Jeremi 31:1 - Sră Goh 2018

¹ Yàng Jehôwa đơs: “Tòm tŭ hơ̆, Añ rơp lơh gơs Yàng Tom Trồ jơh ală jơi bơtiàn Israel in; mơ bol khai rơp lơh gơs làng bol Añ jê.”

Jeremi 31:1 Mawu Ofanana

II Samuel 7:24

Mơ Yàng neh bơtào kơ̆ làng bol Israel să tòm Yàng in be la làng bol Yàng dê gam sùm sùm. Đah mơ Yàng, ơ Yàng Jehôwa, Yàng neh gơlik gơs Yàng Tom Trồ bol khai dê.

Đơs Crih 144:15

Lơngai làng bol lơi in geh bơta bơtoah bơtoài behơ̆! Lơngai làng bol lơi in gơs Jehôwa la Yàng Tom Trồ bol khai dê!

Đơs Crih 48:14

“Do la Yàng Tom Trồ, la Yàng Tom Trồ bol hi dê gam sùm sùm ò lồi. Kơnràñ rơp tề lam bol hi gam sùm sùm.”

Esai 20:6

Tòm ngai hơ̆, làng bol ơm rềp di gah dàlềng do rơp đơs lah: ‘Sền ne la bơta neh gơlik gơs di làng bol mơ bol he neh ơn nùs gơn kơnòm, di làng bol mơ bol he neh ràn tus mơ dan dong kòl mơ dong tă bơh di bơtau Asiri! Mơ bol he, mbe bol he geh klàs taih?’”

Esai 41:10

Bañ rngòt, bơh Añ ơm bal mơ mê; bañ rngòt rngơt, bơh Añ la Yàng Tom Trồ mê dê. Añ rơp lơh mê in pràn kơldang, Añ rơp dong kòl mê mơ rơp yò tơngguh mê mơ tê ma pha lin rlau Añ jê.

Jeremi 23:6

Tòm rài bơtau hơ̆, Juda rơp geh dong klàs; Israel rơp ơm lơngap lơngai, Mơ cau rơp sơnđan Bơtau hơ̆ lah: ‘Yàng Jehôwa bơta song ring bol he dê!’”

Jeremi 3:18

Tòm ală ngai hơ̆ hìu Juda rơp ơm dô bă bal mơ hìu Israel, mơ bol khai rơp tus dô bă bal bơh ù tiah đah đang rê wơl tòm ù tiah mơ Añ ai ồng pàng bol mê in lơh gơs sre brê.

Jeremi 30:10

Yàng Jehôwa đơs: ‘Ơ Jakôp, mê la dĭ gơna Añ, bañ rngòt. Ơ Israel, bañ rngòt rngơt! Añ rơp dong klàs mê bơh tiah ngài, Mơ jơi bơtiàn mê bơh lơgar kong kup cèng gơs dĭ. Jakôp rơp rê wơl geh ring lơngai mơ lơngap lơngai, Ò gơs cau lơi lơh khai in rngòt rngơt.’

Jeremi 30:22

Behơ̆ gen, bol mê rơp lơh gơs làng bol Añ, Añ rơp lơh gơs Yàng Tom Trồ bol mê.’”

Jeremi 30:24

Bơta gơhào gơjrañ Yàng Jehôwa dê ò ruc wơl Jơl tus di tŭ Kơnràñ neh lơh wil tơl, Nùs kòñ Kơnràñ dê. Tòm ală ngai lồi dut, Bol mê rơp wă wơng ală bơta hơ̆.

Jeremi 30:3

Yàng Jehôwa đơs lah: ‘Ală ngai nền cê ngan rơp tus, tŭ hơ̆ Añ rơp bơtào wơl sre brê làng bol Añ jê, Israel mơ Juda, Yàng Jehôwa đơs, mơ Añ rơp cèng bol khai in rê wơl tòm lơgar mơ Añ neh ai ồng pàng bol khai in, mơ bol khai rơp geh lơgar hơ̆ lơh gơs sre brê.’”

Jeremi 31:33

Yàng Jehôwa đơs: “Do la bơta ho bal mơ Añ rơp bơtào bal mơ hìu Israel tơnơ̆ mơ ală ngai hơ̆. Añ rơp ơn bơta boh lam Añ tòm dơngoh bol khai mơ cih tòm nùs bol khai. Añ rơp lơh gơs Yàng Tom Trồ bol khai, bol khai rơp lơh gơs làng bol Añ jê.

Jeremi 32:38

Bol khai rơp lơh gơs làng bol Añ, mơ Añ rơp lơh gơs Yàng Tom Trồ bol khai dê.

Jeremi 33:14

Yàng Jehôwa đơs tai: ‘Ală ngai nền cê ngan rơp tus, tŭ hơ̆ Añ rơp lơh wil tơl jơnau Añ neh ho mơ hìu Israel mơ hìu Juda.

Jeremi 33:7

Añ rơp cèng ală cau kong kup cèng gơs dĭ Juda mơ Israel rê wơl; bơt bơtào wơl bol khai kung be lài òr.

Jeremi 50:4

Yàng Jehôwa đơs: “Tòm ală ngai hơ̆ mơ tòm tŭ hơ̆, làng bol Israel mơ làng bol Juda dô bă bal rê wơl, lòt ndang ñìm ndang, jòi jat Jehôwa Yàng Tom Trồ bol khai dê.

Ejekiel 11:20

behơ̆ tàng bol khai rơp lơh jat ală bơta sồr lam Añ jê mơ kơrhia prap gàr ală bơta sồr lam Añ jê. Bol khai rơp lơh gơs làng bol Añ jê, mơ Añ rơp lơh gơs Yàng Tom Trồ bol khai dê.

Ejekiel 34:24

Añ la Yàng Jehôwa rơp lơh gơs Yàng Tom Trồ bol gơ dê, mơ cau duh broă Añ la Dabit rơp gơs bơtau digùl bol khai. Añ la Yàng Jehôwa neh đơs behơ̆.

Ejekiel 34:31

Bol mê la belàt Añ jê, la belàt ƀlàng ñhơt Añ jê, mơ Añ la Yàng Tom Trồ bol mê dê,’ Jehôwa Yàng Tom Trồ đơs behơ̆.”

Ejekiel 36:28

Bol mê rơp ơm tòm lơgar mơ Añ neh ai ồng pàng bol mê in; bol mê rơp lơh gơs làng bol Añ jê, mơ Añ rơp lơh gơs Yàng Tom Trồ bol mê dê.

Ejekiel 39:22

Hìu Israel rơp git Añ la Jehôwa Yàng Tom Trồ bol khai dê, bơh ngai hơ̆ tus di ală ngai rơp tus.

Ejekiel 39:25

Gen tàng, Jehôwa Yàng Tom Trồ đơs be do: “Tŭ do Añ rơp cèng Jakôp rê wơl bơh di tiah kong kup cèng pơrdô; Añ rơp nđàc sơngit di jơh hìu Israel, mơ Añ rơp ƀoah pơrhiat bơh sơnđan sàng goh Añ jê.

Sră Ôse 1:11

Làng bol Juda mơ làng bol Israel rơp geh tơrgòm dô bă bal, bol khai rơp pồ bơtào mìng dô nă cau kwang at bồ; bol khai rơp dòp sre brê bơh ù tiah do, bơh ngai Jejreel dê rơp la ngai dờng.”

Lebi 26:12

Añ rơp lòt digùl bol mê mơ lơh gơs Yàng Tom Trồ bol mê dê, mơ bol mê rơp lơh gơs làng bol Añ jê.

Sacari 13:9

Añ rơp cèng tơmut dô pơnah pe hơ̆ tòm ồs, Añ rơp tiar bol khai kung be priă, mơ lòng bol khai kung be màh. Bol khai rơp hòi di sơnđan Añ, mơ Añ rơp ho wơl bol khai; Añ rơp đơs lah: ‘Bol khai la làng bol Añ jê,’ mơ bol khai rơp đơs lah: ‘Yàng Jehôwa la Yàng Tom Trồ bol hi dê.’”

Jang 20:17

Yàng Jesu đơs lah: “Bañ ƀư di Añ, bơh Añ òhềt guh rê hơ Bèp. Mơya ai lòt tus tĕ hơ oh mi Añ, mơ đơs mơ bol khai lah: Añ guh rê hơ Bèp Añ, mơ la Bèp bol mê sơl, hơ Yàng Tom Trồ Añ mơ la Yàng Tom Trồ bol mê sơl.”

II Kôrintô 6:16

Hìu duh khoai Yàng Tom Trồ dê geh tòm rsò bal mơ rùp ràk sơl ơ? Bơh bol he la hìu duh khoai Yàng Tom Trồ gam kis sùm dê, be Yàng Tom Trồ neh đơs lah: “Añ rơp ơm tòm bol khai, lòt rê digùl bol khai; Añ rơp lơh gơs Yàng Tom Trồ bol khai dê, Mơ bol khai rơp lơh gơs làng bol Añ jê”

Hebrơ 12:16

bañ gơs cau lơi tìs glài rềs àr bơrnàn, hala cau jat dunnia be Esau, khai tac gơnoar kòn tơnhoa khai dê, mìng dòp dô nơm phan sa lơm.