Jeremi 3:2 - Sră Goh 2018

² Sền tơnggòr tĕ ală tiah jơnhoa kơlờl, mơ sền tĕ! Gơs tiah lơi mơ mê ò lơh rềs àr bơrnàn sơl? Di gah gùng mê ơm nggui nàng gơn cau lơh tir, kung be dô nă cau Arap tòm ƀlàng ngềt ngơt; Mê neh lơh ngkòr ngkàc ù tiah, mơ bơta dri tơlàr gơlềng gơlàng.

Jeremi 3:2 Mawu Ofanana

Sơnròp Gơlik Gơs 38:14

Gen khai hồ ào bơnrau, ai chèo jơm mat mơ nggòc ồi di să khai, gen nggui hơ bơdìh mpồng ƀòn Enaim, di gùng lòt tus hơ Thimna. Khai lơh behơ̆ tài bơh khai gŏ Sela neh dờng rau, mơya ò tòmbau khai mơ Sela.

I Ală Bơtau 11:3

Khai gơs poh rhiang nă bau ùr, mơ pe rhiang bau cồng; ală bau ùr hơ̆ pơrlac nùs khai lòt tìs gùng.

II Ală Bơtau 23:13

Bơtau kung lơh ƀơ̆ ƀơl ală tiah jơnhoa ơm di đah mattơngai lik Jerusalem, di đah đơm mơnơm Bơta Tơnroh, la ală tiah Salômôn bơtau Israel neh bơt bơtào nàng duh khoai Astarte, rùp ràk cù kìr cau Sidôn dê, Kemôs rùp ràk cù kìr cau Môap dê, mơ Milkôm, rùp ràk cù kìr cau Ammôn dê.

Đơs Crih 106:38

Bol khai lơh gơhòr mhàm cau ò gơs glài, Hơ̆ la mhàm kòn klau kòn ùr bol khai dê Mơ bol khai lơh gơs phan ơn duh khoai rùp ràk lơgar Kanaan dê, Gen tàng lơgar gơlik ƀơ̆ ƀơl bơh mhàm hơ̆.

Jơnau Pơnđik 23:28

Khai ơm kơp mòc be dô nă cau kơñau, lơh bơtơl oă khà ală cau ò dòn song.

Jơnau Pơnđik 7:11

Khai òs đơs dờng jơnau, ò git kơrhia să, Jơng khai ò ơm tòm hìu,

Jeremi 12:12

Hơđang jơh ală dòr kơlờl tòm ƀlàng bràs; Cau phà kơñau neh tus; Bơh đào Yàng Jehôwa dê loan lơgar do Bơh bồ do tus hơ bồ ne, Ò gơs dô nă lơi geh lơngap lơngai.

Jeremi 2:20

“Bơh lài òr Añ neh dơrpă yô mê dê, Gơltac che sreng mê dê, Mơ mê đơs lah: ‘Añ rơp ò duh broă!’ Hơđang kòp nơm dòr jơnhoa, mơ hơđơm kòp nơm chi tơlir, Mê neh kun să mơ lơh bơta dri tơlàr.

Jeremi 2:23

“Mbe mê khin đơs lah: ‘Añ ò ƀơ̆ ƀơl; Añ òhềt lòt jat rùp ràk Baal’? Sền tĕ gùng mê dê tòm thòng; git tĕ bơta mê neh lơh, Kung be làkđa dra sơrbac sơrbang mơ gơlềng gơlàng,

Jeremi 2:7

Añ neh cèng bol mê mut tòm dô nơm lơgar ù bơkah tiah lơngồt, nàng sa plai mơ dòp ală bơta niam gơ dê. Mơya tòm tŭ bol mê neh mut, gen bol mê neh lơh ƀơ̆ ƀơl lơgar Añ, neh lơh sre brê Añ jê gơlik gơs ngkòr ngkàc.

Jeremi 3:1

Yàng Jehôwa đơs: “Dilah dô nă cau klau sang lòi bau ùr khai dê, Mơ bau ùr lòt bau mơ cau klau ndai, Gen bau klau rơp rê wơl bau mơ cau ùr hơ̆ sơl? Bơta hơ̆ ò lơh lơgar in ngkòr ngkàc dờng ngan sơl ơ? Mê neh lơh gơlềng gơlàng mơ oă ngan cau gơboh, mơ mê kòñ rê wơl mơ Añ ơ?

Jeremi 3:13

‘Mìng mê pal dòp git tồi glài mê dê, Mê neh pơrlơ̆ dră mơ Jehôwa Yàng Tom Trồ mê dê; Mê neh lòt nrah nring digùl ală yàng ndai hơđơm kòp nơm chi tơlir, Mơ ò lơh jat jơnau Añ.’” Yàng Jehôwa đơs behơ̆.

Jeremi 3:21

Gơs jơnau đơs bơh hơđang ală dòr kơlờl: Hơ̆ la sap kòn sau Israel ñìm rac, Tài bơh bol khai neh lơh rkwet rkwe gùng bol khai dê; bol khai neh hŭi Jehôwa Yàng Tom Trồ bol khai dê.

Jeremi 3:9

Tài bơh khai sền òsơp bơta rềs àr bơrnàn he, gen lơh ƀơ̆ ƀơl ù tiah, rềs àr tòmtir mơ lŭ mơ chi.

Jeremi 7:29

Siat tĕ sŏ mơ sơrbì gơ ngài; Ai sap ñìm rac hơđang ală dòr kơlờl! Bơh Yàng Jehôwa neh pơndang sang mơ sang lòi jơi bơtiàn do, La jơi bơtiàn neh bơrcek bơta gơjrañ Kơnràñ dê.’”

Ejekiel 16:16

Ai ngui ồi ào ai dê nàng lơh ală tiah jòng hàng mơnĕ, tềng hơ̆ ai lơh bơta dri tơlàr. Ală bơta hơ̆ ò di pal gơs, mơ kung ò di gơs tŭ lơi gơlik tus.

Ejekiel 20:28

Tòm tŭ Añ neh cèng bol khai mut tòm lơgar mơ Añ neh srat să ho ai bol khai in, mơ bol khai neh gŏ dòr lơi jơnhoa hala tòm chi dờng lơi gơs oă nha, gen tềng hơ̆ bol khai ơn phan ơn duh khoai bol khai dê, ơn ală phan ơn lơh Añ in gơjrañ mañ, chu kơlhô ƀô bơlhu, mơ tuh tơlik phan ơn pơdơng hùc bol khai dê.

Sră Ôse 2:5

Ngan behơ̆, mè bol khai dê neh lơh dri tơlàr, mơ bun deh bol khai tòm bơta ƀàssìl ƀàsso. Bơh khai đơs lah: ‘Añ rơp lòt jat ală cau klau añ kòñ gơboh la ală cau ai añ in phan sa dà hùc, sơnò belàt mơ bài, mơñà mơ tơrnòm.’

Luka 16:23

Ơm tòm lơgar làng ƀồc, cau pas sơm gơkòl pơnjê pơngkồr, tơnggòr sền, gŏ Abraham bơh ngài mơ Lasarơ ơm di gah khai.

Yal Wơl 12:2

Tơnroh jơh hir ală tiah hơđang ală mơnơm jòng, hơđang ală mơnơm dềt mơ hơđơm ală tòm chi gơs mƀur dờng la tiah ală làng bol duh khoai ală yàng bol khai dê mơ bol mê rơp tơnroh.