Jeremi 29:26 - Sră Goh 2018

²⁶ Yàng Jehôwa neh bơtào mê lơh gơs cau gơnoar ơn phan duh khoai ala Jehôyada, la cau gơnoar dờng ơn phan duh khoai, sền gàr tòm hìu Yàng Jehôwa, dilah cau lơi gơla bơrngơl sơnđan he la cau gơnoar hwơr, gen kup tĕ, dò gơsàng mơ kơt sreng wơl.

Jeremi 29:26 Mawu Ofanana

II Ală Bơtau 11:15

Mơya cau gơnoar ơn phan duh khoai sồr ală kwang at bồ mpồl ling lah: “Cèng tĕ cau ùr hơ̆ lik bơh digùl mpồl ling, mơ dilah cau lơi jat khai, gen tơnchơt tĕ mơ đào.” Bơh cau gơnoar ơn phan duh khoai đơs lah: “Bañ tơnchơt khai tòm hìu duh khoai Yàng Jehôwa dê.”

II Ală Bơtau 11:18

Jơh làng bol lơgar dê lòt tus hơ bơmồng Baal mơ sòr tơrlah gơ, pòng bơcah cơnòng duh khoai mơ rùp ràk Baal dê, mơ tơnchơt Mathan, cau ơn phan duh khoai Baal, di đap cơnòng duh khoai. Cau gơnoar ơn phan duh khoai Jehôyada ơn cau kơp gàr hìu duh khoai Yàng Jehôwa dê.

II Ală Bơtau 9:11

Tòm tŭ Jehu rê wơl hơ ală cau kwang cau tòm khai dê. Bol khai lùp lah: “Ală bơta lơngap lơngai sơl ơ? Ñchi bơh tài cau sơnrang do tus jòi bi taih?” Jehu ho mơ bol khai lah: “Bol mê git khai mơ mbe jơnau khai neh đơs.”

II Yal Yau 16:10

Asa gơhào gơjrañ di cau gơnoar hwơr tài bơh jơnau hơ̆; mơ kup Hanani jàm khai tòm hìu prap phan, bơh bơtau gơhào gơjrañ di khai. Kung tòm tŭ hơ̆, Asa rồn bơklơn iơh rmơh ngan dô êt nă cau tòm làng bol.

II Yal Yau 18:26

mơ đơs lah: ‘Bơtau đơs be do: Jàm tĕ cau do tòm hìu jàm mơ siam khai mơ piang lă mơ dà bơta bòl glar jơl tus di tŭ añ rê wơl lơngap lơngai.’”

Jeremi 29:27

Behơ̆ gen ñchi bơh tài mê ò lah sơrpah Jeremi ơm tòm Anatôt, la cau sơnđan he la cau gơnoar hwơr bol mê in behơ̆ taih?

Jeremi 38:28

Mơ Jeremi gam ơm tòm ƀlàng hìu ling kơp gàr, jơl tus di tŭ Jerusalem kong tòmpìt ai.

Jeremi 38:6

Gen bol khai kup Jeremi mơ sơrbì tòm trồm jrô Malkija, kòn klau bơtau dê, trồm jrô hơ̆ ơm tòm ƀlàng hìu ling kơp gàr; bol khai ngui che mơ tơndùh Jeremi, trồm jrô hơ̆ ò gơs dà, mìng gơs bŏ lơm; Jeremi kong gơkram tòm bŏ.

Sră Ôse 9:7

Ală ngai lơh glài neh tus rau! Ală ngai sal tê neh tus rau! Israel ñìm nggà. Cau gơnoar hwơr gơlik bơrngơl gơla, cau gơs hwềng Yàng gơlik sơnrang sơnrồng, tài bơh tồi glài bol mê dê la kơnjơ̆ ngan, mơ bơta sòdră bol mê dê la dờng.

Sacari 13:1

Tòm ngai hơ̆ rơp gơs dô nơm croh dà gơ pò hìu Dabit mơ làng bol Jerusalem in, nàng rào goh bol khai bơh tồi glài mơ bơta ƀơ̆ ƀơl.

Mathiơ 21:23

Dơ̆ Yàng Jesu mut tòm hìu duh khoai, tòm tŭ Kơnràñ bơto sồr gen gơs ală cau gơnoar lam bồ ơn phan duh khoai mơ ală cau kwang kra tòm làng bol tus lùp lah: “Bơh gơnoar lơi mơ ồng lơh ală bơta do, mơ ñcau neh ai ồng in gơnoar hơ̆ taih?”

Jơnau Niam Jat Mak 3:21

Ală cau tòm hìu nhă Kơnràñ dê kơno behơ̆ gen tus nàng kup gàr Kơnràñ, bơh bol khai đơs lah: “Kơnràñ neh roh dơngoh jak rau.”

Jang 10:20

Oă cau tòm bol khai đơs lah: “Khai kòl cà lơh mơ sơnrang; ñchi bol mê gam iat khai taih?”

Jang 10:33

Ală cau Juda ho lah: “Bol hi ò cơm lŭ di ồng tài bơh broă niam, mơya bơh jơnau đơs tràl sơrbil; ồng la kòn mơnus mơ bơtào is să he la Yàng Tom Trồ.”

Jang 8:53

Ngan sơl Cau Bơto dờng rlau mơ Abraham, ồng pàng bol hi dê, la cau neh chơt ơ? Ală cau gơnoar hwơr kung neh chơt! Cau Bơto sơnđan is să he la ñcau taih?”

Broă 16:24

Geh gơnoar sồr hơ̆ rau, cau at bồ hìu jàm sơrbì bol khai tòm ơdŭ jơngo mơ dò gơsàng di jơng.

Broă 26:11

Añ òs lòt làm ală hìu jum cau Juda, lơh glài mơ bơklơn bol khai sang lòi bơta dòn, bơh añ gơjrañ oă ngan, tian gơs añ lòt tus tòm ală ƀòn dờng lơgar bơdìh nàng kup kơryan bol khai.

Broă 26:24

Khai ơm đơs behơ̆ nàng tò să khai, gen Phestus đơs dờng jơnau lah: “Ơ Pol, mê neh roh dơngoh rau, mê bơtê git oă ir tian gơs gơlik sơnrang!”

Broă 26:25

Pol ho lah: “Ơ ồng dờng Phestus ryŭ ryơm ngan, añ ò di sơnrang ò, mơya añ đơs hơ̆ la jơnau song mơ dơngoh àng loh.

Broă 4:1

Tòm tŭ Pier mơ Jang ơm đơs mơ làng bol gen ală cau gơnoar ơn phan duh khoai, cau kwang sền gàr hìu duh khoai mơ cau Saduse lòt tus.

Broă 5:18

gen lơh nền kup ală cau gơnoar bơto dờng mơ krơ̆ tòm hìu jàm.

Broă 5:24

Cau kwang sền gàr hìu duh khoai mơ ală cau gơnoar lam bồ ơn phan duh khoai kơno behơ̆, gen bol khai kơlôi ñchi bơta neh gơlik gơs mơ ală cau gơnoar bơto dờng.

II Kôrintô 11:33

mơya bơh mpồng dềt di gah dơrñang ƀòn gơs cau tơmù añ tòm dô nơm bài, behơ̆ añ lik klàs bơh di tê khai.

Yal Tơlik 2:10

Mê bañ rngòt dê ală bơta bòl glar jê sồt mê mòr kong. Iat tĕ! Cà ràk mòr sơrbì dô êt cau tòm bol mê tòm hìu jàm, nàng bol mê kong lòng; bol mê rơp gơs bơta rung rài tòm jơt ngai. Dòn song tĕ jơl chơt, gen Añ rơp ai bol mê in sơgơn bơtau bơta kis.’