Jeremi 30:2 - Sră Goh 2018

² “Jehôwa, Yàng Tom Trồ Israel dê, đơs be do: ‘Cih tĕ tòm dô nơm sră jơh ală jơnau Añ neh đơs mơ mê.’

Jeremi 30:2 Mawu Ofanana

Lik Ejiptơ 17:14

Gen Yàng Jehôwa đơs mơ Môise lah: “Cih tĕ bơta do tòm dô dap sră pồt nàng lơh kirsơnre, mơ yal wơl Jôsue in kơno, tài bơh Añ rơp jùt jơh bơta kirsơnre Amalek dê bơh tòm tiah trồ do.”

Esai 30:8

Tŭ do lòt tĕ, cih tĕ gơ di đap bol khai in hơđang dô nơm mpàn cih mơ cih tĕ tòm sră pồt, behơ̆ gơ rgơi lòi lơh cơng wơl ală rài tơnơ̆ gam sùm sùm in.

Esai 8:1

Yàng Jehôwa đơs mơ añ lah: “Ai tĕ dô nơm mpàn dờng, mơ cih hơđang hơ̆ mơ jơnau cih kòn mơnus dê lah: ‘Maher Salal Hasbas.’”

Jeremi 25:13

Bơh jơnau Añ neh đơs tòmdră mơ lơgar hơ̆, hơ̆ la jơnau cih tòm sră do, la jơnau Jeremi neh đơs hwơr tòmdră mơ jơh ală lơgar, gen rơp gơlik gơs lơgar hơ̆ in.

Jeremi 30:1

Gơs jơnau Yàng Jehôwa dê đơs mơ Jeremi lah:

Jeremi 36:28

“Ai tĕ dô dap sră ndai, mơ cih wơl kòp jơnau neh cih tòm dap sră lài mơ Jehôyakim, bơtau Juda, neh chu rau.

Jeremi 36:32

Gen Jeremi ai dô dap sră ndai tong cau gơnoar cih Baruk, kòn klau Neriya in; Baruk bơh bơr Jeremi mơ cih wơl kòp jơnau tòm dap sră lài mơ Jehôyakim bơtau Juda, neh chu tòm ồs. Gơs oă jơnau tòm toh bal neh bơtơl tòm hơ̆.

Daniel 12:4

Ai mê, Ơ Daniel, prap gàr tĕ bơta ndơp ndơr mơ tap ƀang kì ală jơnau tòm sră do jơl tus di tŭ tơngai lồi dut. Oă cau rơp lòt tềng do tềng dă mơ bơta git wă rơp gơbơtơl tai.”

Rôma 15:4

Bơh ală bơta neh cih bơh yau la cih nàng bơto sồr bol he, tồ bơh bơta kơ̆ nền mơ bơta chồl pơndòm Sră Goh dê mơ bol he geh bơta gơn kơnòm.

I Kôrintô 10:11

Mơ tai, ală bơta hơ̆ neh gơtơntus bol khai in nàng lơh krơh, mơ neh cih nàng bơto tơngkah bol he, la cau ơm tòm rài lồi dut.

Yal Wơl 31:19

Tŭ do cih tĕ mê in jơnau đơs chò do, mơ bơto ală cau Israel in; mơ sồr bol khai đơs chò jơnau hơ̆ tồ gơlik gơs dô jơnau lơh cơng tòmdră mơ làng bol Israel.

II Pier 1:21

bơh ò gơs jơnau gơnoar hwơr lơi bơh nùs is dô nă cau lơi mơ gơs, mơya hơ̆ la bơh Yàng Hwềng Goh lơh rngoh rngac mơ cau neh đơs jơnau Yàng Tom Trồ dê.

Yal Tơlik 1:11

“Cih tĕ bơta mê gŏ tòm dô dap sră mơ pơyoa poh nơm Hìu Jum Goh in: Hìu Jum Goh Ephesô, Simirnơ, Pergam, Thiatirơ, Sardis, Philadelphi, mơ Laodise.”

Yal Tơlik 1:19

Tŭ do cih tĕ ală bơta mê gŏ, ală bơta gơs tŭ do mơ ală bơta rơp gơlik tus tơnơ̆.