Jeremi 31:7 - Sră Goh 2018

⁷ Yàng Jehôwa đơs be do: “Đơs chò dờng tĕ chò hòp bơh Jakôp; Driau chò tĕ bơh cau lam bồ ală lơgar. Yal tơlik tĕ bơta jòng ro mơ đơs lah: ‘Khoai Yàng Jehôwa, dan dong klàs làng bol Kơnràñ, La làng bol gam wơl Israel dê.’

Jeremi 31:7 Mawu Ofanana

Đơs Crih 106:47

Ơ Jehôwa Yàng Tom Trồ bol he dê, dan dong klàs bol hi, Pơjum tơrgòm bol hi bơh digùl ală làng bol, Tồ bol hi in ưnngài sơnđan sàng goh Kơnràñ dê, Mơ hòn chò tòm bơta jòng ro Kơnràñ.

Đơs Crih 126:2

Gen bơr bol hi dê ñŏ chò hòp, Lơmpiat bol hi dê driau hòn chò. Gơs jơnau đơs digùl ală làng bol lah: “Yàng Jehôwa neh lơh ală broă dờng bol khai in.”

Đơs Crih 14:7

Ôih! Kơp kòñ bơta dong klàs cau Israel dê rơp tus bơh Siôn! Tòm tŭ Yàng Jehôwa lam làng bol Kơnràñ dê bơh tiah kong kup cèng, Gen Jakôp rơp hòn chò mơ Israel chò hòp.

Đơs Crih 28:9

Ơ Yàng, dan dong klàs làng bol Kơnràñ dê; mơ ai lơngai sre brê Kơnràñ dê. Dan ê gàr mơ kơnđơt kơnđu bol khai jơl sùm sùm.

Đơs Crih 67:1

Dan Yàng Tom Trồ kòñ nđàc mơ ai lơngai bol hi in, Sol pơnđàng bơta àng muh mat Yàng dê hơđang bol hi, (Selah)

Đơs Crih 69:35

Bơh Yàng Tom Trồ rơp dong klàs Siôn mơ bơt wơl ală ƀòn dờng Juda dê; Ală cau duh broă Kơnràñ dê rơp ơm tềng hơ̆ mơ dòp geh gơlơh gơs sre brê.

Esai 1:9

Dilah Yàng Jehôwa Gơnap Gơnoar Dờng Làm Jơh ò lòi wơl bol he in dô êt nă cau gam kis, gen bol he rơp gơlik gơs be Sôdôm, mơ tòm toh be Gômôrơ.

Esai 11:11

Tòm ngai hơ̆, Yàng Jehôwa rơp pò tê Kơnràñ dê dô dơ̆ tai nàng dòp wơl mpồl làng bol gam wơl Kơnràñ dê, bơh di Asiri, bơh Ejiptơ, bơh Patros, bơh Ethiôpi, bơh Elam, bơh Sinar, bơh Hamat, mơ bơh di ală bồt pơlào tòm dàlềng.

Esai 37:31

Dô dơ̆ tai dô pơnah gam wơl bơh hìu Juda dê, rơp sro ryas hơđơm mơ gơlik plai hơđang.

Esai 37:4

Digơlan Jehôwa Yàng Tom Trồ ồng dê neh kơno ală jơnau đơs Rapsake dê mơ cau tòm khai la bơtau Asiri neh sồr tus nàng bơrsèl tơnhial di Yàng Tom Trồ gam kis sùm sùm; Kơnràñ rơp lơh glài khai jat be ală jơnau Jehôwa Yàng Tom Trồ ồng dê neh kơno. Behơ̆ gen hòi dan tĕ ală cau gam ơm wơl mơ gam kis in!’”

Esai 44:23

Ơ ală tap trồ, đơs chò hòn chò tĕ, bơh Yàng Jehôwa neh lơh bơta hơ̆; Ơ ù tiah hơđơm, driau dờng tĕ! Ơ ală mơnơm, ală brê dơr bal mơ jơh ală chi che tòm hơ̆, pò tĕ jơnau mơ đơs chò! Bơh Yàng Jehôwa neh dong tơwài Jakôp. Kơnràñ ràng tơlik bơta gơklŏ Kơnràñ dê tòm Israel.

Esai 52:8

Iat tĕ! Ală cau ling kơp gàr mê dê ai jơnau đơs chò, bol khai đơs chò hòn chò bal. Bơh bol khai rơp gŏ mơ mat tòm bol khai dê, tòm tŭ Yàng Jehôwa rê wơl hơ Siôn.

Esai 61:9

Jơi bơtiàn bol khai dê rơp geh tiơng pơnro digùl ală lơgar, mơ kòn sau bol khai dê rơp geh cau git digùl ală làng bol. Jơh ală cau lơi gŏ bol khai gen rơp đal git bol khai la dô jơi bơtiàn neh geh Yàng Tom Trồ ai lơngai.

Jeremi 20:13

Đơs chò tĕ Yàng Jehôwa in, Jòng ro tĕ Yàng Jehôwa! Bơh Kơnràñ neh dong tă hwềng soàn cau rƀah siơ̆u siar Lik bơh tê ală cau iơh.

Jeremi 23:3

Să tòm Añ rơp tơrgòm wơl ală belàt gam wơl tòm mpồl Añ jê, lik bơh ală lơgar mơ Añ neh bơtrơh bol khai. Añ rơp cèng bol khai rê wơl tòm wàng bol khai dê; bol khai rơp geh tơnggơs bơtơl oă.

Jeremi 3:23

Ngan, gơn bơta dong kòl di ală dòr la ò kwơ, Jơnau nggồr nggàc hơđang ală mơnơm la blac pơrlồm; Ngan tòm Jehôwa Yàng Tom Trồ bol hi dê, La bơta dong klàs Israel dê.

Jeremi 31:12

Bol khai rơp tus mơ driau chò hơđang ală tiah jơnhoa Siôn dê; bol khai rơp àng gơcrà tòm bơta lơngai niam Yàng Jehôwa dê, Bơh kòi mbo, tơrnòm pa, mơ mơñà, Ală belàt kòn mơ kơnrồ kòn; Bơta kis bol khai dê rơp be dô nơm suơn tuh dà sùm, Mơ bol khai rơp ò gam lơbơn òsô tai.

Ñìm Rac 1:1

Mbe ƀòn dờng ơm nggui is dô nă, hơ̆ la ƀòn bơh lài òr neh gơs bềng cau! Mbe khai gơlơh be dô nă cau ùr bơnrau, Yau òr khai la dờng digùl ală làng bol! Yau òr khai la kwang at bồ digùl ală kơnhwàl lơgar, tŭ do khai gơlik gơs dô nă cau duh broă cau ndai in!

Ejekiel 6:8

Mơya Añ rơp lòi wơl dô êt nă, bơh dô êt nă tòm bol mê geh klàs bơh đào tòm tŭ bol mê ơm nrah nring tòm ală lơgar mơ ală làng bol.

Sră Ôse 1:7

Mơya Añ rơp nđàc sơngit di làng bol Juda, mơ Añ rơp dong klàs bol khai, Añ ò kơnòm di àtak, đào hala bơta tòmlơh, ò di kơnòm di ơseh hala cau ling hào ơseh, mơya kơnòm di Jehôwa Yàng Tom Trồ bol khai dê.”

Jôel 2:32

Gen cau lơi hòi dan di sơnđan Yàng Jehôwa rơp geh dong klàs; bơh hơđang mơnơm Siôn mơ tòm Jerusalem rơp gơs ală cau geh dong tă, jat be jơnau Yàng Jehôwa neh đơs: mơ digùl ală cau gam wơl, bol khai la ală cau rơp geh Yàng Jehôwa hòi.

Amôs 5:15

Gơjrañ kơuềng tĕ di bơta iơh mơ kòñ gơboh tĕ di bơta niam; mơ bơt bơtào tĕ bơta song ring di mpồng ƀòn dờng. Digơlan Jehôwa Yàng Tom Trồ Gơnap Gơnoar Dờng Làm Jơh rơp ai bơta nđàc gơwèt hơ ală cau gam wơl Jôsep dê.

Mice 2:12

“Ơ Jakôp! Ngan Añ rơp pơjum wơl jơh ală bol mê; Añ rơp tơrgòm ală cau gam wơl Israel dê, Añ rơp ơn bol khai dô bă bal be belàt tòm dô mpồl, be dô mpồl tòm ƀlàng ñhơt gơ dê; rơp gơlik gơs jơnau lơh nggồr mpong bơh làng bol oă.

Mice 7:18

Ñcau la Yàng Tom Trồ tòm toh be Kơnràñ, ò kòp tồi glài mơ toh bơta tìs nrah làng bol gam wơl la sre brê Kơnràñ. Kơnràñ ò prap bơta gơjrañ sùm sùm, tài bơh Kơnràñ niam nùs yal tơlik bơta kòñ nđàc.

Sôphôni 2:9

Behơ̆ tàng, Yàng Jehôwa Gơnap Gơnoar Dờng Làm Jơh, la Yàng Tom Trồ Israel dê đơs lah: “Di ngan kung be Añ kis, Môap rơp gơlik be Sôdôm, mơ cau Ammôn rơp gơlik be Gômôrơ, gơ rơp gơlik gơs dô bă tiah gơs lò hòn mơ ală trồm boh, dô bă tiah sang lòi srau gòi gam sùm sùm. Ală cau gam wơl tòm làng bol Añ jê rơp phà tòmpìt bol khai, ală cau gam kis tòm lơgar Añ jê rơp tòmpìt ù tiah gơlơh gơs sre brê.”

Rôma 11:5

Ngai do kung behơ̆ sơl, gơs dô pơnah gam wơl jat bơta sac rwah bơh bơta nđàc.

Rôma 9:27

Ai Esai đơs bơh làng bol Israel mơ hòi driau lah: “Bulah ntum khà kòn sau Israel be bràs tòm dàlềng, mơya mìng dô pơnah gam wơl rơp geh dong klàs;

Yal Wơl 28:13

Yàng Jehôwa rơp lơh bol mê in gơlik gơs bồ, ò di tiang. Dilah bol mê kơrhia lơh jat ală jơnau sồr Jehôwa Yàng Tom Trồ bol mê dê mơ añ ai bol mê in tòm ngai do mơ kơrhia lòt jat gơ gen bol mê rơp ơm di bồ hơđang, ò gơs tŭ lơi ơm di tiang hơđơm,

Yal Wơl 32:43

Hòn chò tĕ, ơ ală lơgar bal mơ làng bol Kơnràñ dê bơh Kơnràñ rơp sal wơl bơh mhàm ală cau duh broă Kơnràñ dê; Kơnràñ rơp sal wơl di ală cau sò tơm Kơnràñ mơ lơh gơs bơta tơwài glài lơgar làng bol Kơnràñ in.