Jeremi 32:22 - Sră Goh 2018

²² Kơnràñ ai bol khai in lơgar do, la lơgar bềng lìu dà toh mơ dà lơwe, mơ Kơnràñ neh srat să ai ồng pàng bol khai in.

Jeremi 32:22 Mawu Ofanana

Sơnròp Gơlik Gơs 13:15

Bơh ù lơi mê gŏ Añ rơp ai mê mơ jơi bơtiàn mê in sùm sùm kòp rài.

Sơnròp Gơlik Gơs 24:7

Jehôwa la Yàng Tom Trồ hơđang trồ, la Bơtau neh lam añ lik bơh di hìu nhă añ mơ bơh lơgar añ, neh đơs mơ ho lah: ‘Añ rơp ai jơi bơtiàn mê in lơgar do!’ Să tòm Kơnràñ rơp sồr cau gơnrơh lòt lài mơ mê, mơ tềng hơ̆ mê jòi tĕ bau kòn klau añ in.

Sơnròp Gơlik Gơs 50:24

Mơ Jôsep đơs mơ ală oh mi khai dê lah: “Añ rơp chơt, mơya ngan Yàng Tom Trồ rơp tus còp ală oh mi mơ lam oh mi rê hơ lơgar mơ Kơnràñ neh ho pơgon mơ Abraham, Isak mơ Jakôp.”

Nehemi 9:15

Kơnràñ neh ai bol khai in sa piang lă bơh trồ tŭ bol khai jơgloh; tòm tŭ bol khai tơhìr lơh dà lik bơh lŭ nàng ai bol khai in hùc; mơ kung neh sồr bol khai mut dòp ù tiah mơ Kơnràñ neh ho ai bol khai in.

Lik Ejiptơ 13:5

Tòm tŭ Yàng Jehôwa cèng bol mê mut lơgar làng bol Kanaan, làng bol Hetit, mơ làng bol Jebusit, la lơgar mơ Kơnràñ neh srat să ho nền mơ ồng pàng bol mê dê rơp ai bol mê in, la lơgar gơhòr bềng lìu dà toh mơ dà lơwe, gen bol mê pal kah prap bơta pơjum duh khoai tòm kơnhai do.

Lik Ejiptơ 3:17

Mơ Añ neh ho dong tă bol mê lik bơh di bơta bòl glar bol mê dê tòm lơgar Ejiptơ nàng cèng tus hơ lơgar cau Kanaan, cau Hetit, cau Amôr, cau Pheres, cau Hebit, mơ cau Jebusit dê, la dô nơm lơgar gơs lìu làc dà toh mơ dà lơwe.’

Lik Ejiptơ 3:8

Behơ̆ Añ mù tus nàng dong tă bol khai klàs bơh di tê cau Ejiptơ, lam bol khai guh mơ lik bơh di lơgar hơ̆ tus hơ dô nơm lơgar niam mơ dờng ơnàng, lơgar gơs lìu làc dà toh mơ dà lơwe, hơ̆ la lơgar tòm cau Kanaan, cau Hetit, cau Amôr, cau Pheres, cau Hebit mơ cau Jebusit dê.

Jeremi 11:5

tồ Añ in lơh gơs bơta srat să Añ neh ho bal mơ ồng pàng bol mê dê, mơ ai bol khai in dô nơm lơgar bềng dà toh mơ dà lơwe, be bol mê gŏ ngai do.’” Gen añ ho wơl lah: “Khoai Yàng Jehôwa! Amen!”

Ejekiel 20:15

Añ kung neh srat să mơ bol khai tòm ƀlàng ngềt ngơt lah Añ rơp ò cèng bol khai mut tòm ù tiah mơ Añ neh ho ai bol khai in, la ù tiah bềng dà toh mơ dà lơwe, ù tiah niam rlau mơ jơh ală ù tiah ndai;

Ejekiel 20:6

Tòm ngai hơ̆ Añ neh srat să ho nền mơ bol khai lah Añ rơp cèng bol khai lik klàs bơh di lơgar Ejiptơ nàng mut tòm dô nơm lơgar mơ Añ neh jòi bol khai in, hơ̆ la lơgar bềng lìu dà toh mơ dà lơwe, lơgar niam rlau mơ jơh ală lơgar ndai.

Khà Làng Bol 14:16

‘Yàng Jehôwa ò rgơi cèng làng bol do tus tòm lơgar mơ Kơnràñ neh srat să ho ai bol khai in; behơ̆ Kơnràñ neh tơnchơt bol khai tòm ƀlàng bràs.’

Khà Làng Bol 14:30

Ò gơs dô nă cau lơi tòm bol mê rơp mut tòm lơgar mơ Añ neh pò tê srat să lơh gơs hìu tòm bol mê in, lòi mìng Kalep kòn klau Jephune mơ Jôsue kòn klau Nun.

Yal Wơl 1:35

‘Ò gơs dô nă cau lơi tòm jơi bơtiàn iơh bơsak do rơp gŏ lơgar niam mơ Añ neh srat să ho ai ală ồng pàng bol mê in,

Yal Wơl 1:8

Sền ne, Añ neh ai bol mê in lơgar do. Mut tĕ mơ dòp ù tiah lơh gơs sre brê mơ Yàng Jehôwa neh srat să ho nền ai ală ồng pàng bol mê in la Abraham, Isak mơ Jakôp, mơ ală kòn sau bol khai in.’

Yal Wơl 6:10

Tòm tŭ Jehôwa Yàng Tom Trồ bol mê dê cèng bol mê mut tòm lơgar mơ Kơnràñ neh srat să ai ală ồng pàng bol mê dê la Abraham, Isak mơ Jakôp rơp ai bol mê in, dô nơm lơgar gơs ală ƀòn dờng pas sơm ngan mơ bol mê ò gŏ bơt bơtào,

Yal Wơl 6:18

Lơh tĕ bơta lơi dimơ niam di đap Yàng Jehôwa, nàng ală bơta rơp gơlik niam bol mê in, mơ bol mê rgơi mut mơ dòp geh lơgar niam mơ Yàng Jehôwa neh srat să ho ai ală ồng pàng bol mê in,

Yal Wơl 6:23

Mơya Kơnràñ neh tă bol hi lik bơh tềng hơ̆ mơ cèng bol hi mut tềng do mơ ai bol hi in lơgar mơ Kơnràñ neh srat să ho ai ală ồng pàng bol hi in.

Yal Wơl 7:13

Kơnràñ rơp kòñ gơboh di bol mê mơ ai lơngai bol mê in mơ lơh jơi bơtiàn bol mê dê gơbơtơl oă. Kơnràñ rơp ai lơngai plai đo hìu kòn bol mê dê, cồng nha ù tiah bol mê dê, hơ̆ la kòi mbo, tơrnòm pa mơ mơñà, ală kơnrồ tòm ală mpồl phan poan jơng bol mê dê mơ ală belàt kòn tòm ală mpồl belàt bol mê dê tòm lơgar mơ Kơnràñ neh srat să ho nền mơ ală ồng pàng bol mê dê ai bol mê in.

Yal Wơl 8:1

Kơrhia tĕ lơh jat kòp jơnau gơnoar sồr mơ añ ai bol mê in tòm ngai do, tồ bol mê geh kis, geh bơtơl oă mơ rgơi mut dòp geh lơgar mơ Yàng Jehôwa neh srat să mơ ală ồng pàng bol mê dê ai bol mê in.

Jôsue 1:6

Lơh tĕ pràn kơldang mơ khin cha, bơh mê rơp ơn làng bol do tòm lơgar Añ ai bol khai in lơh gơs sre brê jat be Añ neh srat să ho nền mơ ală ồng pàng bol khai dê.

Jôsue 21:43

Behơ̆ Yàng Jehôwa neh ai Israel in jơh ù tiah mơ Kơnràñ neh srat să ho nền mơ ală ồng pàng bol khai dê, mơ Kơnràñ ai bol khai in lơh gơs sre brê mơ ơm tềng hơ̆.