Jeremi 33:12 - Sră Goh 2018

¹² Yàng Jehôwa Gơnap Gơnoar đơs be do: ‘Tòm tiah do la tiah lòi srau, ò gơs cau ơm, kung ò gơs phan poan jơng, mơ tòm ală ƀòn gơ, rơp gơs wơl ală ƀlàng ñhơt cau ê in lòi mpồl he ơm bic rlô.

Jeremi 33:12 Mawu Ofanana

Đơs Chò 1:7

Ơ cau mơ nùs añ kòñ gơboh, yal tĕ añ in git, ntềng đah mê ê mpồl mê dê, ntềng đah mê ai gơ in bic rlô tòm tŭ trồ gùl ngai taih; Ñchi bơh tài añ pal be dô nă cau ùr cang muh mat; ơm di gah mpồl ală cau bơyô mê dê taih?

Esai 65:10

Sarôn rơp gơlik gơs dô nơm ƀlàng ñhơt ală mpồl belàt in, mơ thòng Akôr la tiah ơm rlô ală mpồl phan poan jơng in, mơ làng bol Añ in la cau jòi jat Añ.

Jeremi 17:26

Cau rơp tus bơh ală ƀòn Juda dê mơ bơh ală tiah ơm gùt dar Jerusalem, bơh lơgar Benjamin, bơh tiah ring, tiah mơnơm, mơ đah đơm, nàng cèng phan ơn chu mơ ală phan ơn, phan ơn bơsàp bal mơ kơlhô, mơ cèng phan ơn kah bơta nđàc tus tòm hìu Yàng Jehôwa dê.

Jeremi 31:12

Bol khai rơp tus mơ driau chò hơđang ală tiah jơnhoa Siôn dê; bol khai rơp àng gơcrà tòm bơta lơngai niam Yàng Jehôwa dê, Bơh kòi mbo, tơrnòm pa, mơ mơñà, Ală belàt kòn mơ kơnrồ kòn; Bơta kis bol khai dê rơp be dô nơm suơn tuh dà sùm, Mơ bol khai rơp ò gam lơbơn òsô tai.

Jeremi 31:24

Làng bol rơp ơm bal tòm Juda mơ tòm ală ƀòn dờng gơ dê, ală cau lơh sre bal mơ ală cau ê mpồl phan poan jơng bol khai dê.

Jeremi 32:15

Bơh Yàng Jehôwa Gơnap Gơnoar Dờng Làm Jơh la Yàng Tom Trồ Israel dê, đơs be do: ‘Cau rơp gam blơi hìu, sre, mơ suơn ño tòm lơgar do tai sơl.’

Jeremi 36:29

Ai bơh să tòm Jehôyakim, bơtau Juda, gen mê pal đơs lah: Yàng Jehôwa đơs be do: ‘Mê neh chu dap sră do mơ đơs lah: Ñchi bơh tài mê neh cih lah bơtau Babilôn ngan rơp tus, phà lơgar do mơ tơnroh kòn mơnus mơ phan poan jơng?’

Jeremi 50:6

Làng bol Añ jê ngan la dô mpồl belàt tìs nrah; ală cau ê lam bol gơ tìs gùng, wĕ bol gơ lòt ngài hơđang ală mơnơm, lòt bơh mơnơm tus di dòr, bol gơ hŭi mpồl bol gơ dê.

Jeremi 51:62

Mơ mê đơs tĕ: ‘Khoai Yàng Jehôwa, să tòm Kơnràñ neh khơm lah rơp tơnroh tiah do, nàng ò gơs jơi kòn mơnus hala jơi phan poan jơng kis tòm hơ̆, mơ gơ rơp gơlik gơs tiah sang lòi ngềt ngơt sùm sùm.’

Ejekiel 36:35

Bol khai rơp đơs lah: “Ù tiah lòi srau do neh gơlik gơs kung be suơn Eden; ală ƀòn dờng tơrlah tơrlơm, sang lòi ngềt ngơt, mơ gơkòl tơnroh, tŭ do neh geh bơtào kơ̆ mơ gơs làng bol ơm!”

Sră Age 1:4

“Tŭ do la tŭ să tòm bol mê in ơm tòm ală hìu gơs rkàng mơ mpồng pơng mơ mpàn, mơ tòm tŭ hìu do sang lòi tơrlah tơrling behơ̆ sơl ơ?