Jeremi 32:2 - Sră Goh 2018

² Tŭ hơ̆ mpồl ling bơtau Babilôn dê gơrwàng gùt dar ƀòn dờng Jerusalem; ai cau gơnoar hwơr Jeremi gen neh kong jàm di tiah rơng hìu ling kơp gàr tòm gơlang bơtau Juda.

Jeremi 32:2 Mawu Ofanana

II Ală Bơtau 25:1

Tòm nam dơ̆ sin rài Jedekia, ngai jơt kơnhai jơt, bơtau Nebukatnessar, Babilôn dê, bal mơ jơh mpồl ling khai dê, tus tòmlơh mơ Jerusalem; mơ khai sơntơp sàl di đap ƀòn, mơ bơt dơrñang gơrwàng gùt dar ƀòn.

Nehemi 3:25

Palal kòn klau Ujai bơt wơl di đap mum mơ theng kơp gàr đah hơđang hìu bơtau dê di di tiah ƀlàng jơng hìu tiah kơp gàr.

Đơs Crih 88:8

Yàng neh lơh ală cau mòng git añ pleh ngài di añ, Kơnràñ lơh añ in gơlik gơs dô nơm phan cù kìr bol khai in. Añ kòl krơ̆ ò rgơi lik klàs;

Jeremi 32:3

Bơh Jedekia, bơtau Juda neh jàm khai, đơs lah: “Ñchi bơh tài mê đơs hwơr lah: Yàng Jehôwa đơs be do: ‘Do, Añ rơp phi ƀòn dờng do tòm tê bơtau Babilôn, khai rơp tòmpìt ai;

Jeremi 32:8

Gen jat be jơnau Yàng Jehôwa neh đơs, Hanamel, kòn klau oh bèp añ jê tus hơ añ tòm rơng hìu cau ling kơp gàr mơ đơs lah: ‘Añ dan mê blơi tĕ sre añ jê tòm Anatôt, tòm ù tiah Benjamin dê, bơh mê geh gơnoar tơwài wơl sre hơ̆ mơ lơh gơs sre brê mê dê gen blơi tĕ gơ să tòm mê in.’ Tŭ hơ̆ añ đal git hơ̆ la jơnau Yàng Jehôwa dê.

Jeremi 33:1

Tòm tŭ Jeremi gam kong jàm tòm rơng hìu ling kơp gàr, gen gơs jơnau Yàng Jehôwa đơs mơ khai dơ̆ bàr lah:

Jeremi 34:1

Gơs jơnau bơh Yàng Jehôwa đơs mơ Jeremi, tòm tŭ Nebukatnessar, bơtau Babilôn, bal mơ jơh mpồl ling khai dê, ală lơgar tòm dunnia, mơ ală làng bol ơm hơđơm gơnoar khai dê, gam tòmlơh tòmdră mơ ƀòn dờng Jerusalem mơ ală ƀòn dờng ndai gơrê bal mơ gơ.

Jeremi 36:5

Mơ Jeremi sồr Baruk lah: “Añ gơkòl kơryan, ò geh mut tòm hìu Yàng Jehôwa;

Jeremi 37:15

Ală kwang at bồ gơjrañ Jeremi; gen pù lơh mơ jàm tòm hìu cau gơnoar cih Jônathan; bơh cau ai hìu hơ̆ lơh gơs hìu jàm.

Jeremi 37:21

Gen bơtau Jedekia ai gơnoar sồr gàr Jeremi tòm tiah ƀlàng hìu cau ling kơp gàr, kòp ngai phàt khai in dô nơm piang lă cau neh rwat tòm drà, jơl tus di piang lă tòm ƀòn neh jơh hir. Behơ̆ Jeremi gam ơm tòm ƀlàng hìu cau ling kơp gàr dê.

Jeremi 37:4

Tŭ hơ̆ Jeremi gam lòt rê digùl làng bol, òhềt ơm jàm.

Jeremi 38:13

Bol khai ngui che hwài Jeremi guh hơđang lik bơh trồm jrô; lồc behơ̆, Jeremi ơm tòm ƀlàng hìu ling kơp gàr.

Jeremi 38:6

Gen bol khai kup Jeremi mơ sơrbì tòm trồm jrô Malkija, kòn klau bơtau dê, trồm jrô hơ̆ ơm tòm ƀlàng hìu ling kơp gàr; bol khai ngui che mơ tơndùh Jeremi, trồm jrô hơ̆ ò gơs dà, mìng gơs bŏ lơm; Jeremi kong gơkram tòm bŏ.

Mathiơ 5:12

Hòn chò hừh hơh tĕ, bơh phan ƀàn bol mê dê la dờng hơđang trồ; bơh ală cau gơnoar hwơr lài mơ bol mê kung neh kong cau kup kơryan behơ̆ sơl.”