Jeremi 31:10 - Sră Goh 2018

¹⁰ Ơ ală làng bol, iat tĕ jơnau Yàng Jehôwa dê; Yal tơlik tĕ jơnau hơ̆ tòm ală lơgar ngài rò gah dàlềng Đơs tĕ: ‘Bơtau neh lơh nrah nring Israel rơp pơjum tơrgòm bol khai wơl, Mơ rơp ê gàr bol khai be dô nă cau ê belàt.’

Jeremi 31:10 Mawu Ofanana

Sơnròp Gơlik Gơs 10:5

Bơh bol khai mơ gơs ală cau ơm tòm ală bồt pơlào ală làng bol dê, cah is tòm ală lơgar pơnjat ală jơnau đơs, ală hìu nhă mơ ală làng bol bol khai dê.

Đơs Crih 147:2

Yàng Jehôwa bơt bơtào Jerusalem, Kơnràñ pơjum wơl ală cau nrah nring Israel dê.

Đơs Crih 23:1

Yàng Jehôwa la Bơtau ê gàr añ be cau ê belàt; añ rơp ò siơ̆u phan lơi ò.

Đơs Crih 72:10

Dan lòi cau bơtau Tarsi mơ cau bơtau ală bồt pơlào dê boh dia khai in, Lòi bơtau Saba mơ Seba cèng phan ai gòi khai in.

Jơnau Pơnđik 27:23

Pơnđơl pràn git tĕ bơta gơlik gơs mơ mpồl belàt kòn dê, mơ kơlôi rcang sền gàr mpồl kơnrồ kòn dê;

Esai 24:14

Bol khai ai jơnau driau dờng hòn chò; bơh đah mattơngai mut, jòng ro bơta ryŭ ryơm Yàng Jehôwa dê.

Esai 27:12

Tòm ngai hơ̆, Yàng Jehôwa rơp pơrjòt kòi bơh hiòng Ơphrat tus di croh Ejiptơ; mơ bol mê, ơ kòn sau Israel, bol mê rơp geh tơrgòm dơ̆ dô nă dô nă.

Esai 40:1

Yàng Tom Trồ bol mê dê đơs lah: “Pơndòm pơniang tĕ, pơndòm pơniang tĕ làng bol Añ jê.

Esai 40:11

Kơnràñ ròng siam mpồl Kơnràñ dê kung be cau ê belàt; Kơnràñ pơjum tơrgòm ală belàt kòn tòm tơwòr tê Kơnràñ dê, mơ kơnđu bol gơ rềp di nùs Kơnràñ dê; Kơnràñ tề lam dô bă lơbơn niam ală belàt me gơs kòn gam pô.

Esai 41:1

Ơ bol mê la ală bồt pơlào, ơm tĕ mŏ mŏ di đap Añ mơ iat! Lòi ală làng bol gơs tĕ pràn pa; Lòi tĕ bol khai tus rềp mơ đơs! Lòi bol he tus rềp bal nàng cahrña!

Esai 42:10

Đơs chò tĕ Yàng Jehôwa in dô bơta đơs chò pa, bơta đơs chò jòng ro Kơnràñ bơh tiah lồi dut plai ù dê. Ơ ală cau lòt tòm dàlềng mơ ală phan tòm hơ̆, ală bồt pơlào mơ jơh ală cau kis tòm gơ.

Esai 42:4

Khai rơp ò lơbơn òsô hala gơplơ̆ nùs, jơl tus di tŭ neh bơt bơtào bơta song ring hơđang ù; ală bồt pơlào rơp gơn kơnòm di bơta bơto sồr Khai dê.”

Esai 48:20

Lik tĕ bơh di Babilôn! Dô tĕ bơh di cau Kalđe! Ai tĕ jơnau driau chò mơ yal jơnau do, mơ yal tơnggit tĕ tus di ală tiah lồi dut plai ù; Đơs tĕ lah: “Yàng Jehôwa neh tơwài Jakôp, la cau duh broă Kơnràñ dê.”

Esai 54:7

“Tòm dô ơthoa Añ neh sang lòi ai; mơya Añ rơp ai nùs kòñ nđàc dờng ơnàng mơ cèng brê ai wơl.

Esai 60:9

Bơh ală bồt pơlào rơp kơp gơn Añ; gơs ală ơhò Tarsi sơnròp ngan, cèng brê ală kòn sau mê dê rê wơl bơh tiah ngài, bol khai cèng bal priă mơ màh bol khai dê, tài bơh sơnđan Jehôwa Yàng Tom Trồ mê dê, mơ bơh Bơtau Sàng Goh Israel dê, bơh Kơnràñ neh lơh gơklŏ mê in.

Esai 66:19

Añ rơp ơn dô nơm tềl digùl bol khai, mơ Añ rơp sồr dô êt cau tòm mpồl ală cau gam kis lòt tus tòm ală lơgar, hơ̆ la tus hơ Tarsi, Libi, mơ Lidi la làng bol jak pañ sơna, tus hơ Tubal mơ Grek, mơ tus hơ ală bồt pơlào ơm ngài, la tiah òhềt kơno jơnau jòng ro bơh Añ, mơ kung òhềt gŏ bơta gơklŏ Añ jê. Bol khai rơp yal tơlik bơta gơklŏ Añ jê tòm ală lơgar.

Jeremi 23:4

Añ rơp bơtào ală cau ê hơđang bol khai nàng sền gàr bol khai; bol khai rơp ò rngòt rngơt tai, ò gơdô nùs mơ ò roh dô nơm lơi,” Yàng Jehôwa đơs behơ̆.

Jeremi 25:22

ală bơtau Tirơ, ală bơtau Sidôn, mơ ală bơtau ơm tòm bồt pơlào tòm dàlềng in;

Jeremi 3:15

Añ rơp ai bol mê in ală cau ê gàr jat nùs kòñ Añ jê, la ală cau rơp ai bơta àng loh jak chài mơ ròng siam bol mê.”

Jeremi 50:17

Israel la dô mpồl belàt tìs nrah, gơkòl klìu triă ting jat. Lài ngan bơtau Asiri neh brồ kup sa loan gơ; lồi dut Nebukatnessar, bơtau Babilôn, neh kơnjah ntìng gơ.”

Jeremi 50:19

Añ rơp cèng Israel rê wơl tòm ƀlàng ñhơt khai dê. Khai rơp sa ñhơt hơđang Karmel mơ Basan, nùs khai rơp geh hòm lai hơđang ală dòr Epraim mơ Galaat.”

Ejekiel 11:16

Behơ̆ gen, đơs tĕ lah: ‘Yàng Jehôwa At Bồ Hơđang Jơh đơs be do: Bulah Añ neh cèng bol khai tus di tiah ngài digùl ală làng bol, neh lơh bol khai in gơprah gơpring tòm ală lơgar, Añ kung gam la tiah sàng goh bol khai in tòm dô êt jŏ tòm ală lơgar mơ bol khai neh lòt tus.’

Ejekiel 20:34

Kung bơh tê gơnoar pràn mơ tơwòr tê pò tơlik bal mơ bơta gơjrañ dờng tuh tơlik mơ Añ rơp cèng bol mê lik klàs bơh di ală làng bol, mơ pơjum tơrgòm wơl bol mê bơh di ală lơgar mơ bol mê neh nrah nring.

Ejekiel 34:12

Be cau ê lòt jòi mpồl belàt khai dê, tòm tŭ bol khai neh ơm digùl ală belàt nrah nring khai dê, behơ̆ Añ rơp lòt jòi mpồl belàt Añ jê. Añ rơp dong tă bol gơ bơh di jơh ală tiah bol gơ neh lòt nrah nring tòm dô ngai gơs mhwal mơ jơngo cik.

Ejekiel 37:24

Cau duh broă Añ jê la Dabit rơp lơh gơs bơtau at bồ hơđang bol khai mơ jơh tơl nă bol khai rơp gơs mìng dô nă cau ê lơm. Bol khai rơp cơnđòa lòt jat ală bơta boh lam Añ jê mơ kơrhia prap gàr ală bơta sồr lam Añ jê.

Ejekiel 5:10

Digùl bol mê, ngan, ală mè bèp rơp sa poac ală kòn bol khai dê, mơ ală kòn rơp sa poac ală mè bèp bol khai dê. Añ rơp tơndùh bơta lơh glài hơđang mê mơ Añ rơp rsìh tòm càl jơh ală cau gam kis mê dê.’”

Ejekiel 5:2

Tòm tŭ ală ngai gơrwàng gùt dar mê dê neh tơl, mê rơp chu dô pơnah pe sŏ hơ̆ tòm dơlam ƀòn dờng. Ai tĕ dô pơnah pe sŏ ndai mơ koh sreh gơ mơ đào gùt dar ƀòn. Lồc behơ̆, rsìh dô pơnah pe sŏ gam wơl tòm càl, mơ Añ rơp tă đào bơh đah ngkòi bol gơ.

Daniel 11:18

Tơnơ̆ hơ̆, khai wèt hơ bồt pơlào rò gah dàlềng mơ tòmpìt oă tiah. Mơya dô nă cau kwang at bồ ling rơp pơndut bơta pơnhừ să khai dê, mơ lơh bơta pơnhừ să bơtau dê tòmdră wơl mơ bơtau.

Lebi 26:33

Añ rơp rsìh bol mê tòm gùl ală làng bol mơ Añ rơp tă đào ting jat bol mê. Lơgar bol mê dê rơp gơkòl sang lòi srau gòi, mơ ală ƀòn dờng bol mê dê rơp kong tơnroh.

Mice 2:12

“Ơ Jakôp! Ngan Añ rơp pơjum wơl jơh ală bol mê; Añ rơp tơrgòm ală cau gam wơl Israel dê, Añ rơp ơn bol khai dô bă bal be belàt tòm dô mpồl, be dô mpồl tòm ƀlàng ñhơt gơ dê; rơp gơlik gơs jơnau lơh nggồr mpong bơh làng bol oă.

Mice 4:6

Yàng Jehôwa đơs lah: “Tòm ngai hơ̆, Añ rơp pơjum wơl cau kwet gơlte; Añ rơp tơrgòm wơl ală cau neh kong kup cèng hơ tiah ngài, mơ ală cau mơ Añ neh lơh jê sồt moat jrùng.

Mice 5:4

Kơnràñ rơp ntào mơ ê gàr mpồl Kơnràñ dê kơnòm di pràn Yàng Jehôwa dê, bal mơ bơta ryŭ ryơm tòm sơnđan Jehôwa Yàng Tom Trồ Kơnràñ dê. Mơ bol khai rơp ơm lơngap lơngai, bơh tŭ hơ̆ Kơnràñ rơp la dờng làm jơh tus di ală tiah lồi plai ù dê.

Sôphôni 2:11

Yàng Jehôwa rơp gơlik gơs bơta rngòt rngơt bol khai in; Kơnràñ rơp tơnroh jơh ală yàng tòm ù dê. Ală làng bol ơm di gah dàlềng mơ ală bồt pơlào, tòm lơgar bol khai dê, rơp duh khoai Kơnràñ.

Sôphôni 3:19

Tòm tŭ hơ̆, Añ rơp lơh gơwèt hơ jơh ală cau neh rồn bơklơn ai; Añ rơp dong klàs cau kwet gơlte mơ pơjum tơrgòm wơl ală cau gơkòl sang lòi, mơ Añ rơp tòmgơl bơta ƀàssìl bol khai dê gơlik gơs bơta jòng ro mơ geh pơnro tòm làm jơh plai ù.

Sacari 10:8

Añ rơp lơh tềl tồ bol khai in git mơ pơjum tơrgòm bol khai. Bơh Añ neh dong tơwài bol khai; ntum khà bol khai dê rơp gal ngan kung be lài òr.

Sacari 2:6

Yàng Jehôwa đơs lah: “Guh tĕ! Guh tĕ! Dô tĕ bơh di lơgar đah đang; bơh Añ neh rsìh bol mê hơ tiah ngài be poan đah càl hơđang trồ.” Yàng Jehôwa đơs behơ̆.

Sacari 9:16

Tòm ngai hơ̆, Jehôwa Yàng Tom Trồ bol khai dê rơp dong klàs bol khai, bơh bol khai la mpồl belàt làng bol Kơnràñ dê. Bol khai rơp àng gơcrà tòm lơgar Kơnràñ dê kung be ală lŭ màng hơđang sơgơn bơtau.

Luka 12:32

Ơ mpồl dềt, bañ rngòt, bơh Bèp bol mê niam nùs ai bol mê in lơgar.

Jang 10:27

Belàt Añ kơno jơnau Añ, Añ git bol gơ mơ bol gơ jat Añ.

Jang 11:52

Ò di mìng bơh làng bol lơm ò, mơya kung nàng pơjum tơrgòm dô bă bal ală kòn sau Yàng Tom Trồ dê neh nrah nring.

Yal Wơl 30:4

Bulah dilah bol mê neh kong cèng pơrdô tus hơ tiah lồi dut plai ù, bơh tềng hơ̆ Jehôwa Yàng Tom Trồ bol mê dê rơp pơjum tơrgòm, mơ cèng bol mê rê wơl bơh tềng hơ̆.

Yal Wơl 32:26

Añ neh đơs lah Añ rơp rsìh bol khai mơ jùt sang bơta kirsơnre bol khai dê bơh di jơi kòn mơnus,