Jeremi 3:20 - Sră Goh 2018

²⁰ Mơya, ơ cau Israel, Ngan kung be dô nă cau ùr ò dòn song sang lòi bau klau be lơi, Gen bol mê kung ò dòn song mơ Añ behơ̆ sơl.’” Yàng Jehôwa đơs behơ̆.

Jeremi 3:20 Mawu Ofanana

Esai 24:16

Bơh ală tiah lồi plai ù dê, bol he kơno ală bơta đơs chò bơta jòng ro lah: “Bơta gơklŏ gơrê mơ Bơtau Song Ring.” Mơya añ neh đơs lah: “Nùs añ siar roh, añ siar roh! Bòl glar añ in! Ală cau pơrlơ̆ dră! Cau pơrlơ̆ dră kư̆ pơrlơ̆ dră sùm!”

Esai 48:8

Bol mê òhềt kơno, kung òhềt git wă; bơh yau òr tồr bol mê òhềt gơ pò. Bơh Añ neh git loh ngan bol mê la ma blac; bol mê geh sơnđan la cau jak tòmdră bơh di tŭ pa deh.

Jeremi 12:1

Khoai Yàng Jehôwa, Kơnràñ song ring ngan; Tòm tŭ añ tòm pơndang mơ Kơnràñ Bulah behơ̆, añ dan lùp Kơnràñ. Ñchi bơh tài gùng dà cau iơh geh bơtoah bơtoài taih? Ală cau tìs glài geh cồng nha taih?

Jeremi 5:11

Bơh hìu Israel mơ hìu Juda jơh ală neh ò dòn song mơ Añ.” Yàng Jehôwa đơs behơ̆.

Sră Ôse 3:1

Yàng Jehôwa đơs tai mơ añ lah: “Lòt tĕ, kòñ gơboh di dô nă cau ùr, khai neh geh cau kòñ gơboh, mơ khai la cau ùr bơrnàn, be Yàng Jehôwa kòñ gơboh di cau Israel, bulah bol khai neh wèt hơ ală yàng ndai, mơ khai kòñ gơboh ală ƀañ plai ño.”

Sră Ôse 5:7

Bol khai ò dòn song mơ Yàng Jehôwa, bol khai deh ală kòn ò di pal. Tŭ do, ngai Dùl lik rơp sa loan bol khai bal mơ ală ƀlàng sre bol khai dê.

Sră Ôse 6:7

Mơya be Adam, bol khai tìs glài ò lơh jat bơta ho bal; bol khai ò dòn song mơ Añ.

Malaci 2:11

Juda neh ò dòn song. Dô bơta ngkòr ngkàc neh gơs tòm Israel mơ tòm Jerusalem. Bơh Juda neh lơh ƀơ̆ ƀơl tiah sàng goh Yàng Jehôwa dê, bơta lơi khai kòñ gơboh, mơ tòmbau mơ kòn ùr dô nă yàng lơgar bơdìh.