Jeremi 31:12 - Sră Goh 2018

¹² Bol khai rơp tus mơ driau chò hơđang ală tiah jơnhoa Siôn dê; bol khai rơp àng gơcrà tòm bơta lơngai niam Yàng Jehôwa dê, Bơh kòi mbo, tơrnòm pa, mơ mơñà, Ală belàt kòn mơ kơnrồ kòn; Bơta kis bol khai dê rơp be dô nơm suơn tuh dà sùm, Mơ bol khai rơp ò gam lơbơn òsô tai.

Jeremi 31:12 Mawu Ofanana

Đơs Crih 130:4

Mơya Yàng gơs nùs toh glài, Nàng cau in duh rngòt dê Kơnràñ.

Esai 1:30

Ai rơp gơlik be tòm cha neh ro nha, be suơn ò gơs dà.

Esai 35:10

Mơ ală cau Yàng Jehôwa neh tơwài rơp rê wơl. Bol khai mut tòm Siôn bal mơ jơnau đơs chò; bơta hòn chò gam sùm sùm rơp tơndau hơđang bồ bol khai. Bol khai rơp bềng lìu bơta chò hòp mơ hòn chò, bơta moat jrùng mơ rac ròc rơp roh thit.

Esai 51:11

Behơ̆ làng bol Yàng Jehôwa neh tơwài rơp rê wơl mơ lòt tus hơ Siôn bal mơ bơta đơs chò; bơta hòn chò gam sùm sùm rơp geh tơndau hơđang bồ bol khai. Bol khai rơp dòp geh bơta hòn chò mơ chò hòp, bơta moat jrùng mơ bơta pơt wòl rơp dô ngài.

Esai 52:8

Iat tĕ! Ală cau ling kơp gàr mê dê ai jơnau đơs chò, bol khai đơs chò hòn chò bal. Bơh bol khai rơp gŏ mơ mat tòm bol khai dê, tòm tŭ Yàng Jehôwa rê wơl hơ Siôn.

Esai 58:11

Yàng Jehôwa rơp kư̆ tề lam bol mê sùm sùm; Kơnràñ lơh bol mê in hừh nùs ală bơta pal càng tòm dô nơm lơgar rañ rsơh, mơ lơh ntìng bol mê in pràn kơldang. Bol mê rơp gơlik gơs kung be dô nơm suơn geh tuh dà, be dô nơm dà croh ò gơs tŭ lơi soat.

Esai 60:20

Mattơngai mê dê rơp ò ñơp tai; mơ mat kơnhai mê dê rơp ò siar tai; Yàng Jehôwa rơp la bơta àng gam sùm sùm mê dê, mơ ală ngai moat jrùng ñìm rac mê dê rơp lồi.

Esai 65:19

Añ rơp hòn chò tòm Jerusalem, mơ rơp chò hòp tòm làng bol Añ jê; tềng hơ̆ rơp ò gam kơno jơnau ñìm rac hala jơnau driau dờng tai.

Jeremi 3:14

Yàng Jehôwa đơs: “Ơ kòn sau pơrlơ̆ dră, rê wơl tĕ! Bơh Añ la cau tòm bol mê dê. Añ rơp sac dô nă tòm kòp nơm ƀòn dờng, mơ bàr nă bơh kòp hìu nhă, Mơ Añ rơp cèng mê tus hơ Siôn.

Jeremi 31:24

Làng bol rơp ơm bal tòm Juda mơ tòm ală ƀòn dờng gơ dê, ală cau lơh sre bal mơ ală cau ê mpồl phan poan jơng bol khai dê.

Jeremi 31:25

Añ rơp ai cau bòl glar in geh pràn wơl, Ai cau gơplơ̆ nùs in geh hừh hơh.”

Jeremi 31:4

Ơ kòn ơruh Israel dê! Añ rơp bơtào wơl bol ai, gen bol ai rơp geh bơtào, Bol ai rơp at wơl sơnggơr dềt ai dê, Lòt bal mơ ală cau tòmya chò hòp.

Jeremi 31:6

Rơp gơs dô ngai, tòm tŭ ală cau kơp gàr rơp hòi Hơđang ƀòn dờng kơh mơnơm Epraim lah: ‘Tus tĕ, bol he lòt tĕ hơđang mơnơm Siôn, Tus hơ Jehôwa Yàng Tom Trồ bol he dê!’”

Jeremi 31:7

Yàng Jehôwa đơs be do: “Đơs chò dờng tĕ chò hòp bơh Jakôp; Driau chò tĕ bơh cau lam bồ ală lơgar. Yal tơlik tĕ bơta jòng ro mơ đơs lah: ‘Khoai Yàng Jehôwa, dan dong klàs làng bol Kơnràñ, La làng bol gam wơl Israel dê.’

Jeremi 32:15

Bơh Yàng Jehôwa Gơnap Gơnoar Dờng Làm Jơh la Yàng Tom Trồ Israel dê, đơs be do: ‘Cau rơp gam blơi hìu, sre, mơ suơn ño tòm lơgar do tai sơl.’

Jeremi 33:12

Yàng Jehôwa Gơnap Gơnoar đơs be do: ‘Tòm tiah do la tiah lòi srau, ò gơs cau ơm, kung ò gơs phan poan jơng, mơ tòm ală ƀòn gơ, rơp gơs wơl ală ƀlàng ñhơt cau ê in lòi mpồl he ơm bic rlô.

Jeremi 33:13

Tòm ală ƀòn tiah mơnơm mơ ală ƀòn tiah ƀlàng ring, tòm ală ƀòn tiah Negep, tòm lơgar Benjamin, tòm ală tiah gùt dar Jerusalem mơ tòm ală ƀòn Juda, ală mpồl belàt rơp lòt gan hơđơm tê cau kòp khà bol gơ,’ Yàng Jehôwa đơs behơ̆.

Ejekiel 17:23

Añ rơp tam gơ hơđang ală tiah jơnhoa mơnơm Israel dê; gơ rơp cat ală ntê, gơlik plai mơ gơlik gơs dô nơm chi nho rề hàng mơnĕ. Tơl ală jơi sềm rơp lơh rsòn hơđang gơ; bol gơ rơp jòi geh tiah ơm hơđơm mƀur ală ntê gơ dê.

Ejekiel 20:40

Jehôwa Yàng Tom Trồ đơs lah: ‘Bơh hơđang mơnơm sàng goh Añ jê, mơnơm jơnhoa Israel dê, tềng hơ̆ jơh hìu Israel rơp duh broă Añ, mơ tềng hơ̆ Añ rơp dòp bol khai. Tềng hơ̆ Añ rơp lùp pơnah phan pal ơn bol mê dê mơ ală plai bồ sơnam ơn duh khoai bol mê dê, bal mơ jơh ală phan ơn sàng goh bol mê dê.

Ejekiel 34:14

Añ rơp ròng siam bol gơtòm ƀlàng ñhơt niam, mơ ală tiah jơnhoa hơđang mơnơm Israel dê rơp la ƀlàng ñhơt bol gơ dê. Tềng hơ̆ bol khai rơp bic rlô tòm tiah sa ñhơt niam, mơ tềng hơ̆ bol gơ rơp geh ròng siam tòm ƀlàng ñhơt tơlir niam hơđang ală mơnơm Israel dê.

Ejekiel 36:30

Añ rơp ai bơtơl oă plai hơđang ală chi mơ oă kòi mbo hơđang ală mìr sre tồ bol mê in ò tai kong sền òsơp digùl ală làng bol tài bơh bơta jơgloh rung.

Sră Ôse 3:5

Tơnơ̆ mơ hơ̆, làng bol Israel rơp rê wơl jòi jat Jehôwa la Yàng Tom Trồ bol khai dê, mơ Dabit la cau bơtau bol khai dê. Tòm ală ngai lồi dut bol khai rơp rngòt rơm să mơ rê wơl hơ Yàng Jehôwa, mơ dòp geh bơta lơngai lơngò Kơnràñ dê.

Jôel 3:18

Tòm ngai hơ̆, ală mơnơm rơp gơhòr tơrnòm lơngồt, mơ ală dòr rơp gơcat dà toh; jơh ală croh Juda dê rơp gơhòr dà. Dô nơm croh dà rơp hòr lik bơh di hìu Yàng Jehôwa dê mơ tuh làm tòm Thòng Sitim.

Sră Age 2:19

Gam gơs gar sơntìl lơi tòm đam sơl? Jơl tus di tŭ do, tòm ño, tòm chi ƀal, tòm chi lừu, mơ tòm chi ôlibe òhềt gơs plai ơ? Mơya bơh ngai do jơl hìng nau, Añ rơp ai lơngai lơngò bol mê in.’”

Sacari 8:12

“Bơh rơp gơs dô nă cau sih bơta ring lơngai; gar sơntìl rơp hòn niam, tòm ño rơp tơnggơs plai gơ dê, ù tiah rơp tơnggơs plai đo, ală tap trồ rơp dùh dà mơryuh. Añ rơp ai jơh ală bơta do lơh gơs sre brê ală cau gam wơl tòm làng bol do.

Jang 16:22

Behơ̆ tŭ do bol mê gơs bơta moat jrùng, mơya Añ rơp gŏ wơl bol mê gen nùs bol mê rơp hòn chò, mơ ò gơs cau lơi rgơi kơñau bơta hòn chò bol mê dê.

Rôma 2:4

Hala mê sền òsơp nùs lơbơn niam, jak toh glài mơ kong ơt Kơnràñ dê ơ? Mơ mê ò git nùs lơbơn niam Yàng Tom Trồ dê lam mê lòt tus hơ bơta gơjrañ sang glài ò ơ?

Yal Tơlik 21:4

Kơnràñ rơp jùt jơh dà mat di mat bol khai, bơta chơt ò gam tai, kung ò gơs bơta moat jrùng, ò gơs bơta nggà ñìm, ò gơs bơta jê sồt tai, bơh ală bơta yau neh roh jơh rau.”

Yal Tơlik 7:17

Bơh Belàt Kòn ơm digùl sơbàn rơp ê gàr bol khai, mơ tề lam bol khai tus hơ ală croh dà bơta kis, mơ Yàng Tom Trồ rơp jùt jơh dà mat di mat bol khai.”