Jeremi 31:14 - Sră Goh 2018

¹⁴ Añ rơp ai ală cau gơnoar ơn phan duh khoai bol khai dê geh bềng lìu phan sa dơngi, Mơ làng bol Añ jê rơp geh hừh hơh bơh bơta tơngkah tơngkañ Añ jê,” Yàng Jehôwa đơs behơ̆.

Jeremi 31:14 Mawu Ofanana

II Yal Yau 6:41

Ơ Jehôwa Yàng Tom Trồ, dan guh Lòt tus hơ tiah ơm rlô Kơnràñ dê, Kơnràñ mơ Đài Bơta Ho Bal gơnoar pràn Kơnràñ dê. Ơ Jehôwa Yàng Tom Trồ, dan ală cau gơnoar ơn phan duh khoai Kơnràñ dê geh tơnsoh bơh bơta dong klàs, mơ ală cau dòn song Kơnràñ dê hòn chò tòm bơta lơbơn niam Kơnràñ dê.

Nehemi 10:39

Làng bol Israel mơ ală cau Lebi rơp cèng ală phan ơn be kòi, tơrnòm, mơ mơñà tơmut tòm ală đam hơ̆, la tiah prap gàr ală phan ngui tòm Hìu Duh Khoai Sàng Goh, mơ tềng hơ̆ la tiah ală cau ơn phan duh khoai duh broă, mơ ală cau kơp mpồng, mơ ală cau đơs chò ơm. Bol he rơp ò sang lòi ală alai hìu duh khoai Yàng Tom Trồ bol he dê.

Đơs Crih 107:9

Bơh Kơnràñ lơh cau tơhìr in geh hừh hơh, Lơh cau jơgloh in geh bềng lìu phan bơkah.

Đơs Crih 132:16

Añ rơp ai bơta dong klàs mơ tơnsoh ală cau gơnoar ơn phan duh khoai gơ in, Mơ ală cau dòn song gơ dê rơp driau bơh hòn chò.

Đơs Crih 132:9

Lòi ală cau gơnoar ơn phan duh khoai Yàng dê geh soh mơ bơta song ring, Mơ lòi ală cau dòn song Kơnràñ dê driau bơh hòn chò.

Đơs Crih 17:15

Ai añ, añ rơp sền gŏ mat Kơnràñ dê tòm bơta song ring. Tòm tŭ añ kah rngal, añ rơp hừh nùs mơ sền gŏ rùp să Yàng dê.

Đơs Crih 36:8

Bol khai pơjum ñô sa dô bă tơngkah tơngkañ tòm hìu Yàng dê, Kơnràñ ai bol khai in bơta lơngai lìu làc kung be hùc dà hiòng.

Đơs Crih 63:2

Behơ̆ añ neh tơnggòr sền di Yàng tòm tiah sàng goh Kơnràñ dê, Sền gŏ gơnap gơnoar mơ bơta gơklŏ Kơnràñ dê.

Đơs Crih 63:5

Hwềng soàn añ geh hòm lai gơlơh be neh sa khu mơ dơngi; Bơr sơndồi añ jòng ro Kơnràñ dô bă chò hòp,

Đơs Crih 63:6

Tòm tŭ añ ơm hơđang cơnòng bic mơ kah Yàng, Mơ añ kơlôi sơnơng bơh Kơnràñ tòm ală tŭ jơ drơng mang.

Đơs Crih 65:4

Lơngai cau lơi in geh Kơnràñ sac rwah mơ cèng tus rềp, Nàng ơm tòm tiah ơm Kơnràñ dê. Bol hi rơp geh hừh hơh bơh ală bơta niam tòm hìu Kơnràñ dê, la Hìu Duh Khoai Sàng Goh Kơnràñ dê.

Đơs Crih 85:13

Bơta song ring rơp lòt di đap Kơnràñ, Mơ rơp lơh dô nơm gùng ală cơnđòa jơng Kơnràñ in.

Đơs Crih 90:14

Tòm àng drim dan ai bol hi in bơta hừh nùs bơh bơta kòñ gơboh kơ̆ dơn Yàng dê, Gen bol hi rơp chò hòp chò hòn tòm jơh rài kis bol hi dê.

Đơs Chò 5:1

Ơ oh ùr añ, bau ùr pa añ jê, añ neh mut tòm suơn añ rau! Añ neh pic tơrgòm cài trŭ mơ chi ƀô bơlhu añ jê, Añ sa sìng lơwe mơ dà lơwe añ jê, añ ñô tơrnòm mơ dà toh añ jê. Ơ ală cau bơyô, sa tĕ; ơ ală cau bơyô đềt mềr, ñô bơñul tĕ bơta kòñ gơboh!

Esai 25:6

Hơđang mơnơm do, Yàng Jehôwa Gơnap Gơnoar Dờng rơp rcang yò ală làng bol in dô bơta ñô sa dờng gơs oă phan sa bơkah, dô bơta ñô sa dờng gơs tơrnòm yau, gơs phan dơngi gơs khu mơ tơrnòm bơkah rlau jơh.

Esai 61:6

Mơ bol mê rơp geh sơnđan la ală cau gơnoar ơn phan duh khoai Yàng Jehôwa dê, bol mê rơp geh sơnđan la ală cau duh broă Yàng Tom Trồ bol he dê. Bol mê rơp hòn chò bơh bơta pas gơs ală lơgar dê, mơ bol mê rơp gơklŏ bơh bơta pas sơm bol khai dê.

Jeremi 31:25

Añ rơp ai cau bòl glar in geh pràn wơl, Ai cau gơplơ̆ nùs in geh hừh hơh.”

Jeremi 33:9

Gen ƀòn dờng do rơp gơlik gơs dô sơnđan chò hòp, jòng ro, gơklŏ Añ in ơm di đap ală làng bol tòm dunnia; ală làng bol hơ̆ rơp kơno bơh ală bơta niam Añ neh lơh bol khai in, gen rngòt rngơt mơ rơm să, tài bơh ală bơta lơngai lơngò bal mơ bơta bơtoah bơtoài mơ Añ neh ai làng bol Añ in.’

Jeremi 50:19

Añ rơp cèng Israel rê wơl tòm ƀlàng ñhơt khai dê. Khai rơp sa ñhơt hơđang Karmel mơ Basan, nùs khai rơp geh hòm lai hơđang ală dòr Epraim mơ Galaat.”

Ejekiel 34:14

Añ rơp ròng siam bol gơtòm ƀlàng ñhơt niam, mơ ală tiah jơnhoa hơđang mơnơm Israel dê rơp la ƀlàng ñhơt bol gơ dê. Tềng hơ̆ bol khai rơp bic rlô tòm tiah sa ñhơt niam, mơ tềng hơ̆ bol gơ rơp geh ròng siam tòm ƀlàng ñhơt tơlir niam hơđang ală mơnơm Israel dê.

Sră Age 2:19

Gam gơs gar sơntìl lơi tòm đam sơl? Jơl tus di tŭ do, tòm ño, tòm chi ƀal, tòm chi lừu, mơ tòm chi ôlibe òhềt gơs plai ơ? Mơya bơh ngai do jơl hìng nau, Añ rơp ai lơngai lơngò bol mê in.’”

Mathiơ 5:6

Lơngai ală cau in jơgloh tơhìr bơh bơta song ring, bơh rơp geh hòm!

Ephesô 1:3

Jòng ro Yàng Tom Trồ la Bèp Yàng Jesu Krist bol he dê. Kơnràñ neh ai lơngai bol he in tòm Bơtau Krist, tơl ală bơta lơngai đah hwềng bơh đang trồ.

Ephesô 3:19

mơ geh git bơta kòñ gơboh Bơtau Krist dê la rlau mơ bơta git wă, tồ oh mi in geh bềng lìu bơta bềng tơl Yàng Tom Trồ dê.

Yal Wơl 33:23

Bơh Neptali khai neh đơs lah: “Neptali geh bềng lìu bơta nđàc Yàng Jehôwa dê, mơ geh bềng bơta lơngai lơngò Yàng Jehôwa dê; dòp geh đah mattơngai mut mơ đah đơm.”

I Pier 2:9

Mơya oh mi la jơi bơtiàn geh sac rwah, la cau gơnoar ơn phan duh khoai cau bơtau dê, la làng bol sàng goh, la làng bol is Yàng Tom Trồ dê, tồ oh mi in yal tơlik ală broă crih crài ngan Kơnràñ dê, la Bơtau neh hòi oh mi lik klàs bơh tiah klam jơngo mơ tus hơ tiah àng gơcrà krơi is Kơnràñ dê.

Yal Tơlik 5:10

Mơ Kơnràñ neh lơh ală cau hơ̆ in gơlik gơs lơgar bơtau dê mơ cau gơnoar ơn phan duh khoai Yàng Tom Trồ bol he dê; mơ bol khai rơp at bồ tòm plai ù.”