Jeremi 30:14 - Sră Goh 2018

¹⁴ Ală cau kòñ gơboh mê neh hŭi mê, Ò kơlôi rcang mê in dô êt lơi; Bơh Añ neh lơh mê kong sồt kung be cau sò tơm lơh, Lơh glài mê kung be cau rhung rhang lơh glài, Tài bơh bơta tìs glài mê dờng ngan, Tồi glài mê oă ngan.

Jeremi 30:14 Mawu Ofanana

Sră Jop 16:9

Kơnràñ neh crè añ tòm bơta gơjrañ Kơnràñ dê, mơ gơjrañ di añ; Kơnràñ rkiat sề di añ, Cau sò tơm añ sền trol mat tòmdră di añ.

Sră Jop 19:11

Bơta gơjrañ Kơnràñ dê hìt tòmdră mơ añ, Kơnràñ kòp añ kung be cau sò tơm Kơnràñ dê.

Sră Jop 30:21

Yàng gơlik gơs rhung rhang gơwèt mơ añ, Ai tê gơnoar pràn Yàng dê brồ lơh añ.

Đơs Crih 107:17

Cau ƀà gơlik kòp jê tài bơh ală gùng dà tồi glài bol khai dê, Mơ kong jê sồt bòl glar tài bơh bơta tồi glài iơh bơsak bol khai dê.

Esai 57:13

Tòm tŭ bol mê hòi dan, lòi tĕ ală rùp ràk mơ bol mê neh tơrgòm dong tă bol mê! Càl rơp cèng pơrdô jơh ală rùp ràk hơ̆, dô nhơm tă rơp khồm pơrdô bol gơ. Mơya cau lơi kìng crŭ tòm Añ rơp pơrdòn ù, mơ geh mơnơm sàng goh Añ jê lơh gơs sre brê.

Jeremi 14:17

Mê yal tĕ bol khai in jơnau do: “Lòi mat añ gơhòr dà mat mang mơ ngai ò dơh; Bơh kòn ơruh làng bol añ jê kong pù lơh lề lac, Sồt rmàñ kơnjơ̆ ngan.

Jeremi 2:36

Ñchi bơh tài mê mhar ngan tòmgơl gùng dà mê dê. Bol mê rơp gơkòl ƀàssìl bơh Ejiptơ, kung be bol mê neh ƀàssìl bơh Asiri.

Jeremi 22:20

Guh tĕ hơ Liban mơ driau, Ai jơnau driau nggà tòm Basan; Driau tĕ bơh mơnơm Abarim! Bơh jơh ală cau kòñ gơboh mê neh kong jă tơnlề.

Jeremi 22:22

Jơh ală cau ê belàt bol mê rơp kong càl khồm pơrdô ngài, Ală cau kòñ gơboh mê rơp kong kup cèng pơrdô; Gen mê rơp kong bơta ƀàssìl mơ rngòt rngơt, Bơh jơh ală broă iơh mê dê.

Jeremi 30:15

Ñchi bơh tài mê driau nggà bơh tềl sồt mê? Bơta jê sồt mê ò rgơi sơm. Hơ̆ la tài bơh bơta tìs glài mê dờng ngan, Tồi glài mê oă ngan, Gen Añ neh lơh ală bơta do mê in.

Jeremi 32:29

Ală cau Kalde tòmlơh mơ ƀòn do rơp tus, ơn ồs mơ chu gơ, chu tơn ală hìu mơ cau neh ơn kơlhô Baal in hơđang rkàng hìu, mơ ơn phan pơdơng ñô ală yàng ndai, nàng bơrcek Añ gơjrañ.

Jeremi 32:30

Mơ tai, kòn sau Israel mơ kòn sau Juda, bơh tŭ gam kơnòm să, mìng lơh bơta iơh bơsak di đap Añ; bơh kòn sau Israel mìng ai broă lơh tê he mơ bơrcek Añ gơjrañ, Yàng Jehôwa đơs behơ̆.

Jeremi 32:34

Bol khai neh ơn ală rùp ràk cù kìr tòm hìu geh sơnđan bơh sơnđan Añ, nàng lơh gơs ƀơ̆ ƀơl.

Jeremi 32:35

Bol khai neh bơt ală tiah jơnhoa Baal in tòm thòng kòn klau Hinôm, chu kòn klau kòn ùr he tòm ồs, ơn Molok in, la bơta Añ ò tŭ lơi ai gơnoar sồr; Añ ò tŭ lơi kơlôi sơnơng lah bol khai rgơi lơh dô bơta cù kìr behơ̆ mơ lơh Juda in tìs glài.

Jeremi 38:22

‘Jơh ală cau ùr gam wơl tòm gơlang bơtau Juda rơp kong cèng tus mơ ală kwang at bồ bơtau Babilôn dê; ală cau ùr hơ̆ rơp đơs mơ bơtau lah: Ală cau bơyô đềt mềr bơtau dê Neh pơrlồm pơndòm mơ geh pha; Do, jơng bơtau neh kram tòm bŏ, Gen bol khai sang lòi bơtau.’

Jeremi 4:30

Ai ai, ơ cau kong sang lòi. Ñchi ai kòñ soh ào dà gur, bơka să mơ màh, Ai dà cih pih mat nàng dờng ơnàng taih? Lơh he in gơlik hàng mơnĕ, kung la ò kwơ; Cau kòñ gơboh ai sền ai òsơp, bol khai kòñ tă bơta kis ai.

Jeremi 44:22

Yàng Jehôwa ò jai kong tai, bơh broă lơh iơh rmơh bol mê dê mơ bơta cù kìr mơ bol mê neh tìs, gen tàng lơgar bol mê neh gơlik gơs tiah lòi srau, ngềt ngơt mơ dô bơta srat sơntơm, ò gơs làng bol ơm jơl tus di ngai do.

Jeremi 5:5

Lòi Añ lòt tus mơ ală cau pas sơm Mơ đơs mơ bol khai, ngan bol khai git loh gùng dà Yàng Jehôwa dê, Bơta boh lam Yàng Tom Trồ bol khai dê.” Mơya, bol khai jơh ală gơlơh be dơrpă yô, mơ bol khai neh gơltac ală che cap.

Jeremi 5:6

Gen tàng dô nơm klìu triă tòm brê rơp tơnchơt bol khai, dô nơm so rhau bơh ƀlàng bràs rơp tơnroh bol khai, Dô nơm klìu sơmañ ơm kơp mòc tòmdră mơ ală ƀòn dờng bol khai dê, cau lơi lik lòt bơh tiah hơ̆, rơp kong crè rpot rpet! Bơh tồi glài bol khai dê oă ngan, bơta pơrlơ̆ dră bol khai dê la dờng ngan.

Jeremi 50:42

Bol khai at àtak mơ tà, bol khai jàñ bơsak ò gơs nùs nđàc sơngit. Sap bol khai kung be dàlềng nggồr; Bol khai hào ơseh mơ tus, ơm jat tap sèng rcang nàng tòmlơh. Ơ, kòn ùr Babilôn.

Jeremi 6:23

Bol khai jơh tơl nă at àtak mơ đào, bol khai iơh bơsak ngan, ò gơs nùs nđàc sơngit. Sap bol khai nggồr kung be dàlềng, Bol khai hào hơđang ală ơseh; rcang rơndap sèng kung be cau ling lòt tòmlơh Mơ tòmdră mơ ai, Ơ kòn ùr Siôn!”

Ñìm Rac 1:19

Añ neh hòi ală cau kòñ gơboh añ jê, mơya bol khai pơrlồm añ. Ală cau gơnoar ơn phan duh khoai mơ kwang kra añ jê neh roh rui tòm ƀòn dờng. Tòm tŭ jòi phan sa nàng geh wơl bơta pràn kơldang bol khai dê.

Ñìm Rac 1:2

Khai ñìm rac sràt bơtang tòm trồ mang, dà mat hòr hơđang tơrmồ khai dê. Digùl ală cau khai kòñ gơboh ò gơs cau lơi pơndòm pơniang khai. Jơh ală cau bơyô khai dê tòmdră wơl mơ khai, bol khai gơlik gơs ală cau sò tơm khai dê.

Ñìm Rac 2:1

Mbe tòm bơta gơjrañ dờng Yàng Jehôwa dê neh lơh ƀàssìl kòn ùr Siôn dê! Kơnràñ neh sơrbì bơh đang trồ tus tòm ù bơta gơklŏ ryŭ ryơm Israel dê. Kơnràñ neh ò kah kơrnòl ơn jơng Kơnràñ dê, tòm ngai gơjrañ dờng Kơnràñ dê.

Ejekiel 23:22

Behơ̆ gen, ơ Ôhôlibah, Yàng Jehôwa đơs be do: ‘Añ rơp chồl bơchồt ală cau ai gơboh tòmsò mơ ai, la ală cau mơ ai neh pơrlac sang tòm bơta gơjrañ mañ, mơ Añ rơp cèng bol khai bơh di kòp ală đah tus tòmsò mơ ai.

Ejekiel 23:9

Behơ̆ añ neh jào khai tòm tê cau kòñ gơboh khai la ală cau Asiri, ală cau mơ khai neh hàm kòñ.

Daniel 9:11

Jơh tơl nă cau Israel neh lơh tìs mơ bơta boh lam Kơnràñ dê mơ dô pleh, nàng ò dòn bơr Kơnràñ. Behơ̆, bơta srat sơntơm, mơ bơta lơh glài neh cih tòm bơta boh lam Môise la cau duh broă Yàng Tom Trồ dê, neh tuh hơđang bol hi, tài bơh bol hi neh tìs glài tòmdră mơ Kơnràñ.

Daniel 9:13

Jơh ală bơta rung rài do neh tuh hơđang bol hi tòm toh be neh cih tòm bơta boh lam Môise dê. Bulah behơ̆ bol hi kung ò rac dan bơta nđàc Jehôwa Yàng Tom Trồ bol hi dê, pơrlac sang bơh bơta iơh bơsak bol hi dê, mơ ơn nùs kơlôi dê bơta dòn song Kơnràñ dê.

Daniel 9:5

Bol hi la cau tồi glài mơ lơh tìs, bol hi la iơh bơsak mơ tòmdră mơ Yàng, bol hi neh pơrlơ̆ sang ală bơta sồr lam mơ ală bơta boh lam Yàng dê.

Sră Ôse 2:5

Ngan behơ̆, mè bol khai dê neh lơh dri tơlàr, mơ bun deh bol khai tòm bơta ƀàssìl ƀàsso. Bơh khai đơs lah: ‘Añ rơp lòt jat ală cau klau añ kòñ gơboh la ală cau ai añ in phan sa dà hùc, sơnò belàt mơ bài, mơñà mơ tơrnòm.’

Sră Ôse 5:14

Bơh Añ rơp kung be dô nơm klìu triă gơwèt hơ Epraim, dô nơm klìu triă brồ dam gơwèt hơ hìu Juda. Să tòm Añ rơp crè bol khai mơ lòt ngài; Añ rơp cèng pơrdô bol khai, mơ ò gơs dô nă cau lơi rơp dong tă.

Apdia 1:7

Jơh ală cau dô bă bal mơ mê pơrlồm mê, bol khai bơtrơh mê tus di nhàr lơgar; ală cau dô bă bal mơ mê tòmdră mơ pha rlau mơ mê; ală cau sa piang lă mê dê rơp pơt dô nơm dă nàng kup mê; bulah behơ̆ khai ò git wă ñchi bơh tài ală bơta hơ̆ gơlik gơs.