Jeremi 3:8 - Sră Goh 2018

⁸ Khai neh gŏ lah jơh ală cau Israel neh tìs glài rềs àr bơrnàn bơh ò dòn song, Añ neh sang lòi khai mơ neh lơh sră tòmlòi bau, mơya oh ùr rềs àr bơrnàn khai dê la Juda ò duh rngòt, mơya khai kư̆ sơlo lòt lơh dri tơlàr.

Jeremi 3:8 Mawu Ofanana

II Yal Yau 21:11

Rlau mơ hơ̆ khai neh bơt bơtào ală tiah jơnhoa tòm ală tiah kơh mơnơm Juda dê mơ neh lam làng bol ơm tòm Jerusalem ò dòn song mơ Yàng mơ neh lơh Juda in lòt tìs nrah.

Esai 50:1

Yàng Jehôwa đơs be do: “Ntềng đah sră cơng tàng lòi bau mơ Añ neh lơh nàng sang lòi mè mê dê taih? Hala sră mơ Añ neh tac bol mê mơ cau tòm dồs taih? Tài bơh tồi glài bol mê dê tàng bol mê gơkòl tac; tài bơh bơta tìs glài mè bol mê dê tàng kong sang lòi.

Jeremi 2:19

Bơta iơh bơsak mê dê rơp lơh glài mê, Bơta pơrlơ̆ dră mê dê rơp lah pơrhơng mê, sền mơ git tĕ lah hơ̆ la bơta iơh mơ hòi bơtang ngan bơh bol mê neh sang lòi Jehôwa Yàng Tom Trồ mê dê, tòm mê ò gơs nùs duh rngòt di Añ.” Yàng la Yàng Jehôwa Gơnap Gơnoar đơs behơ̆.

Jeremi 3:1

Yàng Jehôwa đơs: “Dilah dô nă cau klau sang lòi bau ùr khai dê, Mơ bau ùr lòt bau mơ cau klau ndai, Gen bau klau rơp rê wơl bau mơ cau ùr hơ̆ sơl? Bơta hơ̆ ò lơh lơgar in ngkòr ngkàc dờng ngan sơl ơ? Mê neh lơh gơlềng gơlàng mơ oă ngan cau gơboh, mơ mê kòñ rê wơl mơ Añ ơ?

Jeremi 33:24

“Ngan mê ò ai tồr iat làng bol do đơs ơ? Bol khai đơs: ‘Bàr jơi bơtiàn Yàng Jehôwa neh sac rwah, gen Kơnràñ neh sang lòi rau.’ Behơ̆, bol khai sền òsơp làng bol Añ jê, sền làng bol do ò di la dô nơm lơgar tai!

Jeremi 5:7

Mbe Añ rgơi toh bol mê in taih? Ală kòn mê neh sang lòi Añ, mơ neh srat să bơh ală yàng ò di la yàng. Tòm tŭ Añ ròng siam bol khai in hòm lai, Ai bol khai gen tìs glài rềs àr bơrnàn, mơ pơjum tòm hìu ală cau dri tơlàr.

Ejekiel 16:46

Bi ùr ai dê la Samari la cau ơm tòm lơgar đah đang ai dê bal mơ ală kòn ùr khai dê, mơ oh ùr ai dê la Sôdôm bal mơ ală kòn ùr khai dê ơm tòm lơgar đah đơm ai dê.

Ejekiel 16:47

Ai neh ò di mìng cơnđòa lòt jat ală gùng dà bol khai dê mơ đòm jat ală broă cù kìr ƀơ̆ ƀơl khai neh lơh, mơya ai kung neh mhar gơlik gơs ồm lề rlau mơ bol khai tòm jơh ală gùng dà ai dê.

Ejekiel 16:51

Tồi glài mơ Samari neh tìs ò tus di nggùl tồi glài mơ ai neh lơh. Ai neh lơh oă bơta cù kìr rlau mơ bol khai, mơ ai neh lơh ală oh mi ai dê gơlơh song ring bơh ală broă cù kìr ai dê.

Ejekiel 23:44

Mơ bol hơ̆ bic mơ khai. Cau bic mơ cau ùr dri be lơi gen kung behơ̆ bol khai bic mơ ală cau ùr dri tơlàr la Ôhôlah mơ Ôhôlibah.

Ejekiel 23:9

Behơ̆ añ neh jào khai tòm tê cau kòñ gơboh khai la ală cau Asiri, ală cau mơ khai neh hàm kòñ.

Sră Ôse 3:4

Bơh làng bol Israel rơp kis jŏ ngai mơ ò gơs bơtau, ò gơs kwang at bồ, ò gơs phan ơn duh khoai, ò gơs cơnòng duh khoai, ò gơs ephot, mơ kung ò gơs theraphim.

Yal Wơl 24:1

Dilah dô nă cau klau neh tòmbau mơ dô nă cau ùr, tơnơ̆ hơ̆ khai ò niam nùs tài bơh khai neh gŏ bơta lơi ò di pal bơh di cau ùr hơ̆, gen khai cih dô pang sră lòi bau, ai sră hơ̆ bau ùr khai in mơ bơtrơh tơlik khai bơh di hìu,

Yal Wơl 24:3

Mơ bau klau dơ̆ bàr khai dê ò kòñ gơboh di khai tai mơ cih sră lòi bau, ai khai in mơ bơtrơh khai bơh di hìu bau klau khai dê, hala dilah bau klau chơt,