Jeremi 30:17 - Sră Goh 2018

¹⁷ Yàng Jehôwa đơs: ‘Añ rơp ai wơl bơta pràn mê in, Mơ tềl sồt mê dê Añ rơp sơm, Bơh bol khai neh sơnđan mê la cau kong sang lòi: “Hơ̆ la Siôn, ò gơs cau lơi wèt sền tai!”’

Jeremi 30:17 Mawu Ofanana

Sră Jop 5:18

Bơh Kơnràñ lơh sồt, mơya Kơnràñ pùt wơl, Kơnràñ lơh jê, mơya tê Kơnràñ sơmbòi.

Đơs Crih 103:3

Hơ̆ la Kơnràñ toh jơh ală tồi glài iơh bơsak mê dê, Sơmbòi jơh ală bơta kòp jê mê dê.

Đơs Crih 107:20

Kơnràñ ai jơnau đơs Kơnràñ dê mơ sơmbòi bol khai, Mơ dong tă bol khai bơh bơta tơnroh.

Đơs Crih 12:5

Yàng Jehôwa đơs lah: “Tŭ do Añ rơp guh, Tài bơh cau rƀah gơkòl rồn bơklơn, mơ cau siơ̆u siar pơt wòl; Añ rơp ơn khai tòm tiah ring lơngai, la tiah khai kơp kòñ.”

Đơs Crih 142:4

Dan sền hơ đah ma añ mơ sền sơwì, Mơya ò gơs cau lơi kơlôi di añ; ò gơs tiah lơi nàng añ kìng crŭ, Ò gơs cau lơi kơlôi rcang añ in.

Đơs Crih 23:3

Kơnràñ ai pràn wơl hwềng soàn añ in, Lam añ lòt tòm ală gùng song ring tài bơh bơta ryŭ ryơm sơnđan Kơnràñ dê.

Lik Ejiptơ 15:26

Kơnràñ đơs lah: “Dilah bol mê iat nền nền jơnau đơs Jehôwa Yàng Tom Trồ bol mê dê, mơ lơh bơta di ngan di đap Kơnràñ, dilah bol mê ơn nùs tồr di ală jơnau sồr Kơnràñ dê mơ prap gàr jơh ală bơta sồr lam Kơnràñ dê, gen Añ rơp ò đùh hơđang bol mê dô bơta kòp jê lơi tòm ală bơta kòp jê mơ Añ neh đùh hơđang cau Ejiptơ, bơh Añ la Yàng Jehôwa, Bơtau sơmbòi kòp jê bol mê in.”

Esai 11:12

Kơnràñ rơp bơtào dô nơm bồng bi ală lơgar in, mơ rơp pơjum wơl ală cau Israel neh kòl sang lòi; Kơnràñ rơp tơrgòm wơl làng bol Juda neh gơprah gơpring bơh di poan đah plai ù.

Esai 30:26

Mat kơnhai rơp àng kung be mattơngai, mơ bơta àng mattơngai dê rơp àng poh dơ̆ rlau, be bơta àng poh ngai wil tơl, tòm ngai Yàng Jehôwa pùt ală tiah sồt làng bol Kơnràñ dê mơ sơmbòi tềl sồt mơ Kơnràñ neh lơh di bol khai bơh nhơm khồm Kơnràñ dê.

Esai 33:24

Ò gơs cau lơi ơm tòm Siôn rơp đơs lah: “Añ kòp jê,” cau ơm tềng hơ̆ rơp geh toh bơta tồi glài bol khai dê.

Esai 54:6

Bơh Yàng Jehôwa neh hòi ai, be bau ùr neh kong sang lòi mơ jê sồt moat jrùng tòm hwềng nùs, be dô nă bau ùr neh tòmbau tòm tŭ gam ơruh mơ neh kong sang lòi.” Yàng Tom Trồ ai dê đơs behơ̆.

Esai 56:8

Yàng Jehôwa la Yàng Tom Trồ Bơtau pơjum tơrgòm wơl ală cau nrah nring tòm Israel, đơs lah: “Di gah bol khai la ală cau Añ neh pơjum tơrgòm, Añ rơp pơjum tơrgòm ală cau ndai tai tus bal mơ bol khai.”

Esai 57:18

Añ neh sền gŏ ală gùng dà bol khai dê, mơya Añ rơp sơmbòi bol khai; Añ rơp tề lam bol khai mơ tơm wơl bol khai in mơ bơta pơndòm pơniang, tơnggơs bơta jòng ro di sơndồi ală cau ñìm ƀồc.

Esai 57:19

Yàng Jehôwa đơs lah: ‘Lơngap lơngai, lơngap lơngai ală cau in ơm ngài mơ ơm rềp, mơ Añ rơp sơmbòi bol khai in.’

Esai 58:8

Gen bơta àng bol mê dê rơp pơnđàng sòl kung be rìng àng drim, mơ ală tềl sồt bol mê dê rơp geh sơmbòi mhar; gen cau dong tò bol mê dê rơp lòt di đap bol mê, mơ bơta gơklŏ Yàng Jehôwa dê rơp ê gàr đah ngkòi bol mê.

Esai 60:15

Bulah mê neh kong sang lòi mơ gơjrañ kơuềng, ò gơs cau lơi lòt gan di mê; Añ rơp lơh mê in geh ryŭ ryơm gam sùm sùm, mơ dô bơta hòn chò bơh rài do tus rài ne in.

Jeremi 10:20

Sàl añ jê neh kong tơnroh, Ală che añ jê kòl gơltac jơh, Ală kòn añ sang lòi añ, Bol khai ò gam tai. Ò gơs cau nàng lì sàl añ tai Mơ cang bài kơrnìng añ in.

Jeremi 17:14

Khoai Yàng Jehôwa! Dan Kơnràñ sơm añ gen añ rơp geh bòi; Dan Kơnràñ dong añ gen añ rơp geh dong klàs; Bơh Kơnràñ la bơta jòng ro añ jê.

Jeremi 3:22

“Ơ kòn sau pơrlơ̆ dră, rê wơl tĕ! Añ rơp sơm bơta ò dòn song bol mê dê.” Bol mê đơs lah: “Do, bol hi rê wơl mơ Kơnràñ, Bơh Kơnràñ la Jehôwa Yàng Tom Trồ bol hi dê.

Jeremi 30:13

Ò gơs cau lơi dong tò broă mê dê Ò gơs sơnơm lơi sồt rmàñ mê in, Ò gơs bơta sơmbòi mê in.

Jeremi 33:24

“Ngan mê ò ai tồr iat làng bol do đơs ơ? Bol khai đơs: ‘Bàr jơi bơtiàn Yàng Jehôwa neh sac rwah, gen Kơnràñ neh sang lòi rau.’ Behơ̆, bol khai sền òsơp làng bol Añ jê, sền làng bol do ò di la dô nơm lơgar tai!

Jeremi 33:6

Mơya, Añ rơp ai pràn, mơ sơmbòi gơ in; Añ rơp sơm bol khai mơ ai bol khai in gŏ bơta tơngkah tơngkañ bơta lơngap lơngai mơ dong tă.

Jeremi 8:22

Tòm Galaat ò gơs kơlhô ơ? Ò gơs cau gơnoar sơnơm ơm tềng hơ̆ ơ? Behơ̆, ñchi bơh tài bơta kòp jê làng bol añ jê ò geh sơmbòi taih?

Ñìm Rac 2:15

Ală cau lòt gan gùng tàp tê di ai; bol khai hwac mơ rtơs bồ di kòn ùr Jerusalem, lah: “Ngan do la ƀòn dờng cau sơnđan lah bơta hàng mơnĕ wil tơl, bơta hòn chò jơh plai ù dê sơl ơ?”

Ejekiel 34:16

‘Añ rơp jòi belàt neh roh, cèng brê wơl belàt neh tìs nrah. Añ rơp pùt belàt neh kong sồt, mơ lơh pràn wơl belàt lơbơn lơño, mơya belàt lơmă mơ pràn añ rơp tơnroh. Añ rơp ròng siam bol gơ mơ bơta song ring.’

Ejekiel 35:12

Gen mê rơp git Añ, la Yàng Jehôwa, neh kơno jơh ală jơnau bơtat bơtròh mê neh đơs tòmdră mơ ală mơnơm Israel dê. Mơ neh đơs lah: “Ală mơnơm hơ̆ neh gơkòl lòi srau gòi mơ neh jào phi bol he in nàng sa loan.”

Ejekiel 36:20

Mơya tòm tŭ bol khai neh tus hơ ală làng bol, bol khai neh lơh cau in sền òsơp di sơnđan sàng goh Añ jê, bơh bơta hơ̆ cau neh đơs bơh bol khai lah: ‘Do la làng bol Yàng Jehôwa dê bulah behơ̆ bol khai pal lik lòt bơh di lơgar Kơnràñ dê!’

Sră Ôse 11:3

Hơ̆ la să tòm Añ neh bơto Epraim in git lòt, Añ kơnđu bol khai tòm tơwòr tê Añ jê; mơya bol khai ò đal git să tòm Añ neh sơm bol khai in.

Sră Ôse 6:1

“Tus tĕ, bol he rê wơl hơ Yàng Jehôwa, bơh Kơnràñ neh crè bol he, mơ Kơnràñ rơp sơmbòi bol he; Kơnràñ neh lơh bol he, mơya Kơnràñ rơp pồt wơl bol he.

Malaci 4:2

Mơya đah pơnah bol mê la cau duh rngòt di sơnđan Añ, mattơngai bơta song ring dê rơp guh, mơ bơta sơmbòi kòp jê ơm tòm ală pơnđar gơ dê. Bol mê rơp lik lòt mơ sơnđoh kung be kơnrồ me lik bơh wàng gơ dê.

I Pier 2:24

Să tòm Kơnràñ neh àñ ơnòng tồi glài bol he dê tòm să jan Kơnràñ hơđang chi pơng, nàng bol he in chơt gơwèt hơ tồi glài mơ kis gơwèt hơ bơta song ring. Bơh kơnòm di ală tềl sồt Kơnràñ dê mơ oh mi neh geh sơmbòi.

Yal Tơlik 22:2

Gơhòr mù digùl gùng ƀòn dờng. Di bàr đah ƀòng hiòng kung gơs chi bơta kis gơlik jơt bàr bơta plai, kòp kơnhai dô dơ̆ gơlik plai mơ ală nha chi hơ̆ ngui nàng sơmbòi ală làng bol.