Jeremi 30:8 - Sră Goh 2018

⁸ Yàng Jehôwa Gơnap Gơnoar đơs lah: ‘Tòm ngai hơ̆, Añ rơp dơrpă yô bơh di ngko mê; Rơp gơltac che cap mê, Cau crih mat rơp ò kup bol khai duh broă tai;

Jeremi 30:8 Mawu Ofanana

Đơs Crih 107:14

Kơnràñ tă tơlik bol khai klàs bơh bơta jơngo mơ mƀur klam cik, Kung dơrkă gơltac che sreng neh kơt bol khai.

Esai 10:27

Tòm ngai hơ̆, ơnòng kơnjơ̆ khai dê rơp geh tă tơlik bơh di pơnì bol mê dê, mơ yô khai rơp kòl tơnroh bơh dê ngko bol mê dê. Bol khai neh guh bơh Rimmôn.

Esai 14:1

Mơya Yàng Jehôwa rơp nđàc sơngit di Jakôp; dô dơ̆ tai Kơnràñ rơp sac rwah Israel, mơ rơp ơn bol khai tòm lơgar tòm bol khai dê. Cau lơgar bơdìh rơp tus tòmklac mơ bol khai, mơ lơh gơs dô bă bal mơ hìu Jakôp dê.

Esai 14:25

Añ rơp dơrpă cau Asiri tòm lơgar Añ; Añ rơp jă lề khai hơđang ală mơnơm hơđơm jơng Añ jê. Yô khai dê rơp geh hồ tă bơh di làng bol Añ jê, mơ ơnòng kơnjơ̆ khai dê geh tă bơh di pơnì bol khai dê.”

Esai 14:3

Tòm tŭ Yàng Jehôwa ai bol mê in rlô bòl, bơh bơta jê sồt, dơrcul, lơh broă kơnjơ̆ bơh dê ală cau rồn bơklơn mê,

Esai 9:4

Kung be tòm ngai Midian kong lơh alah, Yàng neh tă yô kơnjơ̆ bol khai neh àñ, tă mơng lơh glài cau kơt gan hơđang pơnì bol khai, mơ gai pù ơlih bơh di cau rồn bơklơn bol khai.

Jeremi 2:20

“Bơh lài òr Añ neh dơrpă yô mê dê, Gơltac che sreng mê dê, Mơ mê đơs lah: ‘Añ rơp ò duh broă!’ Hơđang kòp nơm dòr jơnhoa, mơ hơđơm kòp nơm chi tơlir, Mê neh kun să mơ lơh bơta dri tơlàr.

Jeremi 25:14

Mơ tai, rơp gơs oă lơgar mơ ală cau bơtau dờng kup cau Kalde gơs dĭ, mơ Añ rơp tơm wơl bol khai in jat broă bol khai lơh, mơ jat broă tê bol khai neh lơh.’”

Jeremi 27:2

Yàng Jehôwa đơs mơ añ be do: “Mê lơh tĕ dô nơm yô mơ che gơltau he in, mơ ơn hơđang ngko mê.

Jeremi 27:7

Jơh ală lơgar rơp dòn duh khai, kòn khai, sau khai, jơl tus di tŭ tơngai lơgar khai di neh tus; tŭ hơ̆ oă lơgar mơ ală bơtau dờng rơp kup khai dòn duh wơl.

Jeremi 28:10

Gen cau gơnoar hwơr Hanania tă dô nơm yô bơh di ngko cau gơnoar hwơr Jeremi, mơ dơrpă gơ.

Jeremi 28:13

“Mê pal lòt tus đơs mơ Hanania lah: ‘Mê neh dơrpă dô nơm yô mơ chi; mơya lơh dô nơm yô mơ lòs ala wơl.

Jeremi 28:4

Yàng Jehôwa đơs: ‘Añ kung rơp cèng Jekônia, kòn klau Jehôyakim, bơtau Juda, mơ kòp nă cau Juda gơkòl kup cèng lơh dĭ tus tòm lơgar Babilôn, gen kung rê wơl tòm tiah do tai sơl; bơh Añ rơp dơrpă yô bơtau Babilôn dê.’”

Ejekiel 30:18

Tòm Tahphanes, trồ ngai rơp gơlik jơngo cik, tòm tŭ Añ dơrpă gơnoar at bồ Ejiptơ dê; bơta pràn kơldang mơ gơ jòng să rơp lồi. Ƀòn dờng rơp kòl jơm gòm bơh dô puk mhwal, mơ ală kòn ùr gơ dê rơp kong kup cèng pơrdô.

Ejekiel 34:27

Ală chi tòm ƀlàng rơp gơlik plai bol gơ dê, mơ ù tiah rơp bơtơl oă cồng nha gơ dê; bol khai rơp ơm lơngap lơngai tòm ù bol khai dê, mơ bol khai rơp git Añ la Yàng Jehôwa tòm tŭ Añ dơrpă ală yô bol khai dê, mơ dong tă bol khai klàs bơh di tê ală cau kup dĭ bol khai.

Nahum 1:13

Tŭ do Añ rơp dơrpă yô bol khai dê bơh di ngko mê, mơ gơltac che sreng neh kơt mê.”