Jeremi 33:11 - Sră Goh 2018

¹¹ gen cau rơp kơno sap driau chò mơ hòn chò, sap cau bơrtơu pa mơ sap cau ƀan pa, sap ală cau đơs chò kung be bol khai cèng phan ơn pơdơng tòm hìu Yàng Jehôwa dê: “Ưnngài tĕ Yàng Jehôwa Gơnap Gơnoar, Bơh Yàng Jehôwa la niam, Bơta kòñ gơboh kơ̆ dơn Kơnràñ dê gam sùm sùm!” Bơh Añ rơp bơtào wơl lơgar do in be lài òr,’ Yàng Jehôwa đơs behơ̆.

Jeremi 33:11 Mawu Ofanana

I Yal Yau 16:34

Ưnngài tĕ Yàng Jehôwa bơh Kơnràñ la niam; Bơta kòñ gơboh Kơnràñ dê gam sùm sùm ò lồi.

I Yal Yau 16:8

Ưnngài tĕ Yàng Jehôwa, hòi dan tĕ di sơnđan Kơnràñ; Yal tĕ jơh ală làng bol in git broă Kơnràñ neh lơh.

II Yal Yau 20:21

Tòm tŭ khai neh cri bơyai mơ làng bol, Jehôsaphat bơtào ală cau đơs chò nàng jòng ro Yàng Jehôwa tòm bơta gơcrà sàng goh, tòm tŭ bol khai lòt di đap mpồl ling, mơ đơs lah: “Ưnngài tĕ Yàng Jehôwa, bơh bơta kòñ gơboh kơ̆ dơn Kơnràñ dê gam sùm sùm.”

II Yal Yau 29:31

Gen Ejekia đơs lah: “Tŭ do bol mê neh ơn să tòm bol mê dê Yàng Jehôwa in. Tus tĕ mơ cèng ală phan ơn duh khoai mơ ală phan ơn ưnngài tòm hìu duh khoai Yàng Jehôwa dê.” Behơ̆ mpồl jơnum cèng ală phan ơn duh khoai mơ ală phan ơn ưnngài, mơ jơh ală cau lơi bơh nùs kòñ cèng ală phan ơn chu pơrguc.

II Yal Yau 5:13

Hơ̆ la broă tòm ală cau uh kơlwòk mơ ală cau đơs chò nàng lơh bol khai in gơs dô bă bal nàng jòng ro mơ ưnngài Yàng Jehôwa, mơ tòm tŭ ală bơta đơs chò geh đơs, bal mơ ală kơlwòk, mơ ală cing mơ ală kơñi ndai, jòng ro Yàng Jehôwa lah; “Bơh Kơnràñ la niam, bơta kòñ gơboh kơ̆ dơn Kơnràñ dê gam sùm sùm.” Gen hìu duh khoai Yàng Jehôwa dê geh bềng mhwal,

II Yal Yau 7:3

Tòm tŭ jơh làng bol Israel gŏ ồs mơ bơta gơklŏ Yàng Jehôwa dê mù tòm hìu duh khoai, gen bol khai tơmbic să drup muh mat tòm mơnàng hìu duh khoai, duh khoai mơ ưnngài Yàng Jehôwa lah: “Bơh Yàng la niam; mơ bơta kòñ gơboh kơ̆ dơn Kơnràñ dê gam sùm sùm.”

Ejra 6:22

Bol khai ñô sa chò hòp bơta pơjum sa piang lă ò gơs kañ tòm poh ngai, tài bơh Yàng Jehôwa neh lơh bol khai in bềng lìu bơta hòn chò, mơ neh tơrwơl nùs Asiri dê hơ bol khai, tian gơs khai dong kòl bol khai tòm broă bơt bơtào hìu Yàng Tom Trồ la Yàng Tom Trồ Israel dê.

Nehemi 12:43

Bol khai ơn oă ngan ală phan duh khoai mơ hòn chò tòm ngai hơ̆, tài bơh Yàng Tom Trồ neh lơh bol khai in hòn chò mơ bơta hòn chò dờng. Ală cau ùr mơ ală cau kơnòm kung chò hòp, sap ntas bơta chò hòp tòm Jerusalem geh kơno ngài ngan.

Nehemi 8:12

Gen jơh làng bol rê nàng ñô sa, mơ pơyoa bal ală pơnah phan sa chò hòp ngan; tài bơh bol khai neh wă ală jơnau cau neh bơto bol khai in.

Đơs Crih 106:1

Jòng ro Yàng Jehôwa! Pal ưnngài Yàng Jehôwa bơh Kơnràñ la niam; Bơta kòñ gơboh kơ̆ dơn Kơnràñ dê gam sùm sùm.

Đơs Crih 107:1

Ưnngài tĕ Yàng Jehôwa, bơh Kơnràñ la niam; Bơta kòñ gơboh kơ̆ dơn Kơnràñ dê gam sùm sùm.

Đơs Crih 107:22

Lòi bol khai ơn phan duh khoai ưnngài Yàng, Mơ ai bơta đơs chò hòn chò tồ yal ală broă Kơnràñ dê!

Đơs Crih 116:17

Añ rơp ơn Yàng in phan ơn duh khoai nàng ưnngài Kơnràñ, Mơ hòi dan di sơnđan Yàng Jehôwa.

Đơs Crih 147:13

Bơh Kơnràñ lơh kơ̆ nền kai mpồng ƀòn mê dê! Mơ ai lơngai lơngò kòn sau mê in ơm digùl mê.

Đơs Crih 85:7

Ơ Yàng Jehôwa, dan ai bol hi in gŏ bơta kòñ gơboh kơ̆ dơn Kơnràñ dê, Mơ ai bol hi in bơta dong klàs Kơnràñ dê.

Esai 35:10

Mơ ală cau Yàng Jehôwa neh tơwài rơp rê wơl. Bol khai mut tòm Siôn bal mơ jơnau đơs chò; bơta hòn chò gam sùm sùm rơp tơndau hơđang bồ bol khai. Bol khai rơp bềng lìu bơta chò hòp mơ hòn chò, bơta moat jrùng mơ rac ròc rơp roh thit.

Esai 51:11

Behơ̆ làng bol Yàng Jehôwa neh tơwài rơp rê wơl mơ lòt tus hơ Siôn bal mơ bơta đơs chò; bơta hòn chò gam sùm sùm rơp geh tơndau hơđang bồ bol khai. Bol khai rơp dòp geh bơta hòn chò mơ chò hòp, bơta moat jrùng mơ bơta pơt wòl rơp dô ngài.

Esai 51:3

Bơh Yàng Jehôwa rơp pơndòm pơniang Siôn; Kơnràñ rơp pơndòm pơniang jơh ală tiah rhàng srau gơ dê. Kơnràñ rơp lơh ƀlàng ngềt ngơt gơ dê gơlik be suơn Eden, ƀlàng bràs gơ dê gơlik gơs be suơn Yàng Jehôwa dê, bơta hòn chò mơ bơta chò hòp rơp geh jòi bàn tòm gơ, bal mơ bơta ưnngài mơ sap bơta đơs chò.

Esai 52:8

Iat tĕ! Ală cau ling kơp gàr mê dê ai jơnau đơs chò, bol khai đơs chò hòn chò bal. Bơh bol khai rơp gŏ mơ mat tòm bol khai dê, tòm tŭ Yàng Jehôwa rê wơl hơ Siôn.

Esai 52:9

Ơ ală tiah tơrlah tơrlơm Jerusalem dê, ai tĕ jơnau đơs chò hòn chò bal, bơh Yàng Jehôwa neh pơndòm pơniang làng bol Kơnràñ dê, Kơnràñ neh tơwài wơl Jerusalem.

Jeremi 16:9

Bơh Yàng Jehôwa Gơnap Gơnoar, Yàng Tom Trồ Israel dê, đơs be do: ‘Do, di đap bol mê, tòm rài bol mê, Añ rơp tă tơlik bơh lơgar do ală sap chò hòp mơ hòn chò, ò gam kơno sap cau bơrtơu mơ cau ƀan dê.’

Jeremi 17:26

Cau rơp tus bơh ală ƀòn Juda dê mơ bơh ală tiah ơm gùt dar Jerusalem, bơh lơgar Benjamin, bơh tiah ring, tiah mơnơm, mơ đah đơm, nàng cèng phan ơn chu mơ ală phan ơn, phan ơn bơsàp bal mơ kơlhô, mơ cèng phan ơn kah bơta nđàc tus tòm hìu Yàng Jehôwa dê.

Jeremi 25:10

Rlau mơ hơ̆, añ rơp tă bơh mpồl bol khai jơh sap driau chò mơ hòn chò, jơh sap bơrtơu pa mơ ƀan pa, jơh jơnau ntas mpal piah mơ bơta àng ồs đèng dê.

Jeremi 29:14

Yàng Jehôwa đơs: “Añ rơp ai bol mê in jòi bàn Añ, rơp bơtào wơl ală sre brê bol mê dê, mơ rơp tơrgòm bol mê bơh ală lơgar mơ bơh ală tiah Añ neh bơtrơh bol mê, mơ Añ rơp cèng brê bol mê wơl hơ tiah Añ neh tă bol mê.”

Jeremi 30:19

Bơta ưnngài rơp tus bơh di bol khai Mơ jơnau driau chò ală cau chò hòp dê. Añ rơp lơh bol khai gơlik bơtơl oă ngan, mơ bol khai rơp ò gơs dô êt. Añ kung rơp lơh bol khai geh dờng màng, ò gam kong sền òsơp tai.

Jeremi 30:3

Yàng Jehôwa đơs lah: ‘Ală ngai nền cê ngan rơp tus, tŭ hơ̆ Añ rơp bơtào wơl sre brê làng bol Añ jê, Israel mơ Juda, Yàng Jehôwa đơs, mơ Añ rơp cèng bol khai in rê wơl tòm lơgar mơ Añ neh ai ồng pàng bol khai in, mơ bol khai rơp geh lơgar hơ̆ lơh gơs sre brê.’”

Jeremi 32:44

Cau rơp ngui khà priă blơi sre tềng hơ̆, cih sră cơng tàng tac, tap ƀang kì, cau lơh cơng, tòm lơgar Benjamin mơ gùt dar Jerusalem, tòm ală ƀòn dờng Juda mơ tòm ală ƀòn tiah mơnơm, ală ƀòn tiah ring mơ ală ƀòn tiah Negep. Bơh Añ rơp cèng ală cau kong kup cèng gơs dĭ rê wơl.’” Yàng Jehôwa đơs behơ̆.

Jeremi 33:26

gen kung behơ̆, Añ rơp sang lòi jơi bơtiàn Jakôp mơ jơi bơtiàn Dabit dĭ gơna Añ jê, tian gơs Añ rơp ò sac rwah dô nă tòm ală kòn sau khai dê lơh gơs cau at bồ jơi bơtiàn Abraham, Isak, mơ Jakôp dê. Bơh Añ rơp bơtào wơl sre brê bol khai dê, mơ rơp nđàc sơngit di bol khai.’”

Jeremi 33:7

Añ rơp cèng ală cau kong kup cèng gơs dĭ Juda mơ Israel rê wơl; bơt bơtào wơl bol khai kung be lài òr.

Jeremi 7:34

Mơ Añ rơp tơnlồi sap bơta chò hòp mơ bơta hòn chò, sap cau bơrtơu pa mơ ƀan pa tòm ală ƀòn dờng Juda dê mơ tòm ală gùng ƀòn dờng Jerusalem dê, bơh lơgar do rơp gơlik gơs tiah lòi srau gòi.”

Amôs 9:14

Añ rơp cèng brê wơl làng bol Israel Añ jê neh kong kup cèng gơs dĭ; bol khai rơp bơt bơtào wơl ală ƀòn dờng neh kong tơnroh mơ ơm tòm ală ƀòn dờng hơ̆. Bol khai rơp tam ală suơn ño mơ ñô tơrnòm gơ dê; bol khai rơp lơh suơn mơ sa plai gơ dê.

Jôna 2:9

Ală cau duh khoai ală yàng rùp ràk ò kwơ, sang lòi bơta dòn song song ngan bol khai dê.

Nahum 1:7

Yàng Jehôwa la niam, la theng kơ̆ cê tòm ngai bòl glar. Kơnràñ sền gàr ală cau in kìng crŭ di Kơnràñ.

Sôphôni 3:14

Ơ Kòn ùr Siôn, đơs chò dờng tĕ! Ơ Israel, driau dờng tĕ! Ơ Kòn ùr Jerusalem, jơh nùs tĕ chò hòp mơ hòn chò.

Sacari 10:7

Cau Epraim rơp gơlik gơs kung be ală cau ling jak tòmlơh, mơ nùs bol khai rơp chò hòp kung be cau ñô tơrnòm. Kòn sau bol khai rơp gŏ bơta hơ̆ mơ chò hòp; nùs bol khai dê rơp geh hừh hơh tòm Yàng Jehôwa.

Sacari 8:19

Yàng Jehôwa Gơnap Gơnoar Dờng Làm Jơh đơs be do: “Bơta ơt sa tòm kơnhai poan, kơnhai pram, kơnhai poh, mơ kơnhai jơt rơp gơlik gơs tŭ tơngai hòn chò mơ chò hòp, mơ la ală ngai pơjum sa lơngai lơngò hìu Juda in. Behơ̆ tàng kòñ gơboh bơta song ngan mơ bơta lơngap lơngai.”

Sacari 9:17

Bơta niam mơnĕ mơ hàng mơnĕ Kơnràñ dê ò git nđò! Kòi mbo rơp lơh ală klau pơnu in bơtào dờng mơ tơrnòm pa lơh cau ơruh in chò hòp.

Jang 3:29

Cau lơi pa tòmbau hơ̆ la bơrtơu, mơya oh mi bơyô bơrtơu dê ơm ntào mơ iat jơnau khai, dơ̆ kơno jơnau đơs bơrtơu dê gen hòn chò oă ngan; hơ̆ la bơta hòn chò añ jê geh wil tơl behơ̆.

Hebrơ 13:15

Behơ̆ bol he kơnòm tĕ di Yàng Jesu, mơ kư̆ ơn sùm phan ơn duh khoai la jơnau jòng ro Yàng Tom Trồ bơh bơr sơndồi yal tơlik sơnđan Kơnràñ la Yàng.

Yal Tơlik 18:23

Bơta àng ồs đèng ò gơs tŭ lơi pơnđàng sòl tai di tiah ai dê; tềng hơ̆ ò gơs tŭ lơi kơno tai jơnau đơs cau bơrtơu mơ ƀan dê. Bơh ală cau neh kă bro di tiah ai dê la ală cau dờng ryŭ tòm ù; jơh ală làng bol neh kòl pơrlồm tài bơh bơta juh proh pơlìn ai dê.