Jeremi 31:11 - Sră Goh 2018

¹¹ Bơh Yàng Jehôwa neh tơwài Jakôp, Dong tă bol khai klàs bơh tê cau pràn kơldang rlau mơ bol khai.

Jeremi 31:11 Mawu Ofanana

Đơs Crih 142:6

Dan Yàng iat jơnau añ, bơh añ kong bòl glar dồn sa ngan! Dan dong tă añ bơh di cau kup kơryan añ, Bơh bol khai pràn kơldang rlau mơ añ,

Lik Ejiptơ 15:16

Bơta rngòt rngơt rơp dùh hơđang bol khai. Ơ Yàng Jehôwa! Bơh gơnap gơnoar tơwòr tê Kơnràñ dê, bol khai rơp ơm mŏ mŏ kung be lŭ, jơl tus di tŭ lơi làng bol Kơnràñ dê lòt gan, jơl tus di tŭ làng bol Kơnràñ neh tơwài lòt gan.

Esai 44:23

Ơ ală tap trồ, đơs chò hòn chò tĕ, bơh Yàng Jehôwa neh lơh bơta hơ̆; Ơ ù tiah hơđơm, driau dờng tĕ! Ơ ală mơnơm, ală brê dơr bal mơ jơh ală chi che tòm hơ̆, pò tĕ jơnau mơ đơs chò! Bơh Yàng Jehôwa neh dong tơwài Jakôp. Kơnràñ ràng tơlik bơta gơklŏ Kơnràñ dê tòm Israel.

Esai 48:20

Lik tĕ bơh di Babilôn! Dô tĕ bơh di cau Kalđe! Ai tĕ jơnau driau chò mơ yal jơnau do, mơ yal tơnggit tĕ tus di ală tiah lồi dut plai ù; Đơs tĕ lah: “Yàng Jehôwa neh tơwài Jakôp, la cau duh broă Kơnràñ dê.”

Esai 49:24

Rgơi tă ai phan tòmpìt geh bơh di ală cau pràn kơldang sơl? Hala rgơi dong tă ală cau neh gơkòl kup cèng bơh di cau jàñ bơsak sơl ơ?”

Esai 49:25

Mơya Yàng Jehôwa đơs be do: “Tian gơs ală cau neh kong kup cèng rơp geh dong tă bơh di ală cau pràn kơldang, mơ ală phan tòmpìt geh rơp geh ai wơl bơh di ală cau jàñ bơsak. Añ rơp tòmdră wơl mơ cau sò tơm mê, mơ să tòm Añ rơp dong tă kòn sau mê dê. Añ rơp tòmlơh mơ ală cau tòmlơh mơ mê, mơ ală kòn sau mê dê rơp geh dong klàs.

Esai 51:11

Behơ̆ làng bol Yàng Jehôwa neh tơwài rơp rê wơl mơ lòt tus hơ Siôn bal mơ bơta đơs chò; bơta hòn chò gam sùm sùm rơp geh tơndau hơđang bồ bol khai. Bol khai rơp dòp geh bơta hòn chò mơ chò hòp, bơta moat jrùng mơ bơta pơt wòl rơp dô ngài.

Jeremi 15:21

“Añ rơp dong tă mê bơh tê cau iơh, mơ tơwài mê klàs bơh tê sơmbat kup cau rhung rhang.”

Jeremi 50:33

Yàng Jehôwa Gơnap Gơnoar đơs be do: “Làng bol Israel mơ Juda jơh tơl nă kong rồn bơklơn. Ală cau kup bol khai cèng gơs dĭ sơmbat kơ̆ bol khai, ò bài lòi bol khai in lòt.

Jeremi 50:34

Bơtau Dong tơwài bol khai la pràn kơldang, sơnđan Kơnràñ la Yàng Jehôwa Gơnap Gơnoar. Nền ngan, Kơnràñ rơp dong tò bol khai, nàng Kơnràñ ai jơh lơgar in geh rlô, mơya lơh bòl glar làng bol Babilôn.”

Ñìm Rac 3:58

Khoai Yàng Jehôwa, Kơnràñ neh dong tò bơta gơrềng tus di añ, Kơnràñ neh dong tơwài bơta kis añ jê.

Sră Ôse 13:14

Añ rơp dong bol khai klàs bơh gơnap gơnoar lơgar làng ƀồc. Añ rơp tơwài bol khai klàs bơh bơta chơt sơl ơ? Ơ bơta chơt, ntềng đah bơta rung rài mê dê taih? Ơ lơgar làng ƀồc, ntềng đah bơta tơnroh mê dê taih? Bơta nđàc sơngit neh pồn ndơp bơh di mat Añ.

Sacari 9:16

Tòm ngai hơ̆, Jehôwa Yàng Tom Trồ bol khai dê rơp dong klàs bol khai, bơh bol khai la mpồl belàt làng bol Kơnràñ dê. Bol khai rơp àng gơcrà tòm lơgar Kơnràñ dê kung be ală lŭ màng hơđang sơgơn bơtau.

Mathiơ 12:29

Hala mbe cau lơi rgơi mut tòm hìu cau pràn kơldang mơ phà kơñau phan, dilah lài ngan ò cap cau pràn hơ̆ taih? Pal cap cau pràn hơ̆ lài, gen sồng geh phà kơñau hìu khai dê.

Mathiơ 20:28

Kung be Kòn Mơnus neh tus ò di nàng cau duh broă Khai in, mơya nàng duh broă cau in, mơ phi bơta kis Khai lơh gơs phan tơwài oă cau.”

Mathiơ 22:29

Yàng Jesu ho lah: “Bol mê kơlôi tìs rau, bơh ò git Sră Goh, kung ò git gơnap gơnoar Yàng Tom Trồ dê.

Sră Pơyoa Pol Dê Pơyoa Tit In 2:14

la Bơtau neh phi să bơh bol he nàng tơwài bol he bơh jơh ală bơta tồi glài iơh bơsak, mơ bơh să tòm Kơnràñ mơ lơh sàng goh dô nơm làng bol gơrê hơ Kơnràñ, la làng bol gơs nùs ngac ngar tòm ală broă niam.