Jeremi 3:24 - Sră Goh 2018

²⁴ Mơya bơh tŭ bol hi gam kơnòm să, Rùp ràk ƀàssìl neh loan jơh ală phan mơna ồng pàng bol hi dê kong lơh broă bòl glar, Mpồl belàt, mpồl kơnrồ, Kòn klau, kòn ùr bol khai dê.

Jeremi 3:24 Mawu Ofanana

Jeremi 11:13

Ơ Juda, bơh mê gơs nđò nơm ƀòn dờng gen kung gơs nđò nơm yàng sơl; Jerusalem gơs nđò nơm gùng, bol mê kung bơt bơtào nđò nơm cơnòng duh khoai bơta ƀàssìl in, la ală cơnòng duh khoai chu kơlhô Baal in.’

Jeremi 22:21

Añ neh đơs mơ mê tòm tŭ mê ơm tòm bơta bơtoah bơtoài; mơya mê đơs lah: ‘Añ ò bài iat.’ Do la gùng dà mê bơh tŭ kơnòm să, Mê neh ò dòn jơnau Añ.

Jeremi 44:7

Tŭ do Jehôwa, Yàng Tom Trồ Gơnap Gơnoar, Yàng Tom Trồ Israel dê, đơs be do: ‘Ñchi bơh tài bol mê lơh bơta iơh dờng behơ̆ tòmdră mơ bơta kis să tòm bol mê, tian gơs ală cau klau, cau ùr, cau kòn, kòn dềt gam pô, kong tơnroh bơh digùl Juda ò gam wơl dô êt lơi;

Jeremi 8:16

Ntas sap ơseh hòi neh kơno bơh Dan; kơno sap ơseh tòmlơh ơhih, làm jơh ù tiah lơnggơr; Bơh bol khai neh tus, sa loan ù mơ ală phan gơlik bơh ù, sa loan ƀòn mơ jơh làng bol ơm tòm gơ.

Jeremi 9:18

Lòi bol khai mhar ñìm ƀồc bol he in, Nàng mat bol he gơhòr dà mat, Sơmbir mat bol he hòr bềng dà mat!

Ejekiel 16:19

Phan sa mơ Añ neh rcang pà ai in, hơ̆ la kơmbuh phe niam, mơñà ôlibe, mơ dà lơwe mơ Añ ai ai in sa, gen ai ơn lơh gơs phan ƀô bơlhu di đap bol khai. Hơ̆ la bơta neh gơlik gơs ngan,’ Jehôwa Yàng Tom Trồ đơs behơ̆.

Ejekiel 16:20

‘Gen ai neh kup ală kòn klau mơ ală kòn ùr mơ ai neh tơnggơs Añ in mơ ơn bol khai lơh gơs kung be phan sa ală rùp ràk in. Bơta dri tơlàr ai dê kàr hơ̆ ò tơl sơl ơ?

Ejekiel 16:61

Gen ai rơp kah wơl ală gùng dà ai dê mơ ƀàssìl ƀàsso tòm tŭ ai wă rò ală oh mi ai dê, ală cau dờng sơnam rlau mơ ai bal mơ ală cau dềt sơnam rlau mơ ai. Añ rơp ai bol khai ai in lơh gơs kung be ală kòn ùr, mơya ò di jat bơta ho bal mơ Añ neh bơtào mơ ai.

Ejekiel 16:63

Gen tòm tŭ Añ lơh bơta tơwài glài ai in bơh jơh ală bơta ai neh lơh, ai rơp kah wơl mơ ƀàssìl, mơ ai ò gam pò bơr tai tài bơh bơta ƀàssìl ƀàsso ai dê,” Jehôwa Yàng Tom Trồ đơs behơ̆.

Sră Ôse 10:6

Bơh să tòm gơ kung rơp kong cèng tus hơ Asiri lơh gơs phan ơn cau bơtau dờng lơgar hơ̆ in. Epraim rơp kong sền òsơp, mơ Israel rơp kong ƀàssìl ƀàsso bơh ală rùp ràk bol khai dê.

Sră Ôse 2:8

Khai òhềt đal git Añ la Bơtau neh ai khai in kòi mbo, tơrnòm mơ mơñà, neh tuh khai in oă ngan priă mơ màh mơ khai neh ngui nàng lơh gơs phan ơn Baal in.

Sră Ôse 9:10

Tòm tŭ Añ jòi bàn Israel, kung be jòi bàn tơrkum plai ño tòm ƀlàng ngềt ngơt; tòm tŭ Añ gŏ ală ồng pàng bol mê dê, gen kung be gŏ plai chi ƀal gơlik plai sơnròp tòm bồ sơnam. Mơya bol khai neh lòt tus hơ Baal Pheô, bol khai ơn să tòm bol khai rùp ràk ƀàssìl ƀàsso in, mơ gơlik gơs cù kìr kung be phan mơ bol khai neh kòñ gơboh.