Jeremi 32:38 - Sră Goh 2018

³⁸ Bol khai rơp lơh gơs làng bol Añ, mơ Añ rơp lơh gơs Yàng Tom Trồ bol khai dê.

Jeremi 32:38 Mawu Ofanana

Sơnròp Gơlik Gơs 17:7

Añ rơp lơh bơta ho bal digùl Añ mơ mê, mơ jơi bơtiàn mê tòm ală rài bol khai dê, do la dô bơta ho bal kòp rài gam sùm sùm, tồ Añ lơh gơs Yàng Tom Trồ mê mơ jơi bơtiàn mê dê sơl.

II Samuel 7:24

Mơ Yàng neh bơtào kơ̆ làng bol Israel să tòm Yàng in be la làng bol Yàng dê gam sùm sùm. Đah mơ Yàng, ơ Yàng Jehôwa, Yàng neh gơlik gơs Yàng Tom Trồ bol khai dê.

Đơs Crih 144:15

Lơngai làng bol lơi in geh bơta bơtoah bơtoài behơ̆! Lơngai làng bol lơi in gơs Jehôwa la Yàng Tom Trồ bol khai dê!

Esai 65:23

Bol khai rơp ò lơh broă gơlik ò kwơ, bol khai tơnggơs kòn sau nàng kong bơta rung rài; bơh bol khai la dô nơm làng bol geh Yàng Jehôwa ai lơngai lơngò, bol khai bal mơ ală kòn sau bol khai dê.

Jeremi 24:7

Añ rơp ai bol khai in nùs đal git Añ la Yàng Jehôwa. Bol khai rơp lơh gơs làng bol Añ, mơ Añ rơp lơh gơs Yàng Tom Trồ bol khai; bơh bol khai rơp jơh nùs rê wơl mơ Añ.’

Jeremi 30:22

Behơ̆ gen, bol mê rơp lơh gơs làng bol Añ, Añ rơp lơh gơs Yàng Tom Trồ bol mê.’”

Jeremi 31:1

Yàng Jehôwa đơs: “Tòm tŭ hơ̆, Añ rơp lơh gơs Yàng Tom Trồ jơh ală jơi bơtiàn Israel in; mơ bol khai rơp lơh gơs làng bol Añ jê.”

Jeremi 31:33

Yàng Jehôwa đơs: “Do la bơta ho bal mơ Añ rơp bơtào bal mơ hìu Israel tơnơ̆ mơ ală ngai hơ̆. Añ rơp ơn bơta boh lam Añ tòm dơngoh bol khai mơ cih tòm nùs bol khai. Añ rơp lơh gơs Yàng Tom Trồ bol khai, bol khai rơp lơh gơs làng bol Añ jê.

Ejekiel 16:60

Bulah behơ̆, Añ rơp kah wơl bơta ho bal Añ neh bơtào mơ ai tòm ngai ai gam kơnòm să, mơ Añ rơp bơtào mơ ai dô bơta ho bal gam sùm sùm.

Ejekiel 36:28

Bol mê rơp ơm tòm lơgar mơ Añ neh ai ồng pàng bol mê in; bol mê rơp lơh gơs làng bol Añ jê, mơ Añ rơp lơh gơs Yàng Tom Trồ bol mê dê.

Ejekiel 37:27

Tiah ơm sùm Añ jê rơp gơs digùl bol khai; Añ rơp gơs Yàng Tom Trồ bol khai dê, bol khai rơp gơs làng bol Añ jê.

Ejekiel 39:22

Hìu Israel rơp git Añ la Jehôwa Yàng Tom Trồ bol khai dê, bơh ngai hơ̆ tus di ală ngai rơp tus.

Ejekiel 39:28

Gen bol khai rơp git Añ la Jehôwa Yàng Tom Trồ bol khai dê, tài bơh Añ neh cèng pơrdô bol khai tơmut digùl ală lơgar, mơ Añ rơp pơjum tơrgòm bol khai tòm lơgar tòm bol khai dê. Añ rơp ò sang lòi dô nă cau lơi tòm bol khai bơh ngkòi.

Sacari 13:9

Añ rơp cèng tơmut dô pơnah pe hơ̆ tòm ồs, Añ rơp tiar bol khai kung be priă, mơ lòng bol khai kung be màh. Bol khai rơp hòi di sơnđan Añ, mơ Añ rơp ho wơl bol khai; Añ rơp đơs lah: ‘Bol khai la làng bol Añ jê,’ mơ bol khai rơp đơs lah: ‘Yàng Jehôwa la Yàng Tom Trồ bol hi dê.’”

Yal Wơl 14:23

Sa tĕ pơnah jơt ală kòi mbo bol mê dê, tơrnòm pa mơ mơñà, mơ kòn tơnhoa tòm ală mpồl kơnrồ mơ ală mpồl belàt bol mê dê di đap mat Jehôwa Yàng Tom Trồ bol mê dê, tòm tiah Kơnràñ rơp sac rwah lơh gơs tiah ơm sơnđan Kơnràñ dê, nàng bol mê rgơi bơtê duh rngòt Jehôwa Yàng Tom Trồ bol mê dê sùm sùm.

Hebrơ 11:16

Mơya tŭ do bol khai jơh nùs kơp kòñ dô nơm lơgar niam rlau, hơ̆ la lơgar hơđang trồ; gen tàng Yàng Tom Trồ ò ƀàssìl geh sơnđan la Yàng Tom Trồ bol khai dê, bơh Kơnràñ neh rcang sir bol khai in dô nơm ƀòn dờng.

Hebrơ 8:10

Yàng đơs tai lah: “Do la bơta ho bal Añ rơp bơtào bal mơ hìu Israel, Tơnơ̆ mơ ală ngai hơ̆: Añ rơp ơn bơta boh lam Añ jê tòm dơngoh bol khai dê, Mơ cih gơtòm nùs bol khai; Añ rơp la Yàng Tom Trồ bol khai dê, Mơ bol khai rơp la làng bol Añ jê.

Yal Tơlik 21:7

Cau lơi geh pha lin rlau rơp geh ală bơta hơ̆ lơh gơs sre brê; Añ rơp lơh gơs Yàng Tom Trồ khai dê mơ khai rơp lơh gơs kòn Añ jê.