Jeremi 3:21 - Sră Goh 2018

²¹ Gơs jơnau đơs bơh hơđang ală dòr kơlờl: Hơ̆ la sap kòn sau Israel ñìm rac, Tài bơh bol khai neh lơh rkwet rkwe gùng bol khai dê; bol khai neh hŭi Jehôwa Yàng Tom Trồ bol khai dê.

Jeremi 3:21 Mawu Ofanana

Sră Jop 33:27

Cau hơ̆ đơs chò bal mơ ală cau ndai mơ đơs lah: ‘Añ neh tìs glài, mơ lơh rkwet rkwe bơta song ngan, mơ ò di tơm wơl di añ.

Jơnau Pơnđik 10:9

Cau lơi lòt tòm bơta song ngan gen cơnđòa lòt kơ̆ wền; Ai cau lơi jat gùng rkwet rkwe gen cau rơp jòi bàn.

Jơnau Pơnđik 19:3

Bơta bơrngơl gơla lam cau tus bơta roh rui, mơ nùs khai ƀoah gơjrañ Yàng Jehôwa.

Esai 15:2

Cau Dibôn lòt tus hơ bơmồng nàng duh khoai, guh hơđang ală tiah jơnhoa nàng ñìm. Cau Môap ñìm rac pơt wòl bơh Debô mơ Medeba. Kòp nơm bồ neh kơlờl, mơ kòp nơm sơnò tềp neh koah.

Esai 17:10

Bơh bol mê neh hŭi Yàng Tom Trồ Bơtau Dong Klàs bol mê dê, ò kah Pơnai Lŭ Kìng Crŭ mê dê. Gen tàng bulah bol mê tam ală chi niam rlau jơh, mơ tam ală tòm ño cèng tus bơh lơgar ndai,

Esai 57:11

Bol mê neh rngòt mơ rơm să di ñcau mơ tian gơs bol mê neh đơs blac, mơ ò kah Añ mơ kung ò kơlôi sơnơng bơh bơta hơ̆ taih? Hơ̆ ò di la tài bơh Añ neh ơm mŏ mŏ ñềm mat Añ jê, gen tàng bol mê ò rngòt di Añ?

Jeremi 12:12

Hơđang jơh ală dòr kơlờl tòm ƀlàng bràs; Cau phà kơñau neh tus; Bơh đào Yàng Jehôwa dê loan lơgar do Bơh bồ do tus hơ bồ ne, Ò gơs dô nă lơi geh lơngap lơngai.

Jeremi 13:25

Yàng Jehôwa đơs: “Hơ̆ la pơnah ai dê, Pơnah Añ was ai in, Yàng Jehôwa đơs behơ̆. Bơh ai neh hŭi Añ, Mơ dòn kơnòm di yàng blac pơrlồm.

Jeremi 18:15

Mơya làng bol Añ neh hŭi Añ; Chu kơlhô rùp ràk ma blac in La rùp ràk lơh bol khai gơtup pừ tòm gùng bol khai dê, Tòm gùng lòt bơh rài yau òr, Lòt tòm gùng òhềt rcang wàs Mơ ò di gùng dờng.

Jeremi 2:32

Dô nă kòn ơruh rgơi hŭi phan bơka să khai dê, Hala dô nă ƀan pa hŭi phan soh mơ phan bơka să he dê ơ? Mơya làng bol Añ neh hŭi Añ bơh ală ngai ò jai kòp.

Jeremi 3:2

Sền tơnggòr tĕ ală tiah jơnhoa kơlờl, mơ sền tĕ! Gơs tiah lơi mơ mê ò lơh rềs àr bơrnàn sơl? Di gah gùng mê ơm nggui nàng gơn cau lơh tir, kung be dô nă cau Arap tòm ƀlàng ngềt ngơt; Mê neh lơh ngkòr ngkàc ù tiah, mơ bơta dri tơlàr gơlềng gơlàng.

Jeremi 31:9

Bol khai ñìm rac mơ tus, mơ Añ rơp tề lam tòm bơta rac dan; Añ rơp jun bol khai lòt rò gah ală hiòng, Jat gùng song ngan, ò kòl gơtup pừ. Bơh Añ neh lơh gơs bèp Israel in, Ai Epraim la kòn tơnhoa Añ jê.

Jeremi 7:29

Siat tĕ sŏ mơ sơrbì gơ ngài; Ai sap ñìm rac hơđang ală dòr kơlờl! Bơh Yàng Jehôwa neh pơndang sang mơ sang lòi jơi bơtiàn do, La jơi bơtiàn neh bơrcek bơta gơjrañ Kơnràñ dê.’”

Ejekiel 23:35

Gen tàng, Jehôwa Yàng Tom Trồ đơs be do: ‘Tài bơh ai neh hŭi Añ, mơ sơrbì Añ di ngkòi ai, gen ai pal kong cồng nha bơh bơta gơlềng gơlàng mơ dri tơlàr ai dê.’”

Ejekiel 7:16

Jơh ală cau gam kis mơ geh lik klàs rơp ơm hơđang ală mơnơm, rac ròc kung be sềm ntòp tòm thòng, kòp nă tài bơh tồi glài khai dê.

Sră Ôse 13:6

Tòm tŭ Añ ròng siam bol khai, gen bol khai geh hừh nùs, bol khai geh hừh nùs, gen nùs bol khai gơlik pơnhừ să, gen tàng bol khai neh hŭi Añ.

Sră Ôse 8:14

Israel neh hŭi Bơtau crơng gơs bol khai, mơ bơt bơtào ală hìu gơlang; Juda neh bơtơl oă ƀòn dờng kơ̆ cê. Mơya Añ rơp sồr ồs tus hơđang ală ƀòn dờng bol khai dê, mơ gơ rơp sa pơrguc jơh ală tiah kơ̆ cê hơ̆ bol khai dê.

Mice 3:9

Iat tĕ jơnau do, ơ bol mê la ală cau gơs gơnoar lam bồ hìu Jakôp dê, mơ bol mê la ală cau at bồ hìu Israel dê, la ală cau sền òsơp di bơta song ring, mơ lơh rkwet rkwe jơh ală bơta di;

Khà Làng Bol 22:32

Cau gơnrơh Yàng Jehôwa dê lùp khai lah: “Ñchi bơh tài mê neh pù alàng mê dê tòm pe dơ̆ taih? Añ neh tus tềng do nàng kơryan mê tài bơh gùng lòt mê dê la dô nơm gùng roh rui di đap mê.

II Kôrintô 7:10

Bơh bơta moat jrùng jat nùs kòñ Yàng Tom Trồ dê gơlik gơs bơta gơjrañ sang glài lam tus hơ bơta dong klàs, la bơta ò càng pơlai; mơya bơta moat jrùng jat dunnia dê gơlik gơs bơta chơt.