Jeremi 31:4 - Sră Goh 2018

⁴ Ơ kòn ơruh Israel dê! Añ rơp bơtào wơl bol ai, gen bol ai rơp geh bơtào, Bol ai rơp at wơl sơnggơr dềt ai dê, Lòt bal mơ ală cau tòmya chò hòp.

Jeremi 31:4 Mawu Ofanana

II Ală Bơtau 19:21

Do la jơnau Yàng Jehôwa neh đơs bơh khai: ‘Cau ơruh dềt Siôn sền òsơp, dơñŏ tơnhial mê; kòn ùr Jerusalem neh rtơs bồ di mê.

Đơs Crih 149:3

Lòi bol khai tòmya mơ jòng ro sơnđan Kơnràñ dê, Ngui sơnggơr dềt mơ kơñi pĕ nàng jòng ro Kơnràñ!

Đơs Crih 30:11

Kơnràñ neh tòmgơl bơta moat jrùng añ jê gơlik gơs chò hòp; Kơnràñ neh hồ ào bài sơnò kiat añ jê, mơ tơnsoh añ mơ bơta hòn chò,

Đơs Crih 51:18

Dan Yàng lơh niam Siôn in jat be nùs kòñ niam Kơnràñ dê; Dan bơt bơtào wơl ală dơrñang Jerusalem dê.

Đơs Crih 69:35

Bơh Yàng Tom Trồ rơp dong klàs Siôn mơ bơt wơl ală ƀòn dờng Juda dê; Ală cau duh broă Kơnràñ dê rơp ơm tềng hơ̆ mơ dòp geh gơlơh gơs sre brê.

Esai 14:1

Mơya Yàng Jehôwa rơp nđàc sơngit di Jakôp; dô dơ̆ tai Kơnràñ rơp sac rwah Israel, mơ rơp ơn bol khai tòm lơgar tòm bol khai dê. Cau lơgar bơdìh rơp tus tòmklac mơ bol khai, mơ lơh gơs dô bă bal mơ hìu Jakôp dê.

Esai 30:32

Kòp dơ̆ Yàng Jehôwa lơh bol khai mơ gai lơh glài, mơ Yàng Jehôwa neh lơh nền hơđang gơ, gen kung be ntas sơnggơr dềt mơ kơñi pĕ mơ Kơnràñ pò tê tòmlơh mơ gơ.

Esai 37:22

gen do la jơnau Yàng Jehôwa neh đơs tòmdră mơ khai: ‘Cau ơruh dềt Siôn dê sền òsơp mơ dơñŏ tơnhial di mê. Kòn ùr Jerusalem rơnggô bồ bơh ngkòi mê.

Jeremi 1:10

Sền tĕ, ngai do Añ neh bơtào mê hơđang ală làng bol, ală lơgar, Nàng mê dus mơ phà, tơnroh mơ lơh tơrlah, bơt bơtào mơ tam.”

Jeremi 14:17

Mê yal tĕ bol khai in jơnau do: “Lòi mat añ gơhòr dà mat mang mơ ngai ò dơh; Bơh kòn ơruh làng bol añ jê kong pù lơh lề lac, Sồt rmàñ kơnjơ̆ ngan.

Jeremi 18:13

Behơ̆ gen, Yàng Jehôwa đơs be do: “Lùp tĕ tòm ală lơgar Gơs cau lơi neh kơno bơta behơ̆ sơl? Cau ơruh dềt Israel neh lơh broă cù kìr rlau jơh.

Jeremi 24:6

Añ rơp ơn mat Añ hơđang bol khai sùm, mơ Añ rơp cèng bol khai rê wơl tòm lơgar do, bơtào gơs mơ ò phà tai, tam wơl mơ ò dus sang tai.

Jeremi 31:13

Gen ală cau ơruh dềt rơp hòn chò tòmya, Ală klau pơnu mơ ală ồng kra kung rơp chò hòp bal Añ rơp tòmgơl bơta ñìm rac bol khai dê gơlik gơs bơta hòn chò, Añ rơp pơndòm pơniang bol khai ai hòn chò ala moat jrùng.

Jeremi 31:21

“Bơtào tĕ ală tềl sơnio gùng, Lơh tĕ bol mê in ală jrong sơnio gùng. Đal git nền ală gùng me, La gùng bol mê neh lòt. Ơ cau ơruh dềt Israel, rê wơl tĕ Rê wơl hơ ală ƀòn dờng bol ai dê!

Jeremi 31:38

Yàng Jehôwa đơs: “Ală ngai rơp tus, tŭ ƀòn dờng rơp geh bơt bơtào wơl Yàng Jehôwa in, bơh Theng Hananel tus di Mpồng Mum.

Jeremi 33:7

Añ rơp cèng ală cau kong kup cèng gơs dĭ Juda mơ Israel rê wơl; bơt bơtào wơl bol khai kung be lài òr.

Jeremi 46:11

Ơ ală ơruh òhềt bau, kòn ùr Ejiptơ dê! Guh tĕ hơ Galaat, mơ ai kơlhô; Bol ai ngui oă sơnơm kung ò kwơ, Ò geh sơmbòi bol ai in ò!

Ñìm Rac 1:15

Yàng Jehôwa neh sang lòi ală cau ling jak tòmlơh bơh digùl añ. Kơnràñ neh yal tŭ tơngai tòmdră mơ añ, jă trơm ală cau pơnu añ. Yàng Jehôwa jă trơm ală cau ơruh dềt Juda dê, kung be cau pat tơrnòm ño.

Ñìm Rac 2:13

Ñchi Añ rgơi đơs mơ ai taih? Ai bơta lơi nàng pơndròm mơ ai taih? Ơ kòn ùr Jerusalem? Añ ai ñchi nàng pơndròm mơ ai, nàng Añ pơndòm pơniang ai? Ơ kòn ơruh dềt Siôn dê? Bơta roh rui ai kung be dàlềng, Ñcau rgơi sơm ai in taih?

Amôs 5:2

“Kòn ơruh Israel dê neh gơpừ, ò gơs tŭ lơi guh tai, gơkòl sang lòi tòm lơgar tòm khai dê, rơp ò gơs cau lơi yò khai guh.”

Amôs 9:11

“Tòm ngai hơ̆, Añ rơp bơtào wơl sàl Dabit neh gơtơrlơm, Añ rơp rcang wơl ală tiah neh tơrlah gơ dê, bơt wơl bơta tơnroh lề lac gơ dê, mơ bơtào wơl kung be gơ neh gơs lài òr;

Luka 15:23

Kup tĕ kơnrồ kòn lơmă nàng lơh poac. Bol he sa chò hòp lă!

Broă 15:16

Yàng đơs lah: ‘Tơnơ̆ mơ ală broă hơ̆ Añ rơp rê wơl, mơ bơtào wơl lơgar bơtau Dabit dê. Añ rơp lơh wơl ală tiah neh tơrlơm lề, mơ bơtào gơs wơl.

Ală Kwang Cahrña 11:34

Tòm tŭ Jepthe rê tus di hìu khai dê tòm Mispa; kòn ùr khai dê lik lòt wă rò khai, tòmya mơ sơnggơr dềt. Khai la kòn dô nă Jepthe dê, rlau mơ khai Jepthe ò gơs kòn klau hala kòn ùr lơi ndai tai ò.