Jeremi 33:13 - Sră Goh 2018

¹³ Tòm ală ƀòn tiah mơnơm mơ ală ƀòn tiah ƀlàng ring, tòm ală ƀòn tiah Negep, tòm lơgar Benjamin, tòm ală tiah gùt dar Jerusalem mơ tòm ală ƀòn Juda, ală mpồl belàt rơp lòt gan hơđơm tê cau kòp khà bol gơ,’ Yàng Jehôwa đơs behơ̆.

Jeremi 33:13 Mawu Ofanana

Jeremi 17:26

Cau rơp tus bơh ală ƀòn Juda dê mơ bơh ală tiah ơm gùt dar Jerusalem, bơh lơgar Benjamin, bơh tiah ring, tiah mơnơm, mơ đah đơm, nàng cèng phan ơn chu mơ ală phan ơn, phan ơn bơsàp bal mơ kơlhô, mơ cèng phan ơn kah bơta nđàc tus tòm hìu Yàng Jehôwa dê.

Jeremi 31:12

Bol khai rơp tus mơ driau chò hơđang ală tiah jơnhoa Siôn dê; bol khai rơp àng gơcrà tòm bơta lơngai niam Yàng Jehôwa dê, Bơh kòi mbo, tơrnòm pa, mơ mơñà, Ală belàt kòn mơ kơnrồ kòn; Bơta kis bol khai dê rơp be dô nơm suơn tuh dà sùm, Mơ bol khai rơp ò gam lơbơn òsô tai.

Jeremi 32:15

Bơh Yàng Jehôwa Gơnap Gơnoar Dờng Làm Jơh la Yàng Tom Trồ Israel dê, đơs be do: ‘Cau rơp gam blơi hìu, sre, mơ suơn ño tòm lơgar do tai sơl.’

Jeremi 32:44

Cau rơp ngui khà priă blơi sre tềng hơ̆, cih sră cơng tàng tac, tap ƀang kì, cau lơh cơng, tòm lơgar Benjamin mơ gùt dar Jerusalem, tòm ală ƀòn dờng Juda mơ tòm ală ƀòn tiah mơnơm, ală ƀòn tiah ring mơ ală ƀòn tiah Negep. Bơh Añ rơp cèng ală cau kong kup cèng gơs dĭ rê wơl.’” Yàng Jehôwa đơs behơ̆.

Ejekiel 20:37

Añ rơp lơh bol ê in pal ơm hơđơm gai gơnoar at bồ, mơ Añ rơp cèng tơmut bol mê tòm che bơrkoat jơnau bơta ho bal dê.

Lebi 27:32

Jơh dô pơnah jơt kơnrồ mơ belàt, hơ̆ la kòp nơm phan poan jơng dơ̆ jơt lòt gan hơđơm gai lồng cau ê belàt dê, rơp la sàng goh Yàng Jehôwa in.

Apdia 1:20

Ală cau Israel kong kup cèng gơs dĭ ơm tòm Halah rơp dòp geh ù tiah jơl tus di Jarepta; ală cau neh kong kup cèng Jerusalem dê ơm tòm Jarephat, rơp dòp geh ală ƀòn dờng tòm Negep.

Luka 15:4

“Gơs cau lơi tòm bol mê gơs dô rhiang nơm belàt, dilah roh dô nơm, mơ khai ò lòi sin jơt sin nơm tòm ƀlàng, nàng lòt jòi nền belàt neh roh jơl tus di tŭ bàn gơ ơ?