Jeremi 30:18 - Sră Goh 2018

¹⁸ Yàng Jehôwa đơs be do: ‘Añ rơp cèng ală sàl Jakôp rê wơl klàs bơh bơta kup cèng gơs dĭ, Añ rơp nđàc sơngit tiah ơm khai dê; Ƀòn do rơp bơt bơtào wơl hơđang tiah tơrlah tơrling gơ dê, Hìu gơlang rơp geh bơtào di tiah yau òr.

Jeremi 30:18 Mawu Ofanana

I Yal Yau 29:1

Bơtau Dabit đơs mơ jơh mpồl jơnum làng bol lah: “Salômôn kòn klau añ la cau mơ Yàng Tom Trồ neh sac rwah la gam kơnòm mơ ò git làm, mơ broă lơh do la dờng, tài bơh hìu duh khoai rơp ò di la kòn mơnus in mơya Jehôwa Yàng Tom Trồ in.

I Yal Yau 29:19

Mơ dan ai Salômôn kòn klau añ jê jơh nùs dòn bơr lơh jat ală jơnau gơnoar sồr, ală bơta sồr lam, mơ ală bơta lơh nền Kơnràñ dê, mơ lơh jơh ală bơta nàng bơt bơtào hìu duh khoai, bơh ală phan hơ̆ añ neh rcang sir.”

Nehemi 7:4

Ƀòn hơ̆ la dờng mơ ơnàng, ai làng bol tòm dơlam gơ gơs mìng dô êt, mơ ală hìu gen òhềt geh bơt bơtào.

Đơs Crih 102:13

Yàng rơp guh mơ nđàc sơngit di Siôn; Do la tŭ ai bơta nđàc Siôn in, bơh tŭ tơngai lơh nền neh tus rau.

Đơs Crih 102:14

Bơh ală cau duh broă Yàng dê kòñ gơboh ală pơnai lŭ Siôn dê, Mơ nđàc sơngit di kơmbuh ù gơ.

Đơs Crih 122:7

Dan bơta ring lơngai ơm đah dơlam dơrñang mê dê. Mơ dan ală theng kơp gàr mê dê geh ơm lơngap lơngai!”

Đơs Crih 48:13

Sền sơwì tĕ di ală theng kơp gàr, lòt làm tĕ ală gơlang gơ dê, Tồ bol mê rơp yal wơl jơi bơtiàn rài tơnơ̆ in lah:

Đơs Crih 48:3

Digùl ală gơlang gơ dê Yàng Tom Trồ neh ràng tơlik să tòm Kơnràñ be dô bă tiah kìng crŭ kơ̆ cê.

Đơs Crih 78:69

Kơnràñ bơt hìu sàng goh Kơnràñ dê ndròm be ală tap trồ jòng, Ò gơkrơi be plai ù mơ Kơnràñ neh bơtào gơs gam sùm sùm.

Đơs Crih 85:1

Ơ Yàng Jehôwa, Kơnràñ neh ai bơta nđàc lơgar Kơnràñ in, Ai wơl Jakôp in bơta bơtoah bơtoài.

Esai 44:26

la Bơtau neh lơh gơlik gơs tòm toh be jơnau đơs ală cau duh broă Añ jê, mơ lơh gơlik di ngan ală jơnau đơs lài ală cau kong sồr Añ jê, la Bơtau neh đơs bơh Jerusalem lah: ‘Gơ rơp gơs cau ơm tòm hơ̆,’ bơh ală ƀòn dờng Juda lah: ‘Gơ rơp geh bơt bơtào, Añ rơp bơt bơtào wơl ală tiah hơ̆;’

Esai 44:28

đơs bơh Sirus lah: ‘Khai la cau ê belàt Añ jê; mơ rơp lơh gơlik gơs jơh ală bơta Añ niam nùs;’ Kơnràñ rơp đơs bơh Jerusalem lah: ‘Lòi gơ rơp geh bơt bơtào wơl,’ mơ đơs bơh hìu duh khoai lah: ‘Mơnàng mê dê rơp geh bơt.’”

Jeremi 23:3

Să tòm Añ rơp tơrgòm wơl ală belàt gam wơl tòm mpồl Añ jê, lik bơh ală lơgar mơ Añ neh bơtrơh bol khai. Añ rơp cèng bol khai rê wơl tòm wàng bol khai dê; bol khai rơp geh tơnggơs bơtơl oă.

Jeremi 29:11

Yàng Jehôwa đơs: “Bơh Añ git bơta kơlôi sơnơng Añ jê gơwèt mơ bol mê, la bơta kơlôi sơnơng lơngap lơngai, ò di la rung rài, nàng bol mê in geh bơta gơn kơnòm tòm ngai tơnơ̆ bol mê dê.

Jeremi 29:14

Yàng Jehôwa đơs: “Añ rơp ai bol mê in jòi bàn Añ, rơp bơtào wơl ală sre brê bol mê dê, mơ rơp tơrgòm bol mê bơh ală lơgar mơ bơh ală tiah Añ neh bơtrơh bol mê, mơ Añ rơp cèng brê bol mê wơl hơ tiah Añ neh tă bol mê.”

Jeremi 30:3

Yàng Jehôwa đơs lah: ‘Ală ngai nền cê ngan rơp tus, tŭ hơ̆ Añ rơp bơtào wơl sre brê làng bol Añ jê, Israel mơ Juda, Yàng Jehôwa đơs, mơ Añ rơp cèng bol khai in rê wơl tòm lơgar mơ Añ neh ai ồng pàng bol khai in, mơ bol khai rơp geh lơgar hơ̆ lơh gơs sre brê.’”

Jeremi 31:23

Yàng Jehôwa Gơnap Gơnoar Dờng Làm Jơh la Yàng Tom Trồ Israel dê đơs be do: “Tòm tŭ añ cèng bol khai rê wơl bơh di tiah kong kup cèng pơrdô gen làng bol tòm lơgar Juda mơ tòm ală ƀòn dờng gơ dê rơp dô dơ̆ tai đơs ală jơnau do: ‘Dan Yàng Jehôwa ai lơngai mê in, Ơ tiah ơm bơta song ring, ơ mơnơm sàng goh.’

Jeremi 31:38

Yàng Jehôwa đơs: “Ală ngai rơp tus, tŭ ƀòn dờng rơp geh bơt bơtào wơl Yàng Jehôwa in, bơh Theng Hananel tus di Mpồng Mum.

Jeremi 31:4

Ơ kòn ơruh Israel dê! Añ rơp bơtào wơl bol ai, gen bol ai rơp geh bơtào, Bol ai rơp at wơl sơnggơr dềt ai dê, Lòt bal mơ ală cau tòmya chò hòp.

Jeremi 31:40

Jơh tiah tòm thòng gơs ală ƀồc mơ bùh, jơh ală ƀlàng sre tus di Thòng Kidrôn mơ tus di mum Mpồng Ơseh bơh đah mattơngai lik, gen rơp geh ơn is goh Yàng Jehôwa in. Gơ rơp ò kong dus sang hala kong tơnroh tai.”

Jeremi 32:15

Bơh Yàng Jehôwa Gơnap Gơnoar Dờng Làm Jơh la Yàng Tom Trồ Israel dê, đơs be do: ‘Cau rơp gam blơi hìu, sre, mơ suơn ño tòm lơgar do tai sơl.’

Jeremi 32:44

Cau rơp ngui khà priă blơi sre tềng hơ̆, cih sră cơng tàng tac, tap ƀang kì, cau lơh cơng, tòm lơgar Benjamin mơ gùt dar Jerusalem, tòm ală ƀòn dờng Juda mơ tòm ală ƀòn tiah mơnơm, ală ƀòn tiah ring mơ ală ƀòn tiah Negep. Bơh Añ rơp cèng ală cau kong kup cèng gơs dĭ rê wơl.’” Yàng Jehôwa đơs behơ̆.

Jeremi 33:11

gen cau rơp kơno sap driau chò mơ hòn chò, sap cau bơrtơu pa mơ sap cau ƀan pa, sap ală cau đơs chò kung be bol khai cèng phan ơn pơdơng tòm hìu Yàng Jehôwa dê: “Ưnngài tĕ Yàng Jehôwa Gơnap Gơnoar, Bơh Yàng Jehôwa la niam, Bơta kòñ gơboh kơ̆ dơn Kơnràñ dê gam sùm sùm!” Bơh Añ rơp bơtào wơl lơgar do in be lài òr,’ Yàng Jehôwa đơs behơ̆.

Jeremi 33:7

Añ rơp cèng ală cau kong kup cèng gơs dĭ Juda mơ Israel rê wơl; bơt bơtào wơl bol khai kung be lài òr.

Jeremi 46:27

Ai mê, ơ dĭ gơna Añ la Jakôp, bañ rngòt!; Ơ Israel, bañ rngòt rngơt! Bơh Añ rơp dong tă mê bơh lơgar ngài, rơp lơh jơi bơtiàn mê lik bơh lơgar bol khai kong kup gơs dĭ. Jakôp rơp rê wơl, geh lơngap lơngai, ò gơs cau lơi lơh khai in rngòt rngơt tài.”

Jeremi 49:39

Mơya tòm ală ngai tơnơ̆, Añ rơp cèng ală cau kong kup lơh dĭ Elam dê rê wơl.” Yàng Jehôwa đơs behơ̆.

Jeremi 49:6

Mơya tơnơ̆ hơ̆, Añ rơp cèng ală kòn sau Ammôn kong kup cèng gơs dĭ rê wơl.” Yàng Jehôwa đơs behơ̆.

Ejekiel 36:11

Añ rơp ai bơtơl khà kòn mơnus mơ phan poan jơng hơđang bol mê, bol khai rơp gơbơtơl mơ gơlik oă. Añ rơp lơh mê in gơs làng bol ơm kung be lài òr, mơ ai bol mê in oă bơta niam rlau mơ lài òr. Gen bol mê rơp git Añ la Yàng Jehôwa.

Amôs 9:14

Añ rơp cèng brê wơl làng bol Israel Añ jê neh kong kup cèng gơs dĭ; bol khai rơp bơt bơtào wơl ală ƀòn dờng neh kong tơnroh mơ ơm tòm ală ƀòn dờng hơ̆. Bol khai rơp tam ală suơn ño mơ ñô tơrnòm gơ dê; bol khai rơp lơh suơn mơ sa plai gơ dê.

Sacari 1:12

Gen cau gơnrơh Yàng Jehôwa dê đơs lah: “Ơ Yàng Jehôwa Gơnap Gơnoar Dờng Làm Jơh! Nđò jŏ tai Kơnràñ gam ò nđàc sơngit di Jerusalem mơ ală ƀòn dờng Juda dê mơ Kơnràñ neh gơhào gơjrañ tòm poh jơt sơnam taih?”

Sacari 1:16

Gen tàng Yàng Jehôwa đơs be do: ‘Añ ai nùs nđàc sơngit mơ rê wơl hơ Jerusalem; tềng hơ̆ hìu Añ rơp bơt bơtào wơl. Mơ che was rơp dang hơđang Jerusalem.’ Yàng Jehôwa Gơnap Gơnoar Dờng Làm Jơh đơs behơ̆.

Sacari 12:6

Tòm ngai hơ̆, Añ rơp lơh ală cau kwang at bồ Juda in gơlik gơs kung be dô nơm bơnhă ồs ơm digùl dô gơnru lòng, kung be dô nơm sơmpòl ồs ơm digùl ală cap kòi. Bol khai rơp chu pơrguc đah ma mơ đah kiau, jơh ală làng bol ơm gùt dar; mơ tŭ hơ̆ Jerusalem rơp geh cau ơm tai tòm tiah gơ dê, tòm Jerusalem.”

Sacari 12:7

Yàng Jehôwa rơp ai bơta pha lin ală sàl ơm cau Juda dê sơnròp ngan, tồ bơta gơklŏ hìu Dabit dê mơ làng bol Jerusalem dê ò geh lin rlau mơ Juda.

Sacari 14:10

Jơh plai ù, bơh Geba jơl tus hơ Rimmôn, đah đơm Jerusalem, rơp gơlik gơs kung be Arabah. Mơya Jerusalem rơp geh tơngguh jơnhoa hơđang tòm tiah gơ dê, bơh Mpồng Benjamin tus di tiah Mpồng Sơnròp, tus di Mpồng Mum, mơ bơh Theng Hananel tus di tiah pat tơrnòm ño cau bơtau dê.