Jeremi 31:5 - Sră Goh 2018

⁵ Bol ai rơp tam suơn ño wơl; Hơđang ală mơnơm Samari dê, Ală cau tam chi rơp tam Mơ rơp hòn chò pic plai.

Jeremi 31:5 Mawu Ofanana

Đơs Crih 107:37

Bol khai sih gar tòm sre mơ tam chi ño, Sre mơ suơn ño tơnggơs plai đo.

Jeremi 32:15

Bơh Yàng Jehôwa Gơnap Gơnoar Dờng Làm Jơh la Yàng Tom Trồ Israel dê, đơs be do: ‘Cau rơp gam blơi hìu, sre, mơ suơn ño tòm lơgar do tai sơl.’

Ejekiel 28:26

Bol khai rơp ơm ring lơngai tòm hơ̆, rơp bơt hìu mơ tam suơn ño; bol khai rơp ơm tòm bơta ring lơngai, tòm tŭ Añ lơh gơlik gơs bơta cahrña hơđang ală làng bol ơm rềp di bol khai, la ală làng bol neh sền òsơp di bol khai. Gen bol khai rơp git lah Añ la Jehôwa Yàng Tom Trồ bol khai dê.”

Ejekiel 36:8

Mơya bol mê, ơ ală mơnơm Israel dê, bol mê rơp cat ală ntê mơ gơlik plai làng bol Israel Añ in; bơh gam dô êt tai gen bol khai rơp rê hìu.

Amôs 9:14

Añ rơp cèng brê wơl làng bol Israel Añ jê neh kong kup cèng gơs dĭ; bol khai rơp bơt bơtào wơl ală ƀòn dờng neh kong tơnroh mơ ơm tòm ală ƀòn dờng hơ̆. Bol khai rơp tam ală suơn ño mơ ñô tơrnòm gơ dê; bol khai rơp lơh suơn mơ sa plai gơ dê.

Apdia 1:19

Làng bol bơh Negep rơp dòp geh ală mơnơm Esau dê, ală cau Sepelah ơm tòm ù tiah cau Philistin dê. Bol khai rơp dòp geh ală ù tiah Epraim mơ Samari dê, ală cau Benjamin rơp dòp geh Galaat.

Mice 1:6

Behơ̆ tàng Añ rơp lơh Samari in gơlik gơs dô gơnru tơrlah tơrlơm tòm ƀlàng sre, dô bă tiah nàng tam ală suơn ño. Añ rơp tơndùh ală pơnai lŭ khai dê tòm thòng, mơ lòi ală mơnàng gơ dê ơm kuh.

Mice 4:4

Mơya bol khai rơp nggui hơđơm tòm ño bol khai dê mơ hơđơm chi ƀal bol khai dê, mơ ò gơs cau lơi lơh bol khai in rngòt rngơt, bơh Yàng Jehôwa Gơnap Gơnoar Dờng Làm Jơh neh đơs bơta hơ̆ bơh bơr Kơnràñ dê.

Sacari 3:10

Yàng Jehôwa Gơnap Gơnoar Dờng Làm Jơh đơs lah: “Tòm ngai hơ̆, bol mê kòp nă rơp jà cau gơp ƀòn he tus nggui hơđơm tòm ño mơ tòm chi ƀal he dê.”

Yal Wơl 20:6

Gơs cau lơi pa tam dô nơm suơn ño mơ òhềt sa plai gơ sơl? Lòi tĕ khai rê hìu, rngòt khai chơt tòm tiah tòmlơh mơ gơs cau lơi ndai rơp sa gơ.

Yal Wơl 28:30

Bol mê rơp ho bau mơ dô nă cau ùr, mơya dô nă cau ndai rơp bau mơ bic mơ khai. Bol mê rơp bơt dô nơm hìu mơya bol mê rơp ò ơm tòm hìu hơ̆. Bol mê rơp tam dô nơm suơn ño mơya bol mê kung rơp ò geh sơntòm chò hòp bơh plai gơ dê.

I Samuel 21:5

Dabit ho lah: “Ngan la ală cau ùr neh ơm ngài mơ bol hi bơh di tŭ añ lik lòt. Să jan ală cau klau la sàng goh bulah geh sồr lơh broă òs gơ dê. Gen tàng tòm ngai do bol khai sơlo gơs sàng goh rlau tai!”