Jeremi 32:39 - Sră Goh 2018

³⁹ Añ rơp ai bol khai in dô nơm nùs mơ dô nơm gùng, tồ bol khai duh rngòt di Añ sùm sùm, bơh bơta niam bol khai in mơ niam kòn sau bol khai in pơnjat tơnơ̆.

Jeremi 32:39 Mawu Ofanana

Sơnròp Gơlik Gơs 17:7

Añ rơp lơh bơta ho bal digùl Añ mơ mê, mơ jơi bơtiàn mê tòm ală rài bol khai dê, do la dô bơta ho bal kòp rài gam sùm sùm, tồ Añ lơh gơs Yàng Tom Trồ mê mơ jơi bơtiàn mê dê sơl.

Sơnròp Gơlik Gơs 18:19

Añ neh sac rwah khai nàng khai bơto sồr ală kòn mơ hìu nhă khai dê jat gùng Yàng Jehôwa dê, lơh ală bơta song ngan mơ song ring, gen behơ̆, Yàng Jehôwa rơp lơh gơlik di ngan be ală jơnau Kơnràñ neh ho mơ Abraham.”

Sơnròp Gơlik Gơs 22:12

Cau gơnrơh đơs lah: “Bañ ƀư tê di să oh hơ̆ mơ bañ lơh bơta lơi di khai, bơh tŭ do Añ git mê duh rngòt di Yàng Tom Trồ, tài bơh mê ò pơlai mơ Añ kòn klau mê dê, hơ̆ la kòn dùl mê dê.”

II Yal Yau 30:12

Tòm Juda, tê Yàng Jehôwa kung ơm hơđang làng bol mơ ai bol khai in bơta lơh gơs dô bă bal nàng lơh gơlik gơs jat be cau bơtau mơ ală cau kwang bơtau dê neh sồr jat be jơnau Yàng Jehôwa dê.

Đơs Crih 112:1

Jòng ro Yàng Jehôwa! Lơngai cau lơi in duh rngòt di Yàng Jehôwa, Mơ cau lơi gơboh oă ngan bơta sồr lam Kơnràñ dê!

Đơs Crih 128:6

Dan ai mê in gŏ sau set mê dê! Dan Israel in geh bơta lơngap lơngai!

Đơs Crih 86:11

Ơ Yàng Jehôwa, dan bơto añ in git gùng dà Kơnràñ dê, Nàng añ rơp lòt jat jơnau song Kơnràñ dê; Dan lơh añ in gơs nùs song ngan nàng duh rngòt di sơnđan Kơnràñ.

Jơnau Pơnđik 23:17

Nùs kòn bañ pơndròm mơ cau iơh rmơh; mơya kòp ngai pal duh rngòt di Yàng Jehôwa.

Esai 35:8

Tềng hơ̆ rơp gơs dô nơm gùng me, gơ rơp geh sơnđan la Gùng Bơta Sàng goh. Cau ò goh rơp ò geh lòt tòm hơ̆; mơya lòi ală làng bol Yàng Tom Trồ in, cau lòt gùng bulah bơrngơl gơla kung rơp ò lòt tìs nrah.

Esai 52:8

Iat tĕ! Ală cau ling kơp gàr mê dê ai jơnau đơs chò, bol khai đơs chò hòn chò bal. Bơh bol khai rơp gŏ mơ mat tòm bol khai dê, tòm tŭ Yàng Jehôwa rê wơl hơ Siôn.

Esai 65:23

Bol khai rơp ò lơh broă gơlik ò kwơ, bol khai tơnggơs kòn sau nàng kong bơta rung rài; bơh bol khai la dô nơm làng bol geh Yàng Jehôwa ai lơngai lơngò, bol khai bal mơ ală kòn sau bol khai dê.

Jeremi 24:7

Añ rơp ai bol khai in nùs đal git Añ la Yàng Jehôwa. Bol khai rơp lơh gơs làng bol Añ, mơ Añ rơp lơh gơs Yàng Tom Trồ bol khai; bơh bol khai rơp jơh nùs rê wơl mơ Añ.’

Jeremi 31:33

Yàng Jehôwa đơs: “Do la bơta ho bal mơ Añ rơp bơtào bal mơ hìu Israel tơnơ̆ mơ ală ngai hơ̆. Añ rơp ơn bơta boh lam Añ tòm dơngoh bol khai mơ cih tòm nùs bol khai. Añ rơp lơh gơs Yàng Tom Trồ bol khai, bol khai rơp lơh gơs làng bol Añ jê.

Jeremi 32:40

Añ rơp bơtào bơta ho bal gam sùm sùm mơ bol khai; ò tŭ lơi sang lòi mơya kư̆ ai lơngai bol khai in; mơ Añ rơp ơn bơta duh rngòt di Añ tòm nùs, nàng bol khai ò sang lòi Añ.

Jeremi 6:16

Yàng Jehôwa đơs be do: “Ntào tĕ hơđang ală sơnah gùng, mơ sền; mơ lùp bơh ală gùng rài yau, Ntềng đah gùng niam ơm gen lòt tĕ tòm hơ̆, mơ jòi bàn bơta rlô bòl hwềng soàn bol mê in. Mơya bol khai đơs lah: ‘Bol hi rơp ò lòt tòm gùng hơ̆.’

Ejekiel 36:26

Añ rơp ai bol mê in dô nơm nùs pa, mơ ơn dô nơm hwềng pa tòm bol mê; Añ rơp tă nùs mơ lŭ bơh di bol mê, mơ ai bol mê in nùs mơ poac.

Ejekiel 37:22

Añ rơp lơh bol khai in gơlik gơs mìng dô làng bol tòm lơgar, hơđang ală mơnơm Israel dê; dô nă bơtau rơp la bơtau hơđang jơh tơl nă bol khai. Bol khai rơp ò tŭ lơi gơs bàr nơm làng bol tai hala gơkòl cah is tòm bàr nơm lơgar.

Ejekiel 37:24

Cau duh broă Añ jê la Dabit rơp lơh gơs bơtau at bồ hơđang bol khai mơ jơh tơl nă bol khai rơp gơs mìng dô nă cau ê lơm. Bol khai rơp cơnđòa lòt jat ală bơta boh lam Añ jê mơ kơrhia prap gàr ală bơta sồr lam Añ jê.

Ejekiel 37:25

Bol khai rơp ơm tòm lơgar mơ Añ neh ai cau duh broă Añ jê la Jakôp, la lơgar mơ ồng pàng bol mê neh ơm. Bol khai, kòn sau bol khai, mơ kòn sau kòn sau bol khai dê rơp ơm tềng hơ̆ jơl sùm sùm; cau duh broă Añ jê la Dabit rơp gơs bơtau bol khai dê jơl sùm sùm.

Jang 14:6

Yàng Jesu đơs lah: “Añ la gùng lòt, jơnau song, mơ bơta kis; ò bơh Añ gen ò gơs cau lơi geh lòt tus hơ Bèp.

Jang 17:21

nàng jơh ală bol khai gơs dô bă bal, be Bèp ơm tòm Añ mơ Añ ơm tòm Bèp; mơ bol khai kung ơm tòm Bol He, tồ dunnia in dòn lah Bèp neh sồr Añ lòt tus.

Broă 13:33

lah Kơnràñ neh lơh gơlik di ngan jơnau ho pơgon hơ̆ bol he in la kòn sau bol khai dê, tòm tŭ lơh Yàng Jesu in kis wơl, be neh cih tòm sră Đơs Crih tap bàr lah: ‘Mê la Kòn Añ, Ngai do Añ neh tơnggơs mê.’

Broă 2:39

Bơh jơnau ho pơgon hơ̆ gơrê bal mơ ală oh mi mơ kòn sau ală oh mi dê, mơ gơrê bal mơ jơh tơl nă cau ơm ngài sơl, hơ̆ la ală cau mơ Yàng la Yàng Tom Trồ bol he dê rơp hòi sac.”

Broă 3:26

Behơ̆ Yàng Tom Trồ neh sac rwah Cau Duh Broă Kơnràñ dê, mơ sồr Khai lòt tus ai lơngai ală oh mi in sơnròp ngan, mơ lơh kòp nă cau in tòm ală oh mi pơrlac sang bơta tồi glài iơh bơsak he dê.”

Broă 4:32

Tŭ hơ̆, mpồl cau dòn gơs dô nùs nhơm dô bơta kơlôi sơnơng. Ò gơs cau lơi kòp phan he la phan is, mơya tòmpà ală phan he gơs cau ndai in.

Broă 9:31

Behơ̆ Hìu Jum Goh tòm làm jơh kơnhwàl Jude, Galile, mơ Samari geh ring lơngai, bơt bơtào, mơ lòt tòm bơta duh rngòt di Yàng, mơ kơnòm di Yàng Hwềng Goh dong kòl, gen khà cau dòn sơlo ngai geh gơbơtơl tai.

Rôma 11:16

Dilah dô sơmbat kơmbuh sơnròp geh ơn la sàng goh, gen jơh dô kơnac kơmbuh kung sàng goh sơl; mơ dilah ryas la sàng goh, gen ală ntê kung sàng goh sơl.

I Kôrintô 7:14

Bơh bau klau ò dòn Yàng, gen kơnòm di bau ùr mơ geh sàng goh; mơ bau ùr ò dòn Yàng, gen kơnòm di bau klau mơ geh sàng goh; dilah ò behơ̆ gen kòn oh mi dê ò gơrê bal mơ Yàng, mơya tŭ do gơrê bal mơ Yàng.

II Kôrintô 13:11

Tơnơ̆ wơl, ơ oh mi, hòn chò tĕ, gơs wil tơl tĕ; chồl pơndòm tĕ, gơs dô nùs kơlôi bal, gơtòmsòr bal tĕ, gen Yàng Tom Trồ la Bơtau ai bơta kòñ gơboh mơ bơta lơngap lơngai rơp ơm bal mơ oh mi. Ngac yơ!

Yal Wơl 5:29

Dilah làng bol do gơs nùs duh rngòt di Añ sùm, mơ òs prap gàr jơh ală jơnau sồr Añ jê, behơ̆ sồng khai mơ kòn sau bol khai rơp geh lơngai sùm sùm!

Yal Wơl 6:2

nàng bol mê, ală kòn sau bol mê dê mơ ală kòn sau bol khai dê tơnơ̆ mơ bol khai rơp duh rngòt di Jehôwa Yàng Tom Trồ bol mê dê tòm jơh rài kis bol mê dê, bơh bơta prap gàr jơh ală bơta lơh nền mơ ală gơnoar sồr mơ añ neh ai bol mê in tồ bol mê rơp geh kis jŏ.

Yal Wơl 6:24

Yàng Jehôwa neh ai jơnau gơnoar sồr bol hi pal prap gàr jơh ală jơnau lơh nền do, mơ rngòt di Jehôwa Yàng Tom Trồ bol hi dê, tồ bol hi rơp geh bơtoah bơtoài sùm sùm mơ geh kis kung be tòm ngai do.

Hebrơ 10:20

bơh gùng pa mơ kis Kơnràñ neh pò bol he in lòt gan hơ kơrnìng, hơ̆ la lòt gan di să jan Kơnràñ dê;