Jeremi 29:17 - Sră Goh 2018

¹⁷ Behơ̆, do la jơnau Yàng Jehôwa Gơnap Gơnoar đơs: “Ngan, Añ rơp sồr pềs tà, jơgloh rung, mơ pluh plàng tus hơđang bol khai, rơp lơh bol khai in tòm toh be ală plai chi ƀal ồm, tian gơs cau ò rgơi sa.

Jeremi 29:17 Mawu Ofanana

Jeremi 27:8

Dilah làng bol lơi hala lơgar lơi ò duh broă bơtau hơ̆, la Nebukatnessar, bơtau Babilôn, mơ ò ơn yô bơtau Babilôn dê di ngko he dê, gen Añ rơp ngui đào tà, jơgloh rung mơ bơta rung rài mơ lơh glài làng bol hơ̆, jơl tus di tŭ tê bơtau Nebukatnessar neh tơnroh jơh bol khai, Yàng Jehôwa đơs behơ̆.

Jeremi 29:18

Añ rơp ai pềs tà, jơgloh rung mơ pluh plàng ting jat bol khai, rơp lơh bol khai in gơlik dô bơta rngòt rngơt digùl ală lơgar tòm dunnia, lơh gơs bơta srat sơntơm, cù kìr, dơñŏ tơnhial, ƀàssìl ƀàsso digùl ală làng bol mơ Añ neh bơtrơh bol khai tus.”

Jeremi 32:24

Ne, ală theng gơrwàng kơ̆ cê neh geh bơt gùt dar ƀòn nàng tòmpìt ai gơ. Tài bơh pềs tà, jơgloh rung, pluh plàng, gen tàng ƀòn kong phi tòm tê cau Kalde tòmlơh mơ bol khai. Bơta Kơnràñ đơs neh gơlik gơs, be Kơnràñ neh gŏ!

Jeremi 43:11

Bơtau hơ̆ rơp tus, lơh lơgar Ejiptơ Ală cau pal kong pluh plàng gen chơt bơh pluh plàng, Ală cau pal lơh dĭ gen kup cèng gơs dĭ, Ală cau pal kong chơt bơh pềs tà gen phi pềs tà in!

Jeremi 52:6

Ngai sin kơnhai poan, bơta jơgloh rung dờng tus tòm ƀòn, gen ò gơs phan sa làng bol tòm lơgar in.

Luka 21:11

rơp gơs lơnggơr ù dờng, oă tiah gơs jơgloh rung mơ pluh plàng; kung gơs ală broă rngòt cù kìr mơ tềl krơi dờng bơh trồ.

Luka 21:23

Tòm ală ngai hơ̆, bòl glar cau bun in mơ cau gơs kòn pô in! Bơh rơp gơs bơta rung rài dờng gơdùh tòm ù mơ bơta lơh glài Yàng Tom Trồ rơp tus hơđang làng bol do.

Yal Tơlik 6:8

Mơ añ gŏ, ne, gơs dô nơm ơseh pàl pàl. Cau hào ơseh hơ̆ sơnđan la Bơta chơt, mơ Lơgar Làng ƀồc jat bơh tơnơ̆ khai. Neh ai bol khai in geh gơnoar tơnchơt dô pơnah poan tòm plai ù, la tơnchơt mơ đào, mơ jơgloh rung, mơ pluh plàng mơ ală phan poan jơng jàñ bơsak tòm plai ù.