, la dĭ gơna mơ cau gơnoar bơto dờng Yàng Jesu Krist dê, pơyoa ală cau neh dòp dô bơta dòn kas màng be bol he tòm bơta song ring Yàng Tom Trồ mơ Yàng dong klàs bol he dê la Yàng Jesu Krist.