Jeremi 30:16 - Sră Goh 2018

¹⁶ Gen tàng ală cau loan mê rơp kong loan; Jơh ală cau sò tơm mê, kòp nă rơp kong kup cèng gơs dĭ; Ală cau phà kơñau bol mê rơp kong phà kơñau, Ai ală cau ơn dòm mê, Añ kung rơp lơh khai in kong ơn dòm.’

Jeremi 30:16 Mawu Ofanana

Đơs Crih 129:5

Dan ală cau gơjrañ kơuềng di Siôn kong ƀàssìl mơ ruc wơl.

Lik Ejiptơ 23:22

Dilah mê iat nền nền di jơnau lơi khai đơs, mơ lơh jat jơh ală jơnau Añ đơs, Añ rơp la cau sò tơm di cau sò tơm mê dê, mơ rơp tòmdră mơ cau tòmdră di mê.

Jơnau Pơnđik 22:23

Bơh Yàng Jehôwa rơp dong tò jơnau tò să bol khai, mơ tă tơlik bơta kis cau neh kơñau sơmbrơt bol khai.

Esai 14:2

Ală lơgar rơp tă bol khai, mơ cèng bol khai rê wơl hơ tiah bol khai dê. Hìu Israel rơp kup ală làng bol lơh gơs phan tòm, gơs dĭ klau dĭ ùr tòm ù tiah Yàng Jehôwa dê. Bol khai rơp kup dĭ ală cau neh kup bol khai lơh gơs dĭ, mơ at bồ cau neh rồn bơklơn bol khai.

Esai 33:1

Bòl glar mê in, ơ cau tơnroh cau, mê la cau òhềt kong tơnroh! Ơ mê la cau pơrlơ̆ dră, mơ ală cau òhềt kong pơrlơ̆ dră! Tòm tŭ mê neh sir tơnroh cau, mê rơp kong tơnroh; mơ tòm tŭ mê sir pơrlơ̆ dră di cau, mê rơp kòl cau pơrlơ̆ dră.

Esai 54:15

Dilah gơs cau guh brồ lơh ai, bơta hơ̆ rơp ò di tus bơh Añ; cau lơi brồ lơh ai rơp kong alah di đap ai.

Esai 54:17

Ò gơs phan tòmlơh lơi neh tiar rgơi tòmdră pha rlau mơ ai, mơ ai rơp pơndang sang kòp nơm lơmpiat yă ai tòm tiah cahrña. Hơ̆ la pơnah sre brê ală cau duh broă Yàng Jehôwa dê, mơ bơta tò să bol khai dê tus bơh di Añ.” Yàng Jehôwa đơs behơ̆.

Jeremi 10:25

Dan Kơnràñ tuh bơta gơjrañ dờng Kơnràñ dê hơđang ală lơgar ò git Kơnràñ, Mơ hơđang ală làng bol ò hòi dan dê sơnđan Kơnràñ. Bơh bol khai neh sa loan Jakôp, Mơ neh sa loan; Bol khai neh sa pơrguc Jakôp, mơ lòi srau gòi tiah ơm khai dê.

Jeremi 12:14

Yàng Jehôwa đơs be do: “Ală cau gơp ƀòn iơh Añ jê, la cau tòmpìt sre brê mơ Añ neh ai làng bol Añ in, la Israel, lơh gơs phan jơtài: Añ rơp dus bol khai bơh digùl ù tiah bol khai dê, mơ rơp dus hìu Juda bơh digùl bol khai.

Jeremi 2:3

Israel la làng bol sàng goh Yàng Jehôwa in; La plai bồ sơnam cồng nha Kơnràñ dê. Dilah cau lơi sa loan làng bol hơ̆ rơp gơkòl glài; Bơta rung rài neh tus hơđang bol khai.’” Yàng Jehôwa đơs behơ̆.

Jeremi 25:12

Yàng Jehôwa đơs: ‘Tŭ poh jơt sơnam hơ̆ neh rlau, Añ rơp lơh glài bơtau Babilôn mơ làng bol khai, tài bơh tồi glài iơh bơsak bol khai dê. Añ rơp lơh glài lơgar cau Kalde mơ lơh gơlik gơs tiah sang lòi ngềt ngơt sùm sùm.

Jeremi 30:15

Ñchi bơh tài mê driau nggà bơh tềl sồt mê? Bơta jê sồt mê ò rgơi sơm. Hơ̆ la tài bơh bơta tìs glài mê dờng ngan, Tồi glài mê oă ngan, Gen Añ neh lơh ală bơta do mê in.

Jeremi 50:28

Iat tĕ sap đơs ală cau ntoat dô, la sap ală cau neh dô klàs bơh lơgar Babilôn, nàng yal tơlik tòm Siôn bơta sal tê Yàng Jehôwa Yàng Tom Trồ bol he dê, sal tê bơh hìu duh khoai Kơnràñ dê.

Jeremi 8:16

Ntas sap ơseh hòi neh kơno bơh Dan; kơno sap ơseh tòmlơh ơhih, làm jơh ù tiah lơnggơr; Bơh bol khai neh tus, sa loan ù mơ ală phan gơlik bơh ù, sa loan ƀòn mơ jơh làng bol ơm tòm gơ.

Ñìm Rac 1:21

Cau neh kơno sap añ rơnđơh, ò gơs cau pơndòm pơniang añ. Jơh ală cau sò tơm kơno añ gơtìp bơta bòl glar, bol khai chò hòp bơh Kơnràñ neh lơh behơ̆. Kơnràñ rơp cèng tus ngai Kơnràñ neh yal tơlik; mơ lòi tĕ bol khai kung rơp tòm toh be añ!

Ñìm Rac 1:22

Dan lòi ală broă tồi glài bol khai dê tus di đap Kơnràñ! Dan lơh di bol khai kung be Kơnràñ neh lơh mơ añ, tài bơh jơh ală tồi glài añ jê; Bơh añ rơnđơh oă ngan, mơ nùs añ bòl glar.

Ejekiel 29:6

Gen jơh làng bol ơm tòm Ejiptơ rơp git Añ la Yàng Jehôwa. Mê neh gơlik gơs gai jra mơ proh hìu Israel in.

Ejekiel 35:5

Tài bơh mê gam prap dô bơta gơjrañ bơh yau mơ neh jào phi cau Israel tòm gơnoar pềs tà tòm ngai rung rài bol khai dê, tŭ tơngai bơta lơh glài lồi dut bol khai dê,’

Jôel 3:8

Añ rơp tac ală kòn klau mơ ală kòn ùr bol mê dê ală cau Juda in, mơ ală cau Juda rơp tac bol khai cau Seba in, la làng bol ơm tòm tiah ngài ngan.” Yàng Jehôwa neh đơs behơ̆.

Mice 4:11

Mơya tŭ do gơs oă lơgar pơjum bal tòmdră mơ mê. Bol khai đơs lah: “Lòi tĕ khai gơkòl ƀơ̆ ƀơl, mơ lòi tĕ gar mat bol he sền trol di Siôn!

Mice 7:10

Gen cau sò tơm di añ rơp gŏ, mơ rơp kong bơta ƀàssìl jơm gòm khai la cau neh đơs mơ añ lah: “Ntềng đah Jehôwa Yàng Tom Trồ mê dê taih?” Mat añ rơp gŏ bơta gơplơ̆ khai dê; tŭ do khai rơp kong jă trơm hơđơm mpàng jơng kung be bŏ tòm ală gùng lòt.

Nahum 1:8

Tian gơs tòm dà kŏ hòr pơrdô, Kơnràñ rơp tơnlồi jơh ală cau sò tơm Kơnràñ dê, mơ Kơnràñ rơp ting jat ală cau sò tơm Kơnràñ dê tus tòm bơta klam jơngo.

Habakuk 2:16

Mê rơp geh bềng bơta ƀàssìl ala bơta gơklŏ. Tŭ do tus di mê! Ñô tĕ, mơ lòt gơsèng! Mơngàn tòm tê ma Yàng Jehôwa dê rơp tus gùt dar mê, mơ bơta ƀàssìl rơp jơm hơđang bơta gơklŏ mê dê!

Sôphôni 2:8

Añ neh kơno ală jơnau dơñŏ tơnhial Môap dê mơ ală jơnau lah sơrpah Ammôn dê, bol khai dơñŏ tơnhial làng bol Añ jê mơ jòng să bơh bơta tòmpìt ai lơgar làng bol Añ jê.

Sacari 1:14

Behơ̆ cau gơnrơh đơs mơ añ sồr añ tai lah, bơto yal tĕ jơnau do: “Yàng Jehôwa Gơnap Gơnoar Dờng Làm Jơh neh đơs: ‘Añ gơs nùs ƀoah pơrñat ngan bơh Jerusalem mơ Siôn.

Sacari 1:15

Mơ Añ gơjrañ ngan gơwèt mơ ală làng bol kơlôi lah bol khai ơm ring lơngai mơ khat gơboh. Añ neh gơjrañ dô êt, mơya bol khai neh gơbơtơl bơta rung rài iơh rlau jơh.’

Sacari 12:2

“Añ rơp lơh Jerusalem in gơlik gơs dô nơm mơngàn gơlơh ală làng bol gùt dar in sơwing bồ. Añ rơp tòmdră mơ Juda, kung behơ̆ sơl, Jerusalem rơp kòl cau sò tơm gơrwàng gùt dar.

Sacari 14:2

Añ rơp pơjum tơrgòm jơh ală lơgar tòm Jerusalem nàng tòmlơh mơ gơ, ƀòn dờng rơp kong tòmpìt, ală hìu rơp kong phà kơñau, cau ùr rơp kong cau bic bơklơn. Nggùl ƀòn dờng rơp kong kup cèng gơs dĭ; mơya làng bol gam wơl rơp ò kòl tă tơlik bơh di ƀòn dờng.

Sacari 2:12

Yàng Jehôwa rơp dòp geh Juda lơh gơs sre brê Kơnràñ dê tòm lơgar sàng goh, mơ dô dơ̆ tai Kơnràñ rơp sac rwah Jerusalem.

Sacari 2:8

Bơh Yàng Jehôwa Gơnap Gơnoar Dờng Làm Jơh đơs lah (tơnơ̆ mơ tŭ bơta gơklŏ Kơnràñ dê neh sồr tus hơ añ) pơnah ală lơgar neh phà tơnroh bol mê lah: bơh cau lơi ƀư di bol mê hơ̆ la ƀư di kòn mat Kơnràñ dê,

Yal Wơl 30:7

Jehôwa Yàng Tom Trồ bol mê dê rơp tơndùh jơh ală jơnau srat sơntơm hơđang ală cau sò tơm, mơ hơđang ală cau sòdră bol mê dê, mơ kup kơryan bol mê.

Yal Tơlik 13:10

Dilah neh lơh nền cau lơi pal kòl kup cèng, gen cau hơ̆ rơp kong kup cèng; dilah cau lơi pal kong chơt mơ đào, gen khai pal kong sreh chơt mơ đào sơl. Do la bơta kong ơt mơ bơta dòn ală cau sàng goh dê.

I Samuel 17:53

Cau Israel rê wơl bơh ting jat cau Philistin gen bol khai phà tòmpìt sàl bol hơ̆ dê.