Jeremi 3:6 - Sră Goh 2018

⁶ Tòm rài bơtau Jôsia, Yàng Jehôwa đơs mơ añ lah: “Mê neh gŏ bơta ò dòn song cau Israel dê neh lơh, mbe khai neh guh hơđang kòp nơm dòr jơnhoa, mơ hơđơm kòp nơm chi tơlir, mơ lơh bơta rềs àr bơrnàn tềng hơ̆ sơl?

Jeremi 3:6 Mawu Ofanana

I Ală Bơtau 14:23

Bơh ală cau Juda kung bơt bơtào he in ală tiah jơnhoa, jrong duh khoai mơ rùp Asera hơđang ală tiah jơnhoa mơ hơđơm ală chi dờng.

II Yal Yau 34:1

Jôsia neh tơl phàm nam tòm tŭ khai sơntòm at bồ, mơ khai at bồ pe jơt dùl nam tòm Jerusalem.

Đơs Crih 106:39

Behơ̆ bol khai lơh să tòm gơlik ƀơ̆ ƀơl bơh broă bol khai dê, Gơlik be cau dri tơlàr tòm bơta bol khai lơh.

Esai 57:3

Mơya bol mê, la ală kòn klau cau ùr gru dê, la jơi bơtiàn ală cau rềs àr bơrnàn mơ ală cau ùr dri dê, tus tĕ hơ do!

Esai 57:7

Bol mê neh lơh dô nơm mơnơm jơnhoa gơs cơnòng bic bol mê dê: tềng hơ̆ bol mê neh guh nàng ơn ală phan ơn.

Jeremi 1:2

Jơnau Yàng Jehôwa đơs mơ khai tòm rài Jôsia, kòn klau Ammôn bơtau Juda, sơnam dơ̆ jơt pe rài bơtau hơ̆ dê;

Jeremi 11:10

Bol khai wèt wơl hơ tồi glài iơh bơsak ồng pàng bol khai dê bơh yau òr, la ală cau neh ò bài iat jơnau Añ; bol khai neh lòt jat ală yàng ndai mơ duh broă bol gơ. Hìu Israel mơ hìu Juda neh sang lòi bơta ho bal mơ Añ neh bơt bơtào bal mơ ồng pàng bol khai dê.

Jeremi 17:2

Tòm tŭ ală kòn bol khai dê kah wơl cơnòng duh khoai Mơ rùp ràk Asera bol khai neh bơt bơtào di gah ală rlau chi tơlir Mơ hơđang dòr jơnhoa.

Jeremi 3:8

Khai neh gŏ lah jơh ală cau Israel neh tìs glài rềs àr bơrnàn bơh ò dòn song, Añ neh sang lòi khai mơ neh lơh sră tòmlòi bau, mơya oh ùr rềs àr bơrnàn khai dê la Juda ò duh rngòt, mơya khai kư̆ sơlo lòt lơh dri tơlàr.

Jeremi 31:22

Ơ kòn ùr ò dòn song, ai rơp lòt lềng làng jơl tus di tŭ lơi taih? Bơh Yàng Jehôwa neh bơtào gơs dô bơta pa hơđang ù, Hơ̆ la cau ùr rơp gòm gơrwàng cau klau.”

Jeremi 5:11

Bơh hìu Israel mơ hìu Juda jơh ală neh ò dòn song mơ Añ.” Yàng Jehôwa đơs behơ̆.

Jeremi 7:24

Mơya bol khai ò dòn bơr, mơ ò ai tồr iat, kư̆ kơldang nùs tòm bơta iơh bơsak nùs kòñ bol khai dê, bol khai cơnđòa lòt tòm bơta kơlôi bơyai is bol khai dê, mơ tơnggòr hơ ngkòi, ò cơnđòa lòt hơđap.

Ejekiel 16:31

Tòm tŭ ai bơt ală tiah jơnhoa hơđang ai dê di bồ kòp nơm gùng, mơ bơtào ală hìu bơmồng jơnhoa tòm kòp nơm gùng, ai lơh ò di kung be cau ùr dri, bơh ai sền òsơp di jền cau tơm ai in.

Ejekiel 16:35

Behơ̆ gen, ơ cau ùr dri tơlàr, iat tĕ jơnau Yàng Jehôwa dê.’

Ejekiel 20:28

Tòm tŭ Añ neh cèng bol khai mut tòm lơgar mơ Añ neh srat să ho ai bol khai in, mơ bol khai neh gŏ dòr lơi jơnhoa hala tòm chi dờng lơi gơs oă nha, gen tềng hơ̆ bol khai ơn phan ơn duh khoai bol khai dê, ơn ală phan ơn lơh Añ in gơjrañ mañ, chu kơlhô ƀô bơlhu, mơ tuh tơlik phan ơn pơdơng hùc bol khai dê.

Ejekiel 23:11

Oh ùr khai dê la Ôhôlibah neh sền gŏ ală bơta hơ̆; bulah behơ̆ tòm bơta hàm kòñ mơ bơta dri tơlàr rlau mơ bi ùr khai dê, khai gơlik ƀơ̆ iơh rlau mơ bi khai.

Ejekiel 23:4

Cau bi sơnđan la Ôhôlah, ai cau oh sơnđan la Ôhôlibah. Bol khai neh gơrê bal mơ Añ, mơ deh kòn klau kòn ùr. Ôhôlah la Samari, ai Ôhôlibah la Jerusalem.

Sră Ôse 11:7

Làng bol Añ jê neh kun pơrlac ngài bơh Añ. Bulah bol khai hòi tus hơ Bơtau Hơđang Rlau Jơh; Mơya Kơnràñ kung ò yò bol khai guh.

Sră Ôse 4:13

Bol khai ơn phan duh khoai hơđang bồ mơnơm; chu kơlhô hơđang ală dòr, hơđơm tòm cha, hơđơm chi pơnggŏ, chi nho rề, tài bơh mƀur gơ la niam ngan. Behơ̆ tàng kòn ùr bol mê dê lơh gơs ùr dri, mơ ƀan bol mê tìs glài rềs àr bơrnàn.

Ală Kwang Cahrña 2:17

Bulah behơ̆, bol khai ò iat ală cau kwang cahrña bol khai dê, bơh bol khai hàm kòñ jat ală yàng ndai mơ cùn khoai bol gơ. Bol khai mhar ngan sang gùng ală ồng pàng bol khai neh lòt, la ală cau lơh jat ală jơnau gơnoar sồr Yàng Jehôwa dê, bol khai ò đòm krơh ală ồng pàng bol khai dê.