Jeremi 31:21 - Sră Goh 2018

²¹ “Bơtào tĕ ală tềl sơnio gùng, Lơh tĕ bol mê in ală jrong sơnio gùng. Đal git nền ală gùng me, La gùng bol mê neh lòt. Ơ cau ơruh dềt Israel, rê wơl tĕ Rê wơl hơ ală ƀòn dờng bol ai dê!

Jeremi 31:21 Mawu Ofanana

I Yal Yau 29:3

Rlau mơ hơ̆, bơtơl mơ jơh ală bơta añ neh rcang hìu sàng goh in, añ neh prap lòi màh mơ priă tòm añ jê, mơ tài bơh phan añ ơn hìu Yàng Tom Trồ añ jê, añ ơn gơ hìu Yàng Tom Trồ añ in:

II Yal Yau 11:16

Ală cau hơ̆ neh ơn nùs bol khai dê jòi jat Yàng Jehôwa la Yàng Tom Trồ Israel dê, neh lòt jat ală cau Lebi neh tus bơh ală jơi bơtiàn Israel lòt tus hơ Jerusalem nàng ơn ală phan ơn duh khoai Yàng Jehôwa in la Yàng Tom Trồ ală ồng pàng bol khai dê.

II Yal Yau 20:3

Jehôsaphat rngòt rngơt, să tòm khai jòi jat Yàng Jehôwa, mơ khai yal tơnggit bơta ơt sa tòm làm jơh Juda.

Đơs Crih 62:10

Bañ kơnòm di bơta rồn bơklơn, Kung bañ ơn nùs kơnòm di bơta ntung kơñau; Dilah geh bơtơl oă phan mơna, bañ ơn nùs kơnòm tềng gơ.

Đơs Crih 84:5

Lơngai cau lơi in geh pràn kơldang tòm Yàng, Mơ nùs bol khai wèt hơ gùng lam tus hơ Siôn.

Jơnau Pơnđik 24:32

Añ đal sền, gen ơn nùs di bơta hơ̆; Añ gŏ mơ dòp geh bơta bơto sồr.

Esai 48:20

Lik tĕ bơh di Babilôn! Dô tĕ bơh di cau Kalđe! Ai tĕ jơnau driau chò mơ yal jơnau do, mơ yal tơnggit tĕ tus di ală tiah lồi dut plai ù; Đơs tĕ lah: “Yàng Jehôwa neh tơwài Jakôp, la cau duh broă Kơnràñ dê.”

Esai 57:14

Mơ rơp gơs jơnau đơs lah: “Bơt tĕ, bơt tĕ, wàs tĕ gùng lòt! Tă sang tĕ ală phan kơryan gùng lòt làng bol Añ jê.”

Esai 62:10

Lòt gan tĕ, lòt gan tĕ ală mpồng ƀòn! Rcang tĕ gùng lòt làng bol in. Bơt tĕ, bơt tĕ gùng me! Wàs goh tĕ ală pơnai lŭ. Bơtào tĕ dô nơm bồng bi ală làng bol in.

Jeremi 3:12

Lòt tĕ mơ yal tơnggit ală jơnau do wèt hơ đah đang lah: ‘Ơ Israel ò dòn song, rê wơl tĕ! Yàng Jehôwa đơs, Añ rơp ò sền di ai mơ muh mat gơjrañ tai, Bơh Añ jak nđàc sơngit; Añ ò prap bơta gơjrañ sùm sùm.’ Yàng Jehôwa đơs behơ̆.

Jeremi 3:14

Yàng Jehôwa đơs: “Ơ kòn sau pơrlơ̆ dră, rê wơl tĕ! Bơh Añ la cau tòm bol mê dê. Añ rơp sac dô nă tòm kòp nơm ƀòn dờng, mơ bàr nă bơh kòp hìu nhă, Mơ Añ rơp cèng mê tus hơ Siôn.

Jeremi 31:4

Ơ kòn ơruh Israel dê! Añ rơp bơtào wơl bol ai, gen bol ai rơp geh bơtào, Bol ai rơp at wơl sơnggơr dềt ai dê, Lòt bal mơ ală cau tòmya chò hòp.

Jeremi 46:11

Ơ ală ơruh òhềt bau, kòn ùr Ejiptơ dê! Guh tĕ hơ Galaat, mơ ai kơlhô; Bol ai ngui oă sơnơm kung ò kwơ, Ò geh sơmbòi bol ai in ò!

Jeremi 50:5

Bol khai wèt mat hơ Siôn, lùp còp bơh gơ, bol khai lòt tus ring lơngai mơ Yàng Jehôwa bơh dô bơta ho bal sùm sùm rơp ò tŭ lơi hŭi.

Jeremi 51:50

Bol mê la cau neh pleh klàs bơh đào, Lòt tĕ, bañ dơh wơl! Bơh tiah ngài, pal kah tĕ Yàng Jehôwa, Mơ kơlôi sơnơng tĕ bơh Jerusalem!

Jeremi 51:6

Dô tĕ bơh digùl Babilôn, Kòp nă dong klàs tĕ bơta kis he dê! Bañ tài bơh tồi glài gơ mơ kong chơt roh. Bơh do la tŭ tơngai sal tê Yàng Jehôwa dê, Kơnràñ tơm wơl gơ in di pal.

Jeremi 6:16

Yàng Jehôwa đơs be do: “Ntào tĕ hơđang ală sơnah gùng, mơ sền; mơ lùp bơh ală gùng rài yau, Ntềng đah gùng niam ơm gen lòt tĕ tòm hơ̆, mơ jòi bàn bơta rlô bòl hwềng soàn bol mê in. Mơya bol khai đơs lah: ‘Bol hi rơp ò lòt tòm gùng hơ̆.’

Ejekiel 40:4

Khai đơs mơ añ lah: “Ơ kòn mơnus, ai tĕ mat sền nền, ai tĕ tồr iat nền, mơ ơn tĕ nùs kơlôi bơh kòp bơta mơ añ rơp sơnio mê in, bơh hơ̆ la tơnggume mơ mê geh cèng tus tềng do; yal wơl tĕ hìu Israel in jơh ală bơta mê gŏ.”

Sră Age 1:5

Gen tàng tŭ do, Yàng Jehôwa Gơnap Gơnoar Dờng Làm Jơh đơs be do: ‘Ơn tĕ nùs kơlôi sơwì bơh ală gùng dà bol mê dê.

Sacari 10:9

Bulah Añ neh rsìh bol khai digùl ală làng bol, mơya tòm ală lơgar ngài bol khai rơp kah wơl Añ. Bol khai cèng bal kòn sau bol khai dê mơ rê wơl.

Yal Wơl 32:46

khai đơs mơ bol khai lah: “Prap gàr tĕ tòm nùs bol mê dê jơh ală jơnau mơ añ neh yal tơlik bol mê in tòm ngai do dô bă kràñ cê ngan, tồ bol mê rgơi sồr kòn sau bol mê dê kơrhia dòn bơr jơh ală jơnau tòm bơta boh lam do.