Jeremi 31:2 - Sră Goh 2018

² Yàng Jehôwa đơs be do: “Làng bol lik klàs bơh pềs tà Neh jòi bàn bơta nđàc tòm ƀlàng ngềt ngơt; tòm tŭ Israel jòi bàn tiah rlô.”

Jeremi 31:2 Mawu Ofanana

Đơs Crih 78:52

Chòp Kơnràñ cèng làng bol Kơnràñ dê lik be belàt, Tề lam bol khai tòm ƀlàng ngềt ngơt be dô mpồl belàt.

Đơs Crih 95:11

Gen tàng tòm bơta gơhào gơjrañ Añ jê, Añ srat să lah: “Bol khai rơp ò geh mut tòm bơta rlô Añ jê.”

Lik Ejiptơ 1:16

“Tòm tŭ bol ai lòt đơng deh cau ùr Hebrơ in, dilah gŏ deh kòn klau gen tơnchơt tĕ kòn hơ̆; mơya dilah la kòn ùr gen lòi kòn hơ̆ kis.”

Lik Ejiptơ 1:22

Lồc behơ̆, Pharaôn ai jơnau sồr jơh làng bol khai in lah: “Kòp nă kòn klau cau Hebrơ pa deh, bol mê pal sơrbì tĕ tòm hiòng Nil; mơya lòi kis jơh ală kòn ùr.”

Lik Ejiptơ 12:37

Làng bol Israel lòt bơh Ramse tus Sukôt. Gơs pơgap prau rhiang rbô nă cau klau lòt jơng, ò kòp cau ùr mơ cau kơnòm.

Lik Ejiptơ 2:23

Tòm pah ngai jŏ jòng hơ̆, bơtau Ejiptơ loă rài. Làng bol Israel pơt wòl hơđơm yô dĭ gơna bol khai dê mơ rac ròc dan bơta dong kòl. Jơnau rac ròc hòi dan tài bơh bơta ơm dĭ bol khai dê guh tus hơ Yàng Tom Trồ.

Lik Ejiptơ 33:14

Yàng Jehôwa đơs lah: “Bơta Gơs Mat Añ jê lòt bal mơ mê, mơ Añ rơp ai mê in rlô.”

Lik Ejiptơ 5:21

gen bol khai đơs lah: “Dan Yàng Jehôwa sền sơwì ală ồng mơ cahrña ală ồng! Ală ồng neh lơh bol hi in gơlik gơs kung be bơta ƀô ồm di đap mat Pharaôn mơ ală cau duh broă khai dê, mơ ơn đào tòm tê bol khai nàng tơnchơt bol hi.”

Jeremi 2:2

Lòt tĕ, mơ đơs di tồr làng bol Jerusalem in kơno lah: “Yàng Jehôwa đơs be do: ‘Añ gam kah nùs duh hul mê dê bơh tŭ gam kơnòm să, Nùs kòñ gơboh mi dê be dô nă ƀan pa rê hìu bau klau, Mbe mê neh jat Añ tòm ƀlàng ngềt ngơt, tòm ù tiah ò sih ò tam.

Ejekiel 20:35

Añ rơp cèng bol mê tus tòm ƀlàng ngềt ngơt ală làng bol dê, tềng hơ̆, Añ rơp cahrña bol mê mat tòm toh mơ mat.

Sră Ôse 11:4

Añ neh tề lam bol khai mơ che lơbơn niam kòn mơnus dê, mơ che kòñ gơboh; Añ neh tă yô bơh di ngko bol khai dê mơ kun tơmù nàng siam bol khai.

Khà Làng Bol 10:33

Behơ̆ bol khai lik lòt bơh di mơnơm Yàng Jehôwa dê mơ lòt gùng tòm pe ngai. Đài Bơta Ho Bal Yàng Jehôwa dê lòt di đap bol khai tòm pe ngai hơ̆ nàng jòi bol khai in dô bă tiah ơm rlô bòl.

Khà Làng Bol 14:20

Yàng Jehôwa ho lah: “Añ neh toh glài bol khai jat be jơnau mê neh dan.

Mathiơ 11:28

Ơ jơh ală cau kong bòl glar lơh broă mơ àñ kơnjơ̆, tus tĕ hơ Añ; Añ rơp ai bol mê in rlô bòl.

Yal Wơl 1:30

Jehôwa Yàng Tom Trồ bol mê dê rơp lòt lài di đap bol mê, Kơnràñ rơp tòmlơh ala bol mê kung be Kơnràñ neh lơh bol mê in tòm Ejiptơ di đap gar mat bol mê dê,

Yal Wơl 1:33

la Bơtau neh lòt lài di đap bol mê tòm gùng lòt bol mê dê, trồ mang tòm jrong ồs mơ trồ ngai tòm dô puk mhwal, nàng jòi bol mê in ală tiah nàng bơtào sàl ơm, mơ sơnio bol mê in gùng bol mê pal lòt.

Yal Wơl 12:9

bơh bol mê òhềt tus di tiah ơm rlô mơ sre brê Jehôwa Yàng Tom Trồ bol mê dê ai bol mê in.

Yal Wơl 2:7

Jehôwa Yàng Tom Trồ bol mê dê neh ai lơngai bol mê in tòm jơh ală broă tê bol mê neh lơh. Kơnràñ neh sền gàr gùng dà bol mê dê lòt gan ƀlàng ngềt ngơt dờng ơnàng do. Tòm poan jơt nam do Jehôwa Yàng Tom Trồ bol mê dê neh ơm bal mơ bol mê, mơ bol mê ò siơ̆u phan lơi ò.’

Yal Wơl 8:16

Kơnràñ neh ai bol mê in mana nàng sa tòm ƀlàng ngềt ngơt, hơ̆ la phan sa mơ ală ồng pàng bol mê dê òhềt git, nàng tơnliah bol mê, mơ lòng bol mê tồ tus di lồi dut gơ rgơi gơlik gơs niam bol mê in.

Jôsue 1:13

“Kah tĕ jơnau Môise cau duh broă Yàng Jehôwa dê neh nting sồr bol mê lah: ‘Jehôwa Yàng Tom Trồ bol mê dê neh rcang ai bol mê in dô bă tiah nàng rlô mơ rơp ai lơgar do bol mê in.’