Jeremi 32:29 - Sră Goh 2018

²⁹ Ală cau Kalde tòmlơh mơ ƀòn do rơp tus, ơn ồs mơ chu gơ, chu tơn ală hìu mơ cau neh ơn kơlhô Baal in hơđang rkàng hìu, mơ ơn phan pơdơng ñô ală yàng ndai, nàng bơrcek Añ gơjrañ.

Jeremi 32:29 Mawu Ofanana

II Ală Bơtau 25:9

Khai chu hìu duh khoai Yàng Jehôwa, gơlang bơtau dê, mơ ală hìu tòm ƀòn dờng Jerusalem; chu pơrguc jơh ală hìu dờng.

II Yal Yau 36:19

Bol khai ai ồs chu hìu duh khoai Yàng Tom Trồ dê mơ lơh tơrlah dơrñang ƀòn dờng Jerusalem dê; chu jơh ală gơlang bơtau mơ tơnroh jơh ală phan kas màng.

Nehemi 8:16

Behơ̆ làng bol lik lòt mơ cèng brê ală nha hơ̆. Kòp nă lơh sàl bol khai in hơđang ală rkàng (hìu cau Hebrơ gơs rkàng ring) hìu ơm, tòm ƀlàng jơng hìu, tòm ƀlàng jơng hìu duh khoai Yàng Tom Trồ dê, tòm ƀlàng dờng di đap Mpồng Dà, mơ tòm ƀlàng di đap Mpồng Epraim.

Esai 22:1

Jơnau đơs hwơr bơh thòng bơta gơtơnggŏ: Bơta lơi neh lơh mê in dơrcul, jơh tơl nă bol mê neh hào hơđang rkàng hìu taih?

Jeremi 11:17

Yàng Jehôwa Gơnap Gơnoar Làm Jơh, la Bơtau neh tam mê, neh yal tơnggit bơta rung rài tòmdră mơ mê, tài bơh bơta iơh bơsak hìu Israel mơ hìu Juda neh lơh, nàng bơrcek Añ in gơjrañ bơh neh chu kơlhô Baal in.”

Jeremi 17:27

Mơya dilah bol mê ò bài iat Añ nàng ơn is ngai Saƀat gơlik gơs ngai sàng goh, mơ tòm ngai Saƀat tui ơnòng mơ mut tòm mpồng ƀòn dờng Jerusalem, gen Añ rơp ơn ồs di mpồng theng, ồs hơ̆ rơp chu pơrguc gơlang bơtau tòm Jerusalem, mơ rơp ò geh đơp chơt ò.’”

Jeremi 19:13

Ală hìu Jerusalem dê mơ hìu gơlang ală cau bơtau Juda neh gơlik gơs ƀơ̆ iơh, kung be tiah Tôphet; ngan, hơ̆ la hơđang rkàng ală hìu hơ̆ cau neh chu kơlhô ală sơmañ đang trồ, mơ ơn phan ơn ñô ală yàng ndai in.’”

Jeremi 21:10

Yàng Jehôwa đơs: ‘Bơh Añ ơn mat Añ tòmdră mơ ƀòn dờng do, bơta iơh ò di la bơta niam; gơ rơp kong phi tòm tê bơtau Babilôn, mơ khai rơp chu gơ mơ ồs.’

Jeremi 30:14

Ală cau kòñ gơboh mê neh hŭi mê, Ò kơlôi rcang mê in dô êt lơi; Bơh Añ neh lơh mê kong sồt kung be cau sò tơm lơh, Lơh glài mê kung be cau rhung rhang lơh glài, Tài bơh bơta tìs glài mê dờng ngan, Tồi glài mê oă ngan.

Jeremi 32:3

Bơh Jedekia, bơtau Juda neh jàm khai, đơs lah: “Ñchi bơh tài mê đơs hwơr lah: Yàng Jehôwa đơs be do: ‘Do, Añ rơp phi ƀòn dờng do tòm tê bơtau Babilôn, khai rơp tòmpìt ai;

Jeremi 34:2

Jehôwa Yàng Tom Trồ Israel dê, đơs be do: “Lòt yal tĕ mơ Jedekia, bơtau Juda lah: Yàng Jehôwa đơs lah: ‘Do, Añ rơp phi ƀòn do tòm tê bơtau Babilôn, khai rơp ai ồs chu gơ.

Jeremi 39:8

Cau Kalde ngui ồs chu gơlang bơtau mơ hìu làng bol dê, phà tơrlah dơrñang ƀòn Jerusalem.

Jeremi 44:25

Yàng Jehôwa Gơnap Gơnoar, Yàng Tom Trồ Israel dê, đơs be do: Bol mê mơ bau ùr bol mê neh lơh jơh ală broă mơ bol mê đơs tơlik bơh bơr bol mê lah: ‘Ngan bol hi rơp lơh wil tơl jơnau he neh ho pơgon, chu kơlhô, mơ ơn phan ơn ưnngài yàng ùr hơđang trồ in.’ Behơ̆ bol mê kah prap kơ̆ jơnau ho pơgon bol mê dê mơ lơh wil tơl.

Jeremi 52:12

Ngai jơt kơnhai pram, nam dơ̆ jơt sin rài Nebukatnessar, bơtau Babilôn, gen Nebujaradan, kwang at bồ ling sền gàr bơtau, mut tòm ƀòn Jerusalem.

Jeremi 52:13

Khai chu hìu Yàng Jehôwa, gơlang bơtau, mơ jơh ală hìu ơm tòm Jerusalem. Ală hìu dờng cau màng ryŭ dê khai chu jơh.

Jeremi 7:17

Mê ò gŏ bơta bol khai neh lơh tòm ală ƀòn Juda dê mơ tòm ală gùng Jerusalem ơ?

Jeremi 7:18

Kòn dòñ lòng, bèp sing ồs, mơ ală cau ùr bơcă kơmbuh, nàng lơh ƀañ ơn bơtau ùr hơđang trồ, mơ bol khai tuh phan ơn pơdơng ñô ală yàng ndai in, nàng bơrcek Añ gơjrañ.”

Ñìm Rac 4:11

Yàng Jehôwa neh lơh bềng tơl bơta gơjrañ Kơnràñ dê, mơ tuh tơlik bơta gơjrañ dờng duh hơng Kơnràñ dê; Kơnràñ neh sing ồs tòm Siôn, chu pơrguc mơnàng gơ.

Ejekiel 23:47

Mpồl bol oă hơ̆ rơp cơm lŭ bol khai, mơ ai đào srơp tơnchơt bol khai; bol hơ̆ rơp tơnchơt kòn klau kòn ùr bol khai dê, mơ ai ồs chu hìu bol khai dê.

Mathiơ 22:7

Cau bơtau gơhào gơjrañ, gen sồr ală cau ling lòt tơnroh ală cau tơnchơt cau hơ̆, mơ chu ƀòn dờng bol khai dê.

Broă 10:9

Ngai tơnơ̆, tòm tŭ pe nă bol hơ̆ gam lòt rò gùng mơ neh mòr tus ƀòn dờng, pơgap di di jơ prau, Pier guh hơđang rkàng hìu nàng hòi dan.

Hebrơ 3:16

Ñcau la cau neh kơno gen tòmdră taih? Ò di la jơh ală cau neh geh Môise lam lik lòt bơh Ejiptơ ò ơ?