Jeremi 31:8 - Sră Goh 2018

⁸ Ne, Añ rơp cèng bol khai rê wơl bơh lơgar đah đang, Pơjum wơl bol khai bơh ală tiah lồi plai ù. Tòm mpồl bol khai gơs cau jơngo, cau kwet, Cau ùr bun, cau ùr deh kòn, Dô bă bal dô mpồl dờng mơ rê wơl hơ do.

Jeremi 31:8 Mawu Ofanana

Đơs Crih 107:3

Mơ pơjum tơrgòm wơl bơh ală lơgar, Bơh đah mattơngai lik, đah mattơngai mut, bơh đah đang mơ đah đơm.

Đơs Crih 65:5

Ơ Yàng Tom Trồ la Bơtau Dong Klàs bol hi, Kơnràñ ho wơl bol hi in bơh ală broă lơh pal rngòt nàng dong tă bol hi; Yàng Tom Trồ la bơta dong klàs bol hi dê; Yàng la bơta gơn kơnòm jơh ală cau tòm tiah lồi dut plai ù dê; mơ ală cau ơm tòm tiah ngài rlau jơh dàlềng dê.

Đơs Crih 98:3

Kơnràñ neh kah wơl bơta kòñ gơboh kơ̆ dơn mơ bơta dòn song Kơnràñ dê gơwèt mơ hìu Israel. Làm jơh plai ù neh gŏ bơta pha lin rlau Yàng Tom Trồ bol he dê.

Esai 40:11

Kơnràñ ròng siam mpồl Kơnràñ dê kung be cau ê belàt; Kơnràñ pơjum tơrgòm ală belàt kòn tòm tơwòr tê Kơnràñ dê, mơ kơnđu bol gơ rềp di nùs Kơnràñ dê; Kơnràñ tề lam dô bă lơbơn niam ală belàt me gơs kòn gam pô.

Esai 42:16

Añ rơp tề ală cau jơngo lòt tòm ală gùng bol khai ò git, Añ rơp lam bol khai tòm ală gùng bol khai òhềt mòng git; Añ rơp tòmgơl bơta jơngo gơlik gơs bơta àng di đap bol khai, mơ lơh ală tiah ò ring gơlik gơs ring niam. Hơ̆ la ală bơta Añ rơp lơh; mơ Añ rơp ò sang lòi bol khai.

Esai 43:6

Añ rơp đơs mơ đah đang lah: ‘Tơngklàs tĕ!’ mơ đah đơm: ‘Bañ kup bol khai.’ Cèng tĕ ală kòn klau Añ jê bơh tiah ngài, mơ ală kòn ùr Añ jê bơh ală tiah lồi dut plai ù dê,

Esai 45:22

Ơ jơh ală cau ơm tòm jơh ală tiah lồi dut plai ù dê, rê wơl tĕ mơ Añ rơp geh dong klàs! Bơh Añ la Yàng Tom Trồ, ò gơs yàng lơi ndai tai.

Esai 52:10

Yàng Jehôwa rơp ràng tơlik tơwòr tê sàng goh Kơnràñ dê di đap mat jơh ală lơgar; mơ jơh ală tiah lồi dut plai ù rơp gŏ bơta dong klàs Yàng Tom Trồ bol he dê.

Jeremi 16:15

Mơya: ‘Ngan kung be Yàng Jehôwa gam kis sùm, la Bơtau neh cèng kòn sau Israel lik bơh đah đang, mơ bơh ală lơgar mơ bol khai neh kong bơtrơh.’ Añ rơp lam bol khai rê wơl tòm lơgar mơ Añ neh ai ồng pàng bol khai in.”

Jeremi 23:3

Să tòm Añ rơp tơrgòm wơl ală belàt gam wơl tòm mpồl Añ jê, lik bơh ală lơgar mơ Añ neh bơtrơh bol khai. Añ rơp cèng bol khai rê wơl tòm wàng bol khai dê; bol khai rơp geh tơnggơs bơtơl oă.

Jeremi 23:8

Mơya đơs lah: ‘Ngan kung be Yàng Jehôwa kis sùm, hơ̆ la Bơtau neh cèng mơ tề lam ală kòn sau Israel rê wơl bơh đah đang mơ bơh ală lơgar Añ neh bơtrơh bol khai.’ Gen bol khai rơp ơm tòm lơgar tòm bol khai dê.”

Jeremi 29:14

Yàng Jehôwa đơs: “Añ rơp ai bol mê in jòi bàn Añ, rơp bơtào wơl ală sre brê bol mê dê, mơ rơp tơrgòm bol mê bơh ală lơgar mơ bơh ală tiah Añ neh bơtrơh bol mê, mơ Añ rơp cèng brê bol mê wơl hơ tiah Añ neh tă bol mê.”

Jeremi 3:12

Lòt tĕ mơ yal tơnggit ală jơnau do wèt hơ đah đang lah: ‘Ơ Israel ò dòn song, rê wơl tĕ! Yàng Jehôwa đơs, Añ rơp ò sền di ai mơ muh mat gơjrañ tai, Bơh Añ jak nđàc sơngit; Añ ò prap bơta gơjrañ sùm sùm.’ Yàng Jehôwa đơs behơ̆.

Jeremi 3:18

Tòm ală ngai hơ̆ hìu Juda rơp ơm dô bă bal mơ hìu Israel, mơ bol khai rơp tus dô bă bal bơh ù tiah đah đang rê wơl tòm ù tiah mơ Añ ai ồng pàng bol mê in lơh gơs sre brê.

Ejekiel 20:34

Kung bơh tê gơnoar pràn mơ tơwòr tê pò tơlik bal mơ bơta gơjrañ dờng tuh tơlik mơ Añ rơp cèng bol mê lik klàs bơh di ală làng bol, mơ pơjum tơrgòm wơl bol mê bơh di ală lơgar mơ bol mê neh nrah nring.

Ejekiel 20:41

Añ rơp dòp bol mê kung be kơlhô ƀô bơlhu tòm tŭ Añ cèng bol mê lik bơh di ală làng bol, mơ pơjum tơrgòm bol mê bơh di ală lơgar mơ bol mê neh kong nrah nring; mơ Añ rơp yal tơlik să tòm Añ sàng goh digùl bol mê mơ di đap ală làng bol.

Ejekiel 34:12

Be cau ê lòt jòi mpồl belàt khai dê, tòm tŭ bol khai neh ơm digùl ală belàt nrah nring khai dê, behơ̆ Añ rơp lòt jòi mpồl belàt Añ jê. Añ rơp dong tă bol gơ bơh di jơh ală tiah bol gơ neh lòt nrah nring tòm dô ngai gơs mhwal mơ jơngo cik.

Ejekiel 34:13

Añ rơp cèng bol gơlik bơh di ală làng bol mơ tơrgòm bol gơ bơh ală lơgar, mơ Añ rơp cèng bol gơrê wơl tòm lơgar tòm bol gơ dê. Añ rơp siam bol gơ hơđang ală mơnơm Israel dê, tòm ală croh dà, mơ tòm jơh ală tiah gơs làng bol ơm tòm lơgar.

Ejekiel 34:16

‘Añ rơp jòi belàt neh roh, cèng brê wơl belàt neh tìs nrah. Añ rơp pùt belàt neh kong sồt, mơ lơh pràn wơl belàt lơbơn lơño, mơya belàt lơmă mơ pràn añ rơp tơnroh. Añ rơp ròng siam bol gơ mơ bơta song ring.’

Mice 4:6

Yàng Jehôwa đơs lah: “Tòm ngai hơ̆, Añ rơp pơjum wơl cau kwet gơlte; Añ rơp tơrgòm wơl ală cau neh kong kup cèng hơ tiah ngài, mơ ală cau mơ Añ neh lơh jê sồt moat jrùng.

Sôphôni 3:19

Tòm tŭ hơ̆, Añ rơp lơh gơwèt hơ jơh ală cau neh rồn bơklơn ai; Añ rơp dong klàs cau kwet gơlte mơ pơjum tơrgòm wơl ală cau gơkòl sang lòi, mơ Añ rơp tòmgơl bơta ƀàssìl bol khai dê gơlik gơs bơta jòng ro mơ geh pơnro tòm làm jơh plai ù.

Sacari 2:6

Yàng Jehôwa đơs lah: “Guh tĕ! Guh tĕ! Dô tĕ bơh di lơgar đah đang; bơh Añ neh rsìh bol mê hơ tiah ngài be poan đah càl hơđang trồ.” Yàng Jehôwa đơs behơ̆.

Mathiơ 12:20

Khai rơp ò dơrkă gai proh neh pă pơnie rau, mơ ò tơnchơt ồs mòr chơt dê brài đèng, Jơl tus di tŭ Khai lơh bơta song ngan in geh pha rlau.

Jang 21:15

Tơnơ̆ mơ tŭ neh sa rau, Yàng Jesu đơs mơ Simôn Pier lah: “Ơ Simôn, kòn Jôna, mê kòñ gơboh di Añ rlau mơ ală cau do sơl?” Pier đơs lah: “Ơ Yàng, ơi, Kơnràñ git lah añ gơboh di Kơnràñ.” Kơnràñ đơs lah: “Ròng siam tĕ ală belàt kòn Añ jê.”

I Kôrintô 8:10

Bơh dilah dô nă cau gŏ mê la cau git jak mơ nggui sa tòm bơmồng rùp ràk, gen nùs tồr lơbơn lơño khai dê ò di rơp lơh khai in khin cha mơ sa phan duh khoai rùp ràk ò ơ?

Yal Wơl 30:4

Bulah dilah bol mê neh kong cèng pơrdô tus hơ tiah lồi dut plai ù, bơh tềng hơ̆ Jehôwa Yàng Tom Trồ bol mê dê rơp pơjum tơrgòm, mơ cèng bol mê rê wơl bơh tềng hơ̆.

I Tesalônika 5:14

Bol hi jơh nùs dan oh mi lah, bơto tơngkah tĕ ală cau ală alai, chồl bơtrut ală cau ò khin cha, dong kòl ală cau lơbơn lơño, kong ơt gơwèt mơ tơl nă cau.

Hebrơ 12:12

Behơ̆ pò tĕ ală tê lơbơn lơño oh mi dê mơ lơh pràn kơldang tĕ ală gơltang mprơm oh mi dê.

Hebrơ 4:15

Bơh bol he ò gơs cau gơnoar dờng lam bồ ơn phan duh khoai ò rgơi git làm bơta lơbơn lơño bol he dê, mơya bol he gơs dô nă cau gơnoar dờng lam bồ ơn phan duh khoai neh kong ơniai tòm jơh ală bơta, kung be bol he mơya ò tìs glài.