Jeremi 3:17 - Sră Goh 2018

¹⁷ Tòm rài hơ̆ cau rơp sơnđan Jerusalem la sơbàn Yàng Jehôwa dê, mơ jơh ală lơgar gen pơjum wơl tòm Jerusalem, bơh sơnđan Yàng Jehôwa; mơ ò cơnđòa jat bơta kră kơldang nùs iơh bơsak he dê tai.

Jeremi 3:17 Mawu Ofanana

Sơnròp Gơlik Gơs 8:21

Yàng Tom Trồ ƀô kơnhồl bơlhu mơ đơs tòm nùs Kơnràñ lah: “Añ ò srat sơntơm ù bơh kòn mơnus tai, bơh ală bơta kơlôi tòm nùs kòn mơnus la iơh bơsak bơh tòm tŭ gam kơnòm, Añ rơp ò tơnroh tai ală phan kis be Añ neh lơh.

I Ală Bơtau 8:41

Kung behơ̆ sơl, tòm tŭ gơs dô nă cau lơgar bơdìh, la cau ò gơrê bal mơ cau Israel Yàng dê, tus bơh lơgar ngài tài bơh sơnđan Yàng dê;

Đơs Crih 102:23

Kơnràñ neh lơh bơta pràn kơldang añ jê gơlik lơbơn tòm gùl rài, Kơnràñ neh tơnliah ală ngai añ jê.

Đơs Crih 78:8

Nàng bol khai in ò di be ồng pàng bol khai dê, La dô rài kơldang bồ mơ sòdră, la rài ò kơ̆ nùs, Gơs hwềng nùs ò kơ̆ dơn mơ Yàng Tom Trồ.

Đơs Crih 87:3

Ơ ƀòn dờng Yàng Tom Trồ dê, Ală bơta gơklŏ neh đơs bơh mê. (Selah)

Esai 26:8

Tòm gùng bơta cahrña Kơnràñ dê, ơ Yàng Jehôwa, bol hi kơp gơn Kơnràñ; Sơnđan Kơnràñ mơ bơta kirsơnre bơh Kơnràñ, la bơta hwềng soàn bol hi hàm kòñ.

Esai 56:6

Mơ ală cau làng bol bơdìh neh lơh gơs dô bă bal mơ Yàng Jehôwa nàng bol khai duh broă Kơnràñ, nàng kòñ gơboh di sơnđan Kơnràñ, mơ nàng lơh gơs dĭ gơna Kơnràñ dê, jơh ală cau prap gàr ngai Saƀat mơ ò lơh gơtup tìs di ngai hơ̆, mơ prap kơ̆ bơta ho bal Añ jê;

Esai 59:19

Behơ̆ ală cau đah mattơngai mut rơp rngòt di sơnđan Yàng Jehôwa, mơ ală cau bơh đah mattơngai lik rơp ki ngàm di bơta gơklŏ Kơnràñ dê. Bơh Kơnràñ rơp tus kung be dà tih, mơ càl Yàng Jehôwa cèng pơrdô khai.

Esai 6:1

Tòm nam bơtau Ôsia sang rài, añ gŏ Yàng Jehôwa nggui hơđang dô nơm sơbàn jơnhoa ngan, tiang ào jrùh Kơnràñ dê bềng hìu duh khoai.

Esai 66:1

Yàng Jehôwa đơs be do: “Trồ la sơbàn Añ, mơ plai ù la kơrnòl jơng Añ. Bol mê rơp bơt hìu mbe lơi Añ in taih? Mơ tiah ơm rlô bòl Añ jê mbe lơi taih?

Esai 66:18

Bơh Añ git ală broă lơh bol khai dê mơ ală bơta kơlôi sơnơng bol khai dê; Añ rơp tus mơ pơjum tơrgòm jơh ală làng bol mơ ală jơnau đơs; bol khai rơp tus mơ gŏ bơta gơklŏ Añ jê.

Esai 66:20

Yàng Jehôwa đơs lah: “Bol khai rơp cèng brê jơh ală gơp bơtiàn bol mê dê, bơh di jơh ală lơgar, hào ơseh, rơndeh tòmlơh, rơndeh pơdiang phan, alàng ơseh, làkđa, tus hơ mơnơm sàng goh Añ jê tòm Jerusalem, lơh gơs dô nơm phan ơn Yàng Jehôwa in. Bol khai rơp cèng bol hơ̆ kung be cau Israel cèng phan ơn mơ kòi mbo tus tòm hìu duh khoai Yàng Jehôwa dê, tòm dô nơm phan ngui sàng goh.”

Jeremi 11:8

Mơya bol khai ò dòn bơr, ò ơn tồr iat; mơ kòp nă kư̆ jat bơta kră kơldang nùs kòñ iơh he dê. Tài behơ̆ tàng Añ neh cèng hơđang bol khai jơh ală jơnau tòm bơta ho bal do dê, la bơta Añ neh nting sồr bol khai lơh jat mơya bol khai ò lơh jat.”

Jeremi 12:15

Mơya, tơnơ̆ mơ tŭ Añ neh dus rau, Añ rơp nđàc sơngit wơl di bol khai; mơ Añ rơp cèng bol khai wơl hơ sre brê bol khai dê, mơ jơh kòp nă tòm bol khai.

Jeremi 12:16

Dilah bol khai ngac ngar bơtê gùng dà làng bol Añ jê, ai sơnđan Añ mơ srat să lah: ‘Ngan kung be Yàng Jehôwa kis gam sùm sùm!’ Kung be bol khai neh bơto làng bol Añ sơnio Baal mơ srat să, gen bol khai rơp geh bơt bơtào digùl làng bol Añ.

Jeremi 14:21

Bơh sơnđan Kơnràñ dê, bañ bơtrơh tơlik bol hi, bañ sền òsơp sơbàn gơklŏ Kơnràñ dê! Dan kah wơl mơ bañ sang lòi jơnau ho bal Kơnràñ dê mơ bol hi.

Jeremi 16:12

Ai bol mê lơh bơta iơh rlau mơ ồng pàng bol mê dê; mơ do, bol mê kòp nă lơh jat nùs iơh kră kơldang bol mê dê, ò bài iat Añ.

Jeremi 16:19

Ơ Yàng Jehôwa, Kơnràñ la bơta pràn kơldang añ, theng kơ̆ cê añ, La tiah kìng crŭ añ jê tòm ngai bòl glar! Bơh tiah lồi plai ù Ală lơgar rơp tus hơ Kơnràñ, mơ đơs lah: “Ồng pàng bol he ò dòp ală phan lơi mìng jơnau ma blac, bơta roh lơm mơ ală phan ò kwơ dô êt lơi.

Jeremi 17:12

Sơbàn gơklŏ geh bơtào gơs bơh sơnròp, Hơ̆ la Hìu Duh Khoai Sàng Goh bol he dê!

Jeremi 18:12

Mơya bol khai đơs lah: ‘Hơ̆ la bơta ò kwơ! Bol hi kư̆ jat bơta rơndap bol hi dê; mơ kòp nă tòm bol hi rơp lơh jat bơta kră kơldang nùs iơh bol hi dê.’”

Jeremi 3:19

Añ neh kơlôi lah: ‘Añ rơp ơn mê digùl ală kòn sau Añ jê, Añ rơp ai mê in dô bă tiah ù niam, Phan jơtài hàng mơnĕ rlau jơh tòm ală lơgar Añ neh kơlôi: Mê rơp hòi di Añ la “Bèp Añ jê!” Mơ ò pơrlac sang bơh bơta lòt jat Añ.

Jeremi 31:23

Yàng Jehôwa Gơnap Gơnoar Dờng Làm Jơh la Yàng Tom Trồ Israel dê đơs be do: “Tòm tŭ añ cèng bol khai rê wơl bơh di tiah kong kup cèng pơrdô gen làng bol tòm lơgar Juda mơ tòm ală ƀòn dờng gơ dê rơp dô dơ̆ tai đơs ală jơnau do: ‘Dan Yàng Jehôwa ai lơngai mê in, Ơ tiah ơm bơta song ring, ơ mơnơm sàng goh.’

Jeremi 33:9

Gen ƀòn dờng do rơp gơlik gơs dô sơnđan chò hòp, jòng ro, gơklŏ Añ in ơm di đap ală làng bol tòm dunnia; ală làng bol hơ̆ rơp kơno bơh ală bơta niam Añ neh lơh bol khai in, gen rngòt rngơt mơ rơm să, tài bơh ală bơta lơngai lơngò bal mơ bơta bơtoah bơtoài mơ Añ neh ai làng bol Añ in.’

Jeremi 4:2

Mơ dilah mê srat să ‘Kung be Yàng Jehôwa kis sùm!’ Tòm jơnau song, tòm bơta song ring, mơ song ngan, Gen ală lơgar rơp geh lơngai bơh Kơnràñ, Mơ bơh Kơnràñ bol khai jòng să.”

Jeremi 7:24

Mơya bol khai ò dòn bơr, mơ ò ai tồr iat, kư̆ kơldang nùs tòm bơta iơh bơsak nùs kòñ bol khai dê, bol khai cơnđòa lòt tòm bơta kơlôi bơyai is bol khai dê, mơ tơnggòr hơ ngkòi, ò cơnđòa lòt hơđap.

Jeremi 9:14

Mơya bol khai kơldang bồ lòt jat nùs is bol khai dê, jat ală yàng Baal mơ ồng pàng bol khai neh bơto bol khai.”

Ejekiel 1:26

Mơ đah hơđang dơwàng hơđang bồ bol gơ dê gơs gơlơh kung be dô nơm sơbàn mơ lŭ màng tơlir trồ; mơ hơđang sơbàn gơs gơlơh kung be dô nă kòn mơnus.

Ejekiel 43:7

Khai đơs mơ añ lah: “Ơ kòn mơnus, do la tiah ơn sơbàn Añ jê, mơ la tiah ơn kơndòl jơng Añ jê. Do la tiah Añ rơp ơm sùm sùm digùl kòn sau Israel. Hìu Israel, bol khai hala ală cau bơtau bol khai dê, rơp ò tŭ lơi lơh ƀơ̆ ƀơl tai sơnđan sàng goh Añ jê bơh bơta dri tơlàr bol khai dê, mơ bơh ală rùp ràk ò gơs bơta kis ală cau bơtau bol khai dê hơđang ală tiah jơnhoa.

Ejekiel 48:35

Jơh gùt dar ƀòn dờng rơp la jơt phàm rbô tal. Mơ sơnđan ƀòn dờng bơh di tŭ hơ̆ rơp la: “YÀNG JEHÔWA ƠM TỀNG HƠ̆.”

Sacari 2:11

Tòm ngai hơ̆, oă làng bol rơp pơjum wơl mơ Yàng Jehôwa mơ rơp gơlik gơs làng bol Añ jê. Añ rơp ơm digùl bol mê. Mơ bol mê rơp git lah Yàng Jehôwa Gơnap Gơnoar Dờng Làm Jơh neh sồr añ tus hơ bol mê.

Sacari 8:8

Añ rơp cèng brê bol khai wơl nàng ơm tòm Jerusalem, bol khai rơp lơh gơs làng bol Añ jê, mơ Añ rơp lơh gơs Yàng Tom Trồ bol khai dê tòm bơta dòn song mơ song ring.”

Khà Làng Bol 15:39

Bol mê pal gơs ală mbrùi hơ̆ nàng sền gŏ mơ rơp kah wơl jơh ală jơnau sồr Yàng Jehôwa dê, tồ bol mê dòn bơr lơh jat ală jơnau hơ̆ mơ ò lơh să tòm bol mê tìs glài lòt jat ală bơta hàm kòñ nùs tồr mơ mat tòm bol mê dê.

Rôma 1:21

Bơh bulah bol khai git Yàng Tom Trồ, mơ kung ò bài jòng ro mơ ưnngài Kơnràñ sơl, mơya kư̆ tìs nrah tòm ală bơta kơlôi sơnơng mơ nùs tùl gơla bol khai dê gơlik klam jơngo.

Rôma 6:14

Bơh tồi glài ò geh at bồ hơđang oh mi tai; bơh oh mi ò di ơm tòm gơnoar bơta boh lam dê, mơya ơm tòm gơnoar bơta nđàc dê.

Galati 4:26

Mơya Jerusalem ơm hơđang jòng la ƀòn khat gơboh, hơ̆ la mè bol he dê.

Yal Wơl 29:29

Ală bơta ndơp ndơr gơrê bal mơ Jehôwa Yàng Tom Trồ bol he dê, mơya ală bơta neh ràng tơlik gơrê bal mơ bol he mơ kòn sau bol he dê gam sùm sùm, tồ bol he lơh jat jơh ală jơnau neh cih tòm bơta boh lam do.

Ală Kwang Cahrña 2:19

Mơya tòm tŭ cau kwang cahrña chơt gen làng bol rê wơl tòm ală gùng iơh rlau mơ gùng ală ồng pàng bol khai dê, lòt jat ală yàng ndai, duh broă mơ duh khoai bol gơ. Bol khai ò bài sang lòi broă iơh bol khai dê mơ gùng kră kơldang.