Jeremi 31:6 - Sră Goh 2018

⁶ Rơp gơs dô ngai, tòm tŭ ală cau kơp gàr rơp hòi Hơđang ƀòn dờng kơh mơnơm Epraim lah: ‘Tus tĕ, bol he lòt tĕ hơđang mơnơm Siôn, Tus hơ Jehôwa Yàng Tom Trồ bol he dê!’”

Jeremi 31:6 Mawu Ofanana

II Yal Yau 13:4

Gen Abija ntào hơđang bồ mơnơm Jeramaim hơ̆ la tòm tiah lơgar kơh mơnơm Epraim dê, mơ đơs lah: “Ơ Jerôbôam mơ jơh Israel, dan iat añ!

Ejra 1:5

Gen ală cau at bồ hìu nhă tòm Juda mơ tòm Benjamin, ală cau gơnoar ơn phan duh khoai mơ ală cau Lebi, jơh tơl nă geh Yàng Tom Trồ chồl nùs rcang sir nàng lòt tus bơt bơtào hìu Yàng Jehôwa dê tòm Jerusalem.

Đơs Crih 84:5

Lơngai cau lơi in geh pràn kơldang tòm Yàng, Mơ nùs bol khai wèt hơ gùng lam tus hơ Siôn.

Esai 27:13

Tòm ngai hơ̆, dô nơm kơlwòk dờng rơp geh uh. Ală cau neh roh rui tòm Asiri, mơ ală cau neh kòl cèng pơrdô tòm Ejiptơ rơp tus duh khoai Yàng Jehôwa hơđang mơnơm sàng goh tòm Jerusalem.

Esai 40:9

Mê guh tĕ hơđang mơnơm jơnhoa. Ơ Siôn, Mê la cau cèng jơnau niam, ai tĕ jơh pràn tơngguh sap đơs mê dê! Ơ Jerusalem yal tĕ jơnau niam, driau dờng tĕ, bañ rngòt! Đơs tĕ mơ ală ƀòn dờng Juda dê lah: “Do la Yàng Tom Trồ bol mê dê!”

Esai 62:6

Ơ Jerusalem, Añ neh ơn ală cau ling kơp gàr hơđang ală dơrñang ai dê, mang mơ ngai bol khai rơp ò tŭ lơi ơm mŏ mŏ. Ai la cau tơngkah Yàng Jehôwa, bañ ơm rlô.

Jeremi 3:14

Yàng Jehôwa đơs: “Ơ kòn sau pơrlơ̆ dră, rê wơl tĕ! Bơh Añ la cau tòm bol mê dê. Añ rơp sac dô nă tòm kòp nơm ƀòn dờng, mơ bàr nă bơh kòp hìu nhă, Mơ Añ rơp cèng mê tus hơ Siôn.

Jeremi 31:12

Bol khai rơp tus mơ driau chò hơđang ală tiah jơnhoa Siôn dê; bol khai rơp àng gơcrà tòm bơta lơngai niam Yàng Jehôwa dê, Bơh kòi mbo, tơrnòm pa, mơ mơñà, Ală belàt kòn mơ kơnrồ kòn; Bơta kis bol khai dê rơp be dô nơm suơn tuh dà sùm, Mơ bol khai rơp ò gam lơbơn òsô tai.

Jeremi 50:19

Añ rơp cèng Israel rê wơl tòm ƀlàng ñhơt khai dê. Khai rơp sa ñhơt hơđang Karmel mơ Basan, nùs khai rơp geh hòm lai hơđang ală dòr Epraim mơ Galaat.”

Jeremi 6:17

Añ kung neh bơtào ală cau kơp gàr bol mê in; ‘Ai tĕ tồr iat ntas kơlwòk!’ Mơya bol khai đơs lah: ‘Bol hi rơp ò ai tồr iat!’

Ejekiel 3:17

“Ơ kòn mơnus, Añ neh lơh mê in gơlik gơs dô nă cau kơp gàr hìu Israel; behơ̆ iat tĕ jơnau Añ đơs mơ ai jơnau hơ̆ bơto pơhìn Añ jê bol khai in.

Ejekiel 33:2

“Ơ kòn mơnus, tòmbơhbơr tĕ mơ làng bol mê dê mơ đơs mơ bol khai lah: ‘Dilah Añ cèng đào tus hơđang dô nơm lơgar, mơ làng bol lơgar hơ̆ sac rwah dô nă cau tòm bol khai nàng lơh gơs cau drơng mang kơp gàr,

Sră Ôse 1:11

Làng bol Juda mơ làng bol Israel rơp geh tơrgòm dô bă bal, bol khai rơp pồ bơtào mìng dô nă cau kwang at bồ; bol khai rơp dòp sre brê bơh ù tiah do, bơh ngai Jejreel dê rơp la ngai dờng.”

Sră Ôse 9:8

Cau gơnoar hwơr la cau kơp gàr Yàng Tom Trồ añ jê hơđang Epraim, mơya neh gơlik gơs cau pơt dă tòm jơh ală gùng dà khai dê, mơ la bơta sòdră tòm hìu Yàng Tom Trồ khai dê.